Millet Chocolate cake recipe: சுவையான சிறுதானிய சாக்லேட் கேக் செய்வது எப்படி?

சாக்லேட் என்று கூறினால் யாருக்கு தான் பிடிக்காது. சிறியவர்கள் முதல் பெரியவர்கள் வரை அனைவரும் விரும்பி சாப்பிடும் ஒரு உணவுப் பொருள் இந்த சாக்லேட். இந்த சாக்லேட்டை கொண்டு பல விதமான ஸ்வீட் வகைகளும் ஐஸ்கிரீம் வகைகளையும் கேக் வகைகளையும் நாம் வீட்டிலேயே தயாரிக்கலாம். சாக்லேட் சாப்பிடுவது ஆரோக்கியம் இல்லை என்று பலரும் கருதுகின்றனர். அப்படியானால் இந்த ஆரோக்கியமான சிறுதானிய சாக்லேட் கேக்கை வீட்டிலேயே செய்து பாருங்கள்.

சிறுதானிய சாக்லேட் கேக் செய்ய தேவையான பொருட்கள்:

• அரை கப் கோதுமை மாவு 
• கால் கப் கம்பு மாவு 
• கால் கப் ராகி மாவு 
• ஒரு கப் நாட்டு சக்கரை 
• முக்கால் டேபிள் ஸ்பூன் பேக்கிங் சோடா 
• 2 டேபிள் ஸ்பூன் உப்பு 
• 2 டேபிள் ஸ்பூன் டார்க் சாக்லேட் பவுடர் 
• ஒரு டேபிள் ஸ்பூன் வினிகர் 
• தேவையான அளவு எண்ணெய் 
• அரை டேபிள் ஸ்பூன் வெண்ணிலா எசன்ஸ் 
• தண்ணீர் தேவைக்கேற்ப

சிறுதானிய சாக்லேட் கேக் செய்முறை:

முதலில் ஒரு குக்கர் எடுத்துக் கொள்ளுங்கள். ஒரு குக்கரில் ஒரு அலுமினிய பாத்திரம் வைத்து அதில் சிறிது எண்ணெய் தடவிக்கொள்ள வேண்டும். பின்னர் கோதுமை மாவு, கம்பு மாவு, ராகி மாவு என்று அனைத்து மாவு வகைகளையும் சேர்த்து, தேவையான அளவு சாக்லேட் பவுடர் உப்பு கலந்து கொள்ளவும். ஒரு பாத்திரத்தில் இந்த மாவு கலவையை சேர்த்து அதில் சிறிய குழி போல செய்து அதனுள் எண்ணெய் மற்றும் வெண்ணிலா எசன்ஸ் சேர்க்கவும். பிறகு இதில் வினிகர் மற்றும் பேக்கிங் சோடா சேர்த்து நன்றாக கலக்கவும். இப்போது இதில் தேவையான அளவு தண்ணீர் ஊற்றி மாவை நன்றாக கலக்க வேண்டும். இப்போது இந்த மாவு கெட்டி பதத்தில் கலவையாக வந்த பிறகு வெண்ணெய் தடவிய பாத்திரத்தில் இந்த கலவையை ஊற்றி குக்கரில் வைத்துள்ள பாத்திரத்தில் வைத்து மூடி விட வேண்டும். சுமார் அரை மணி நேரம் கழித்து திறந்து எடுத்து பார்த்தால் சுவையான சாக்லேட் கேக் ரெடி. இப்போது இதனை சிறு துண்டுகளாக வெட்டி பரிமாறலாம். 

மேலும் படிக்க: சுவையான தேங்காய் பால் அல்வா செய்வது எப்படி?

ஆற்றலை தரும் சாக்லேட்:

வாரத்தில் இரண்டு அல்லது மூன்று முறையாவது டார்க் சாக்லேட்டை சாப்பிட்டு வந்தால் ரத்த ஓட்டம் சீராகும். மேலும் இது ரத்த அழுத்தம் குறைய உதவுகிறது. டார்க் சாக்லேட் சாப்பிடும் நபர்களுக்கு அதிக ஆற்றல் கிடைக்கும். அதேபோல டார்க் சாக்லேட்டை சாப்பிட்டு வருவதால் நம் மூளைக்கு நன்கு சிந்திக்கும் திறன் கிடைக்கிறது. இந்த டார்க் சாக்லேட்டில் அதிக அளவு ஆன்டி-ஆக்ஸிடன்ட் உள்ளதால் செல்களுக்கு பாதிப்பு அளிக்கும் ரேடிக்கல்களை போக்கி புற்றுநோய் ஏற்படும் அபாயத்தை குறைக்க உதவுகிறது. மேலும் இந்த டார்க் சாக்லேட்டில் உள்ள வைட்டமின்ஸ் மற்றும் கனிமச் சத்து போன்ற ஊட்டச்சத்துக்கள் நம் உடல் ஆரோக்கியத்தை மேம்படுத்த உதவுகிறது. எனவே குழந்தைகள் கூட இந்த டார்க் சாக்லேட்டை அளவாக சாப்பிட்டு வரலாம்.

Image source: google