Slim Look in 15 Days : 15 நாட்களில் ஸ்லிம்மான உடல் அழகை பெற, இந்த யோகாசனங்களை செய்யுங்கள்!

உடற்பயிற்சி செய்யாமல் இருப்பது, மன அழுத்தம் மற்றும் தவறான உணவு பழக்கம் போன்ற பல்வேறு காரணங்களால் தொப்பை அதிகரிக்கலாம். இதனால் மரபியல் ரீதியாக உடல் பருமன் அல்லது சர்க்கரை நோய் போன்ற பிரச்சனைகளும் ஏற்படக்கூடும். ஆரோக்கியமான வாழ்க்கை முறையை பின்பற்றுவதன் மூலம் பல உடல்நல பிரச்சனைகளை தடுக்கலாம். ஒரே இடத்தில் அமர்ந்து வேலை பார்க்கும் சூழலை மாற்றி, சரியான உணவு, முறையான தூக்க சுழற்சி போன்றவற்றை கடைபிடித்தால் தொப்பை கொழுப்பை சுலபமாக குறைக்க முடியும். அடிவயிற்றை சுற்றியுள்ள கொழுப்புகளை குறைக்க உதவும் யோகாசனங்களை பற்றி இன்றைய பதிவில் பார்க்கலாம்.

இந்த யோகாசனங்கள் குறித்த தகவல்களை யோகா நிபுணரான ஹிமாலயன் சித்த அக்ஷர் அவர்களிடமிருந்து தெரிந்து கொள்வோம். இதில் கொடுக்கப்பட்டுள்ள ஒவ்வொரு தோரணையையும் 30 வினாடிகளுக்கு மூன்று முறை செய்யவும். இப்பதிவில் பகிரப்பட்டுள்ள பிராணயாமம் பயிற்சியை தினமும் ஐந்து நிமிடங்கள் செய்யலாம்.

இந்த பதிவும் உதவலாம்: தொப்பை குறைய, உங்கள் காலை உணவில் இந்த மாற்றங்களை செய்து கொள்ளுங்கள்!

கபால்பதி பிராணயாமம்

• இந்த சுவாச பயிற்சி செய்வதற்கான சரியான முறையை இப்போது தெரிந்து கொள்வோம்.

• முதலில் பத்மாசனம் அல்லது சம்மணம் போட்டு சௌகரியமாக உட்கார்ந்து கொள்ளவும்.

• நேராக உட்கார்ந்து கண்களை மூடிக்கொள்ளவும்.

• உங்களுடைய உள்ளங்கையை முட்டியின் மீது மேல் நோக்கியவாறு வைக்க வேண்டும்.

• இயல்பாக சுவாசிக்கவும், மேலும் குறுகிய நேரத்தில் சுவாசத்தை எடுக்கவும்.

• பின்னர் அழுத்தம் கொடுத்து நுரையீரலில் உள்ள அனைத்து காற்றையும் வெளியேற்றுங்கள்.

• குறுகிய நேரத்தில் சுவாசத்தை எடுத்து அதை அழுத்தம் கொடுத்து வெளியேற்றும் பொழுது வயிற்றில் தானாகவே அழுத்தம் ஏற்படும்.

படகோட்டும் தோரணை

• இந்த பயிற்சி செய்வதற்கு முதலில் நேராக படித்துக் கொள்ளவும்.

• உடலின் மேல் மற்றும் கீழ் பகுதியை உயர்த்தவும்.

• உங்களுடைய கால் பாதமும் கண்களும் ஒரே நேர்கோட்டில் இருக்க வேண்டும்.

• இந்தத் தோரணையை செய்யும் பொழுது முழங்கால்களையும், முதுகு பகுதியையும் நேராக வைக்க வேண்டும்.

• கைகளை தரைக்கு இணையாக வைத்து முன்னோக்கி பார்க்கவும்.

• முதுகை நேராக வைத்து சுவாசிப்பதில் கவனம் செலுத்துங்கள்.

பிளாங்க் பயிற்சி

• முதலில் உங்களுடைய வயிறு தரையை தொடும்படி படுத்துக் கொள்ளவும்.

• உள்ளங்கையை தோள்பட்டைக்கு அருகில் வைத்து, உடலின் மேல் பகுதி, இடுப்பு மற்றும் முழங்கால்களை உயர்த்த வேண்டும்.

• உங்களுடைய கால்களை தரையில் ஊன்றி முழங்கால்களை நேராக வைக்கவும்.

• முதுகெலும்பு முழங்கால் மற்றும் இடுப்பு பகுதி ஒரே நர் கோட்டில் இருக்க வேண்டும்.

• இந்தத் தோரணையில் சிறிது நேரம் இருக்கவும்.

வசிஷ்டாசனம்

• இந்த யோகாசனத்தை செய்வதற்கு முதலில் பிளாங்க் பயிற்சியின் தோரணையில் தொடங்கவும்.

• உங்களுடைய இடது உள்ளங்கையை தரையில் ஊன்றியபடி, வலது கையை தரையில் இருந்து உயர்த்தவும்.

• இப்போது முழு உடலையும் வலது பக்கம் திருப்பவும். பின்னர் தரையில் இருக்கும் வலது காலை தூக்கி இடது காலின் மீது வைக்கவும்.

• வலது கையை வானத்தை நோக்கி மேலே உயர்த்தி விரல்களை நீட்டவும்.

• உங்களுடைய குதிகால் முழங்கால்கள் மற்றும் பாதங்கள் இரண்டும் ஒன்றோடு ஒன்று சேர்ந்து இருக்க வேண்டும்.

• மேலும் இரு கைகளும் தோள்களும் ஒரே நேர்கோட்டில் இருக்க வேண்டும்.

• இப்போது தலையை திருப்பி வலது கையை பார்க்கவும்.

• சிறிது நேரம் இந்த தோரணையில் இருக்கவும் பின்பு இதே முறையை பின்பற்றி இடது பக்கத்திலும் பயிற்சி செய்யவும்.

இந்த உடற்பயிற்சியை செய்யும் பொழுது ஒரு சில உணவு மாற்றங்களையும் செய்து கொள்ளுங்கள். போதுமானவரை சர்க்கரை அதிகம் உள்ள உணவுகளை தவிர்த்துக் கொள்ளுங்கள். மேலும் அதிக கார்போஹைட்ரேட் உட்கொள்ளலையும் கட்டுப்படுத்தவும். சரியான வாழ்க்கை முறை, தூக்கம், உடற்பயிற்சி மற்றும் யோகா மூலம் தொப்பையை குறைத்து ஸ்லிம்மான உடல் அழகை பெற்றிடுங்கள்.

இந்த பதிவும் உதவலாம்: தொப்பை மற்றும் இடுப்பு கொழுப்பை குறைக்கும் 3 பிரிட்ஜ் பயிற்சிகள்!

இந்த தகவல் உங்களுக்கு நிச்சயம் பயனுள்ளதாக இருந்திருக்குமென நம்புகிறோம். இந்த பதிவு பிறருக்கும் பயன்பெற இதனை பகிரலாமே. மேலும் ஹெர்ஷிந்தகி தமிழ் பக்கத்தில் இணைவதன் மூலமாக தொடர்ந்து பயனுள்ள பதிவை காணலாம்.

image source:freepik