Thalaivar 170 : ‘தலைவர் 170’ படத்தில் யார் யார் நடிக்கிறாங்க தெரியுமா? முழு விவரம் இதோ..

லைகா நிறுவனம் தயாரிப்பில் இயக்குனர் ஞானவேல் இயக்கத்தில் ரஜினிகாந்த் நடிப்பில் ‘தலைவர் 170’ படம் உருவாகவுள்ளது. இயக்குனர் ஞானவேல் இதற்கு முன்பு சூர்யா நடிப்பில் 2021 ஆம் ஆண்டு வெளியான ஜெய் பீம் படத்தை இயக்கியிருந்தார்.இந்த படம் சிறந்த படத்திற்கான ஃபிலிம் ஃபேர் விருதை பெற்றது. இந்த படத்தில் லிஜிமோல், மணிகண்டன் முக்கிய கதாபாத்திரத்தில் நடித்திருந்தனர்.

இதற்கு முன்பு தோனி, பயணம், கூட்டத்தில் ஒருத்தன் ஆகிய படங்களை இயக்கியிருந்தார். இந்நிலையில் தலைவர் 170 படம் எந்த மாதிரியான ஜானர் படமாக அமையும் என ரசிகர்கள் ஆவலுடன் காத்திருக்கின்றனர்.

இந்த படத்தின் படக்குழு விவரம் குறித்து லைகா நிறுவனம் தனது அதிகாரப்பூர்வ பக்கத்தில் அறிவிக்க தொடங்கியுள்ளது. படத்தில் . துஷாரா விஜயன், ரித்திகா சிங் மற்றும் மஞ்சு வாரியர் என மூன்று ஹீரோயின்கள் இருக்கின்றனர். சூப்பர் கூல் திறமைக்கொண்ட நடிகர் ராணாவும் நடிக்கிறார். படத்திற்கு அனிருத் ரவிசந்தர் இசையமைக்க இருக்கிறார்.

இந்த பதிவும் உதவலாம் :நடிகை ஷிவானி நாராயணன் மாடர்ன் லுக் படங்கள்!

மேலும் படத்தின் ஃபர்ஸ்ட் லுக் மற்றும் பல அப்டேட்களை படக்குழு விரைவில் அறிவிக்க இருக்கிறது. தலைவர் 170 படப்பிடிப்பில் கலந்துக்கொள்வதற்காக திருவனந்தபுரம் செல்வதற்காக சென்னை விமான நிலையத்திற்கு வந்தார். அப்போது செய்தியாளர்கள் சந்திப்பில் ‘படத்தின் படப்பிடிப்பில் கலந்துக்கொள்ள செல்கிறேன். ஜெயிலர் திரைப்படம் நான் எதிர்பார்த்ததை விட பெரும் வெற்றி பெற்றுள்ளது .என்னுடைய 170 வது படம் கருத்துள்ள, பிரம்மாண்டமான ஒரு பொழுதுபோக்கு திரைப்படமாக அமையும். படத்திற்கு இன்னும் தலைப்பு வைக்கவில்லை.பின்னர் அறிவிக்கப்படும் ‘என கூறியுள்ளார்.