மாடியில் கத்திரிக்காய் விளைச்சல் காண்பதற்கு விதைப்பு முதல் அறுவடை வரை; முழு தகவல்

மாடித் தோட்டத்தில் கத்திரிக்காய்

கத்திரிக்காய் செடி வளர்ப்பு

• கத்திரிக்காயை நேரடியாக விதை நடவு செய்து வளர்த்தால் விளைச்சல் அவ்வளவாக கிடைக்காது. நாற்று நடவு செய்து கத்திரிக்காய் வளர்க்க வேண்டும்.
• நர்சரியில் இருந்து தரமான நாட்டு கத்திரிக்காய் விதைகளை வாங்கவும். செம்மண்ணில் கோகோபீட் கலந்து ஒரு அங்குல ஆழத்தில் கத்திரிக்காய் விதைகளை பரவலாக தூவி விட்டு மூடி தண்ணீர் ஊற்றி வளர்க்க ஆரம்பிக்கவும்.
• கொஞ்சம் நிழலான பகுதியிலேயே கத்திரிக்காய் செடி வளரும். 8-10 நாட்களில் விதைத்த விதைகள் முளைக்க ஆரம்பிக்கும்.

கத்திரிக்காய் செடி மண் கலவை

• விதை முளைத்து 2-3 இலைகள் தென்பட்டவுடன் இதை மண் கலவைக்கு மாற்றலாம்.
• 20*20 மண் தொட்டியில் 40 விழுக்காடு கோகோபீட், 20 விழுக்காடு மாட்டு எரு, 20 விழுக்காடு மண் புழு உரம், 20 விழுக்காடு செம்மண், கொஞ்சம் சூடோமோனாஸ் கலந்து தண்ணீர் ஊற்றி நாற்று போல் கத்திரிக்காய் செடியை நடவும்.
• மாலை நேரத்தில் இதை செய்யவும். ஏனெனில் மறுநாளே மண்ணில் வேர் பிடித்து கத்திரிக்காய் செடி வளர ஆரம்பிக்கும்.
• 15 நாட்களுக்கு ஒரு முறை மீன் அமிலம் தெளிக்கவும். ஒரு லிட்டர் தண்ணீரில் 20 மில்லி மீன் அமிலம் கலந்து தெளிக்கவும்.
• 30 நாட்களில் கத்திரிக்காய் செடி நன்றாக இலை விட்டு வளர்ந்திருக்கும். செடி வளர்வதற்கு துணையாக மூங்கில் குச்சியுடன் கட்டிவிடவும்.
• 40 நாட்களில் மொட்டு வளரும். அப்போது தேங்காய் - புளித்த மோர் கரைசலை தெளிக்கவும்.
• ஒரு லிட்டர் தண்ணீருக்கு 100 மில்லி தேங்காய் - மோர் கரைசல் கலந்து செடியில் பயன்படுத்தலாம்.

கத்திரிக்காய் செடி பூச்சி தாக்குதல்

• ஒவ்வொரு முறை தண்ணீர் தெளிக்கும் போது இலைகளை பரிசோதிக்கவும். கத்திரிக்காய் செடி இலைப்பேன், சாறு உறிஞ்சி பூச்சியால் பாதிக்கப்படும்.
• மாதம் ஒரு முறை வேப்ப புண்ணாடு கரைசல் தெளிக்கவும். இலைகள் நன்கு வளர ஆரம்பித்த பிறகு மண்புழு உரம், காய்கறி உரம் பயன்படுத்துங்கள்.

மேலும் படிங்கவீட்டில் கொத்தமல்லி செடி செழித்து வளர்ப்பதற்கான முறை; வியாபாரமே பண்ணலாம்