-1736421339128.webp)
நடைபயிற்சி ஆரோக்கியத்திற்கு மிகவும் பயனுள்ளதாக கருதப்படுகிறது. அதிக உடற்பயிற்சி செய்ய முடியாதவர்கள், நடைபயிற்சி மூலம் தங்கள் உடற்தகுதியை கவனித்துக்கொள்கிறார்கள். ஒரு நபர் நடைபயிற்சி மூலம் பல வகையான நோய்களிலிருந்து தன்னைப் பாதுகாத்துக் கொள்ள முடியும் என்பதில் சந்தேகமில்லை. மேலும், இது ஒரு நபரின் அதிக எடையைக் குறைக்க உதவுகிறது. இருப்பினும், சிலர் கூடுதல் கலோரிகளை எரிக்க வேகமான நடைப்பயிற்சியை தேர்வு செய்கிறார்கள். வேகமான நடைப்பயிற்சி உங்களுக்கு அதிக வியர்வையை உண்டாக்குகிறது மற்றும் கலோரிகளை எரிக்கிறது. ஆனால் இந்த நேரத்தில் ஒரு நபர் காயமடையும் அபாயமும் உண்டு. எனவே ஒரு நபர் சில சிறிய தவறுகளைத் தவிர்ப்பது முக்கியம். வேகமான நடைபயிற்சியின் போது தவிற்க வேண்டிய சில தவறுகளைப் பற்றி பார்க்கலாம்.
மேலும் படிக்க: பன்னீர் திராட்சை பெண்களின் உடல் ஆரோக்கியத்திற்கு தரும் எண்ணற்ற நன்மைகள்
நீங்கள் விறுவிறுப்பான நடைபயிற்சி செய்யும் போது, உங்கள் வேகத்தில் கவனம் செலுத்துவது மிகவும் முக்கியம். வேகமான நடை என்றால் வேகமாக நடப்பது மட்டுமே என்று சிலர் நினைக்கிறார்கள். ஆனால் இது முற்றிலும் உண்மை இல்லை. நோய் கட்டுப்பாடு மற்றும் தடுப்பு மையங்கள் (CDC) படி, விறுவிறுப்பான நடைபயிற்சி செய்யும் போது, நீங்கள் நிமிடத்திற்கு 100 படிகளை விட வேகமாக நடக்க வேண்டும். ஆனால் இதை விட அதிகமாக நடக்கிறீர்கள் என்றால் தவறு செய்கிறீர்கள் என்று அர்த்தம்.
Image Credit: Freepik
வேகமான நடைப்பயிற்சியின் போது சிலர் இடுப்பைப் பலமுறை பக்கவாட்டில் திருப்புவார்கள். வேகமாக நடக்கும்போது இது மிகவும் பொதுவானது. இருப்பினும் விறுவிறுப்பான நடைப்பயணத்தின் போது இதைச் செய்யக்கூடாது என்பதை நீங்கள் நினைவில் கொள்ள வேண்டும். இதைச் செய்யும்போது இடுப்பில் இழுப்பு ஏற்படுவதற்கான வாய்ப்புகள் கணிசமாக அதிகரிக்கும்.
பல நேரங்களில் மக்கள் வேகமாக நடக்கும்போது, அவர்கள் கீழ்நோக்கிப் பார்க்கிறார்கள். மேலும் அவர்களின் தோள்களும் முன்னோக்கி வளைந்திருக்கும். இதனால் அவர்களுக்கு மன அழுத்தம் அதிகரிக்கிறது. இது மட்டுமின்றி, இது உங்கள் கழுத்து, இடுப்பு, முதுகு மற்றும் தோள்களில் பதற்றத்தை ஏற்படுத்தும். எனவே வேகமான நடைப்பயணத்தை மேற்கொள்ளும்போது தோள்களை தளர்வாக வைத்து, கழுத்தை முன்னோக்கிப் பார்க்கவும், இதனால் கழுத்தில் எந்த அழுத்தமும் ஏற்படாது.
வேகமான நடைப்பயிற்சி செய்யும்போது மிகவும் இறுக்கமான ஆடைகள் அணிந்து நடப்பதால் உங்கள் இயக்கத்தைத் தடுக்கின்றன. இதன் காரணமாக வேகமான நடைப்பயிற்சி செய்யும்போது நீங்கள் சிக்கல்களை எதிர்கொள்கிறீர்கள். இதனால் நீங்கள் வேகமான நடைப்பயிற்சியில் லேசான ஆடைகளை அணிவது நல்லது. உங்கள் உடைகள் வசதியாக இருக்கும்போது நடைப்பயிற்சி செய்வது எளிதாக இருக்கும்.
Image Credit: Freepik
வேகமான நடைப்பயிற்சி செய்யும்போது தண்ணீர் உட்கொள்வதில் கவனம் செலுத்த வேண்டும். ஆனால் சிலர் இந்த விஷயத்தில் செய்யக்கூடிய தவறு, வேகமாக நடைப்பயிற்சி செய்யும்போது சிலர் ஒரே நேரத்தில் நிறைய தண்ணீர் குடிப்பார்கள் இப்படி செய்யக்கூடாது. இது உங்களை கனமாக உணர வைக்கும். இடையில் சிறிது சிறிதாக தண்ணீர் குடிப்பது நல்லது.
மேலும் படிக்க: பெண்களின் உடலில் உருவாகும் அதிகப்படியான கொழுப்பைக் கட்டுப்படுத்த உதவும் 10 விதைகள்
எனவே நீங்கள் வேகமாக நடைப்பயிற்சி செய்யும் போதெல்லாம், இந்த சிறிய தவறுகளை மீண்டும் செய்வதைத் தவிர்க்கவும், இதனால் எந்த வகையான காயமும் ஏற்படும் அபாயத்தைக் குறைக்கலாம்.
இந்தக் கட்டுரை உங்களுக்குப் பிடித்திருந்தால், அதைப் பகிரவும் மேலும் இதே போன்ற பிற கட்டுரைகளைப் படிக்க Her Zindagi உடன் இணைந்திருங்கள்.
Image Credit: Freepik
Herzindagi video
உங்களைப்போலவே, உங்கள் சருமமும், உடலும் வித்தியாசமானது. எங்களின் பதிவுகள் மூலமாகவும், சமூக ஊடக சேனல்கள் மூலமாகவும் பகிரப்படுபவை யாவும் நம்பத்தகுந்ததாகவும், நிபுணர்களால் சரிபார்க்கப்பட்டதாகவும் இருப்பதை உறுதி செய்ய அனைத்து நடவடிக்கைகளையும் எடுக்கிறோம். இருப்பினும், எந்தவொரு வீட்டு வைத்தியம், டிப்ஸ் அல்லது ஃபிட்னஸ் டிப்ஸ் போன்றவற்றை முயல்வதற்கு முன்பு மருத்துவரின் ஆலோசனை அவசியம். ஏதேனும் கருத்து தெரிவிப்பதற்கு அல்லது புகார்களுக்கு எங்களை தொடர்புக்கொள்ளவும். compliant_gro@jagrannewmedia.com