ரோபோ ஷங்கர் மகள் இந்திரஜா வெள்ளித்திரையில் நடித்துள்ளார். பிகில், விருமன் என இவர் நடித்த படங்கள் இந்திரஜாவுக்கு நல்ல பெயரை வாங்கி தந்தனர். தனது அப்பாவை போலவே இந்திரஜா மிகவும் நகைச்சுவையானவர். அனைவருடன் பயங்கர குளோஸாக பழகக்கூடியவர். விருமன் படப்பிடிப்பின் போது இவரும், அதிதி ஷங்கரும் சேர்ந்து செய்த அட்ராசிட்டிகள் வீடியோகவாக வெளியாகி இருந்தன. அதுமட்டுமில்லை இந்திரஜா 2021ஆம் ஆண்டு ஜீ தமிழில் ஒளிப்பரப்பான சர்வைவர் நிகழ்ச்சியிலும் போட்டியாளராக கலந்து கொண்டார்.
இந்த நிகழ்ச்சியில் இந்திரஜாவின் அனைத்து முயற்சிகளும், அவரின் கடின உழைப்பும் அனைவராலும் பாராட்டப்பட்டது. அதன் பின்பு இன்ஸ்டாகிராமிலும் இவருக்கு ரசிகர்கள் அதிகரித்தனர். இந்நிலையில் கடந்த சில மாதங்களாக இந்திரஜா தனது மாமாவுடன் சேர்ந்து நிறைய இன்ஸ்டா ரீல்ஸ் வீடியோக்களை வெளியிட்டு வந்தார். அதே போல் கேப்ஷனிலும் மாமா மாமா என ஹார்டின் சிம்பிள் போட்டு போஸ்ட் செய்தார். அப்போதே ரசிகர்கள் இருவருக்கும் காதலா? என கமெண்டில் கேள்வி எழுப்பி வந்தனர்.
இந்நிலையில் தற்போது இந்திரஜாவுக்கு கூடிய விரைவில் திருமணம் என்ற செய்தி வெளியாகியுள்ளது. விஜய் டிவி புகழ் தீனாவின் திருமண வரவேற்பு விழா சென்னையில் நடந்தது. அந்த விழாவுக்கு ரோபோ ஷங்கர் தனது குடும்பத்துடன் கலந்து கொண்டார். அப்போது பிரபல யூடியூப் சேனல் எடுத்த பேட்டியில் இந்திரஜா தனது மாமாவை தான் திருமணம் செய்து கொள்ள போகிறேன் என தகவலை வெளியிட்டு இருந்தார். இந்நிலையில் அதே யூடியூப் சேனல் ரோபோ ஷங்கர் குடும்பத்தை சிறப்பு பேட்டி எடுத்தது.
அதில் ரோபோ ஷங்கர், அவரின் மனைவி பிரியங்கா, மகள் இந்திரஜா ஆகியோர் கலந்து கொண்டனர். இவர்களுடன் பிரியங்கா ரோபோ ஷங்கர் தம்பியும் கலந்து கொண்டார். அவர் தான் இந்திரஜாவை திருமனம் செய்ய இருப்பவர். இருவரும் சில மாதங்களாக காதலிக்க, இந்திரஜா தான் தனது மாமாவிடம் காதலை சொல்லி இருக்கிறார். பின்பு அக்கா, மாமாவிடம் இதை பற்றி பேசி சம்மதம் வாங்கி திருமணத்துக்கு ஓகே வாங்கி விட்டார் மாப்பிள்ளை. கூடிய விரைவில் இவர்களின் திருமணம் நடக்கவுள்ளதாம்.
இந்த தகவல் உங்களுக்கு நிச்சயம் பயனுள்ளதாக இருந்திருக்குமென நம்புகிறோம். இந்த பதிவு பிறருக்கும் பயன்பெற இதனை பகிரலாமே. மேலும் லைக் செய்யவும். ஹெர்ஷிந்தகி தமிழ் பக்கத்தில் இணைவதன் மூலமாக தொடர்ந்து பயனுள்ள பதிவை காணலாம்.
Images Credit: instagram
உங்களைப்போலவே, உங்கள் சருமமும், உடலும் வித்தியாசமானது. எங்களின் பதிவுகள் மூலமாகவும், சமூக ஊடக சேனல்கள் மூலமாகவும் பகிரப்படுபவை யாவும் நம்பத்தகுந்ததாகவும், நிபுணர்களால் சரிபார்க்கப்பட்டதாகவும் இருப்பதை உறுதி செய்ய அனைத்து நடவடிக்கைகளையும் எடுக்கிறோம். இருப்பினும், எந்தவொரு வீட்டு வைத்தியம், டிப்ஸ் அல்லது ஃபிட்னஸ் டிப்ஸ் போன்றவற்றை முயல்வதற்கு முன்பு மருத்துவரின் ஆலோசனை அவசியம். ஏதேனும் கருத்து தெரிவிப்பதற்கு அல்லது புகார்களுக்கு எங்களை தொடர்புக்கொள்ளவும். compliant_gro@jagrannewmedia.com