துணியில் ஒட்டிய விடாப்பிடியான கறைகளை நீக்கி இந்த சூட்சுமம் தெரிஞ்சுகோங்க

உங்களுக்குப் பிடித்தமான ஆடையில் விடாப்பிடியான கறைகள் ஓட்டிக் கொண்டிருந்தால் இனி எப்படி இந்த ஆடையை அணிவோம் என்ற கவலை ஏற்படும். பிடிவாதமான கறைகள் குறிப்பாக வெள்ளை நிற ஆடைகளில் படிந்தால் அதை நீக்குவது மிகவும் சிரமமாகிவிடும் இருக்கலாம். கறை ரொம்ப நல்லது என சொல்லி ஏமாற்றப் போவதில்லை. ஆடையில் தவறுதலாக எண்ணெய் சிந்தியிருந்தால் தேவையற்ற கறையை நீக்கி அசல் வசீகரத்தை மீட்டெடுக்க இந்த வழிகளை பின்பற்றவும்.

எலுமிச்சை அல்லது வினிகர் பயன்படுத்துங்கள்

பிடிவாதமான கறைகளை இரண்டு எளிய மற்றும் பயனுள்ள வீட்டு பொருட்களை கொண்டு நீக்க முடியும். ஒன்று எலுமிச்சை சாறு மற்றொன்ரு வினிகர். இவை கறைகளை எதிர்த்துப் போராடும். அவற்றின் அமில பண்புகள் விடாப்பிடியான கறைகளின் சேர்மங்களை உடைக்க உதவுகின்றன. இதனால் கறையை அகற்றுவது எளிதாகிறது. எலுமிச்சை சாறு அல்லது வினிகரை நேரடியாக கறையின் மீது தடவி, 15-20 நிமிடங்கள் அப்படியே ஊறவைத்து பின்னர் தண்ணீரில் கழுவினால் கறைகள் நீங்கும்.

பேக்கிங் சோடா கலவை

கடினமான மஞ்சள் கறைகளை நீக்க துவைக்கும் திரவத்துடன் சமையல் சோடாவை சேர்த்து பயன்படுத்தவும். கறையின் மீது நேரடியாக திரவத்தை தடவி அதன் மேல் பேக்கிங் சோடாவை தூவுங்கள். திரவம் கறையை நீக்கும் அதே நேரத்தில் பேக்கிங் சோடா மெதுவாக கறையின் நிறத்தை உடைக்கும். நீங்கள் வழக்கம்போல துணி துவைக்கும் முன்பாக 10-15 நிமிடங்களுக்கு அப்படியே வைக்கவும்.

ஹைட்ரஜன் பெராக்சைடு கரைசல்

ஹைட்ரஜன் பெராக்சைடு பயன்படுத்தும் போது மிகுந்த எச்சரிக்கையும் கவனமும் தேவை. கடினமான கறைகளுக்கு ஒரு ஸ்பூன் ஹைட்ரஜன் பெராக்சைடை இரண்டு ஸ்பூன் தண்ணீருடன் கலந்து நேரடியாக கறையில் தடவவும். அதை 15 நிமிடங்கள் அப்படியே விட்டு, பின்னர் துணியை துவைத்து நீரில் கழுவவும். இருப்பினும் அடர் நிற துணிகளில் ஹைட்ரஜன் பெராக்சைடைப் பயன்படுத்தும் போது எச்சரிக்கையாக இருங்கள். ஏனெனில் அது துணியை வெளுக்கும் தன்மை கொண்டது.

கறைகளை உடைக்கும் ஆல்கஹால்

ஆடைகளிலிருந்து கறைகளை நீக்குவதற்கு ஆல்கஹால் பயன்படுத்துவது எளிய தீர்வாகும். காட்டனில் ஆல்கஹால் கொண்டு நனைத்து கறையின் மீது மெதுவாகத் தடவவும். ஆல்கஹால் துணியில் கறை ஒட்டிக்கொள்ளக் காரணமான எண்ணெய் சேர்மங்களை உடைக்க உதவுகிறது.

இதுபோன்ற கட்டுரைகளுக்கு ஹெர் ஜிந்தகியுடன் தொடர்ந்து இணைந்திருங்கள்.