சமையலுக்கு பயன்படும் மூலிகைகள், உணவுக்கு சுவையையும், மணத்தையும் கொடுப்பதோடு, ஆரோக்கிய பலன்களையும் அளிக்கின்றன. உங்கள் வீட்டுத் தோட்டத்தில் எளிதாக வளர்க்கக் கூடிய ஐந்து முக்கிய மூலிகைகளை பற்றி இங்கே காணலாம்.
மேலும் படிக்க: Chia seeds: சியா விதைகளை வீட்டிலேயே ஈசியாக வளர்க்கலாம்; இந்த 5 குறிப்புகளை மட்டும் பின்பற்றவும்
புதினா வேகமாக வளரக்கூடிய ஒரு தாவரம் ஆகும். இது படர்ந்து வளரும் தன்மை கொண்டது. எனவே, இதை ஒரு தொட்டியில் நட்டு வளர்ப்பது சிறந்தது. இதற்கு ஓரளவு சூரிய ஒளி மற்றும் ஈரப்பதம் உள்ள மண் தேவை. புதினாவை சட்னி, லெமனேட் மற்றும் பல்வேறு உணவுகளில் பயன்படுத்தலாம். மேலும், இது செரிமானத்திற்கு மிகவும் உதவியாக இருக்கும்.
குளிர்ந்த காலநிலை மற்றும் மிதமான சூரிய ஒளி கொத்தமல்லி வளர்வதற்கு ஏற்ற சூழல் ஆகும். இதனை விதைகள் மூலம் எளிதாக வளர்க்கலாம். இந்திய உணவுகளில் அலங்காரத்திற்கும், சட்னி செய்வதற்கும் கொத்தமல்லி இலைகள் பெரிதும் பயன்படுத்தப்படுகின்றன. இது உணவுக்கு புத்துணர்ச்சியூட்டும் மணத்தை சேர்க்கிறது.
மேலும் படிக்க: வீட்டுத் தோட்டத்தில் குங்குமப்பூ வளர்ப்பு: சிறிய இடம் இருந்தால் போதும்; இந்த டிப்ஸை ஃபாலோ பண்ணுங்க
கறிவேப்பிலை வளர அதிக சூரிய ஒளி மற்றும் போதுமான தண்ணீர் அவசியம். இதை தொட்டியில் வளர்க்கலாம். ஆனால் அதன் வேர்கள் பரவுவதற்கு போதுமான இடம் இருப்பதை உறுதிப்படுத்திக் கொள்ளுங்கள். கறிவேப்பிலை, உணவில் ஒரு தனித்துவமான மணத்தை சேர்ப்பதோடு, ஆன்டிஆக்ஸிடன்ட்களை நிறைவாக கொண்டுள்ளது. தாளிப்பதற்கு இது மிகவும் அவசியமானது.
லெமன் கிராஸ் வளர நிறைய சூரிய ஒளியும், இடவசதியும் தேவை. இதை தொட்டிகளிலோ அல்லது தரையிலோ வளர்க்கலாம். இது மூலிகை தேநீர் மற்றும் தாய்லாந்து உணவுகளில் பரவலாக பயன்படுத்தப்படுகிறது. இதன் மற்றொரு சிறப்பு என்னவென்றால், இது ஒரு சிறந்த கொசு விரட்டியாகவும் செயல்படும்.
துளசி வளர இதமான சூரிய ஒளியும், நன்கு வடிகால் வசதியுள்ள மண்ணும் தேவை. செடி அடர்த்தியாக வளர, அவ்வப்போது பூக்கும் மொட்டுகளை கிள்ளிவிடுவது நல்லது. துளசி இலைகளை கொண்டு மூலிகை தேநீர் மற்றும் நோய் எதிர்ப்பு சக்தியை அதிகரிக்கும் கஷாயங்கள் தயாரிக்கப்படுகின்றன. இது பல ஆரோக்கிய நன்மைகளை உள்ளடக்கிய ஒரு சிறந்த மூலிகை ஆகும்.
இந்த ஐந்து மூலிகைகளையும் உங்கள் வீட்டுத் தோட்டத்தில் வளர்த்து, உங்கள் சமையலறைக்கு தேவையான புத்துணர்ச்சி மற்றும் ஆரோக்கிய நன்மைகளை நீங்களே உருவாக்கிக் கொள்ளலாம்.
இந்தக் கட்டுரை உங்களுக்குப் பிடித்திருந்தால், அதைப் பகிரவும் மேலும் இதே போன்ற பிற கட்டுரைகளைப் படிக்க Her Zindagi உடன் இணைந்திருங்கள்.
Image Credit: Freepik
உங்களைப்போலவே, உங்கள் சருமமும், உடலும் வித்தியாசமானது. எங்களின் பதிவுகள் மூலமாகவும், சமூக ஊடக சேனல்கள் மூலமாகவும் பகிரப்படுபவை யாவும் நம்பத்தகுந்ததாகவும், நிபுணர்களால் சரிபார்க்கப்பட்டதாகவும் இருப்பதை உறுதி செய்ய அனைத்து நடவடிக்கைகளையும் எடுக்கிறோம். இருப்பினும், எந்தவொரு வீட்டு வைத்தியம், டிப்ஸ் அல்லது ஃபிட்னஸ் டிப்ஸ் போன்றவற்றை முயல்வதற்கு முன்பு மருத்துவரின் ஆலோசனை அவசியம். ஏதேனும் கருத்து தெரிவிப்பதற்கு அல்லது புகார்களுக்கு எங்களை தொடர்புக்கொள்ளவும். compliant_gro@jagrannewmedia.com