வெயிலுக்கு இதமாக குளு குளு தேங்காய் பால் ஐஸ்கிரீம்!

ஏப்ரல், மே மாதம் வந்தாலே சுட்டெரிக்கும் வெயிலால் மக்கள் அசந்துப் போய்விடுவார்கள். அதிலும் இந்தாண்டு வழக்கத்திற்கு மாறாக வெயிலின் தாக்கம் தமிழகத்தின் அனைத்து மாவட்டங்களிலும் 100 டிகிரி செல்சியஸ் வரை உள்ளது. இப்படி அப்படி அடிக்கிற வெயிலுக்கு இதமாக மோர், இளநீர், பதநீர், பழச்சாறுகள் போன்றவற்றை உணவு முறையில் சேர்த்துக் கொண்டாலும் ஐஸ்கிரீம் சாப்பிடுவது குழந்தைகளுக்கு மிகவும் பிடித்தமான ஒன்றாக உள்ளது.

ஆனால் என்ன தினமும் ஐஸ்கிரீம் சாப்பிட வேண்டும் என்று தோன்றினாலும், பட்ஜெட் நிச்சயம் தாங்காது. இதோ உங்களுக்காகவே வீடுகளில் எளிமையாக தேங்காயைக் கொண்டு எப்படி ஐஸ்கிரீம்? செய்து சாப்பிடலாம் என்பது குறித்து இங்கே அறிந்துக் கொள்ளலாம் வாருங்கள்.

மேலும் படிக்க:சுவையான வேர்க்கடலை லட்டு செய்வது எப்படி?

தேங்காய் பால் ஐஸ்கிரீம் செய்முறை:

தேவையான பொருட்கள்:

• தேங்காய் பால் - 5 கப்
• தேங்காய் - 1 கப்
• சர்க்கரை - 1 கப்
• சோள மாவு - சிறிதளவு
• பிரெஷ் கிரீம் - 1 கப்

செய்முறை:

• தேங்காய் பால் கொண்டு ஐஸ்கிரீம் செய்வதற்கு முதலில் தேங்காயை சிறிது சிறிதாக வெட்டி எடுத்துக் கொள்ளவும். இதோடு தேங்காய் பாலையும் எடுத்து வைத்துக் கொள்ளவும்.
• இதையடுத்து ஒரு பாத்திரத்தில் நறுக்கிய தேங்காய் , சோள மாவு மற்றும் 1 கப் தேங்காய் பால் சேர்த்து நன்கு கலக்கவும்.
• பின்னர் மிதமான தீயில் பாத்திரத்தில் பாலை ஊற்றி கொதிக்க வைத்த பின்னர் அதனுடன் சர்க்கரை சேர்க்கவும். இதோடு தேங்காய் பால் மற்றும் சோள மாவு கலந்து கலவையை உடன் சேர்த்து சிறிது நேரம் அடுப்பில் வைக்கவும். பின்னர் அடுப்பை அணைத்து விட்டு இதனுடன் பிரெஷ் கிரீம் சேர்த்து மிக்ஸியில் போட்டு நன்றாக அரைத்துக் கொள்ளவும்.
• இதையடுத்து அதைடது வைத்துள்ள கலவையை அலுமினிய பாத்திரத்தில் ஊற்றி சிறிது சிறிதாக நறுக்கிய தேங்காய் சில்லுகளைச் சேர்த்து மூடி வைக்கவும். பின்னர் இந்த பாத்திர கலவையை சுமார் 5-6 மணி நேரம் ப்ரீட்ஜில் வைத்து ஐஸ்கிரீம் போன்று கட்டியாக வரும் வரை அப்படியே விட்டு விடவும்.

• பின்னர் பிரிட்ஜில் எடுத்து சிறிது சிறிதாக வெட்டி ஒரு கப்பில் போட்டுக் கொடுத்தால் போதும். நிச்சயம் குழந்தைகள் விரும்பி சாப்பிடுவார்கள். அப்புறம் என்ன? இனி தினமும் ஐஸ்கிரீம் வாங்க பணம் இல்லை என்ற கவலை வேண்டாம். இது போன்ற முறைகளில் நீங்கள் ஈஸியாக செய்து சாப்பிடுங்கள். தேங்காயில் உள்ள ஊட்டச்சத்துக்கள் உடலுக்கு ஆற்றலை அளிப்பதோடு கோடை வெயிலில் உங்களைக் குளுமையாக்கும் என்பதை நினைவில் வைத்துக் கொள்ளுங்கள்.

Image source - Google