Vinayagar Chaturthi 2025: பிள்ளையார் சதுர்த்தி நாளில் பல பெயர்களாடு பக்தர்களுக்கு அருள் பாலிக்கும் விநாயகர்.!

பண்முக பெயர்களைக் கொண்ட விநாயகர்:

ஏகதந்தா

ஏகதந்தாய வத்ருதுண்டாய தீமகே என்ற பாடலை அதிகம் கேள்விப்பட்டிருப்போம். ஆம் விநாயகரை வழிபடும் போதும் பாடும் பாடலில் இதுவும் உண்டு. பிள்ளையாருக்கு ஏகதந்தா என்ற பெயரும் உண்டு. ஏகதந்தா என்பது ஒற்றை தந்தம் கொண்டவர் என்று பெயர். புராணத்தின் படி விஷ்ணுவின் அவதாரமான பரசுராமருடன் நடந்த போரில் விநாயகர் தனது தந்தங்களில் ஒன்றை இழந்தார் என கூறப்படுகிறது.

கஜகர்ணன்:

யானைக் காதுகளைக் கொண்டவர் என பொருட்படக்கூடிய கஜகர்ணன் என்ற பெயரும் விநாயகருக்கு உள்ளது. பெரிய மற்றும் தனித்துவமான காதுகள் பக்தர்களின் பிராத்தனைகளையும், துயரங்களையும் கவனமாக கேட்கும் திறனைக் கொண்டிருப்பதாக கூறப்படுகிறது.

மேலும் படிக்க:விநாயகர் சதுர்த்தி தினத்தில் பின்பற்ற வேண்டிய வழிபாட்டு முறைகள்

தருண கணபதி:

இரண்டு கைகள் அல்ல 8 கரங்களைக் கொண்டு காட்சியளிக்கும் விநாயகருக்கு தருண கணபதி என்ற பெயரும் உண்டு. தனது கைகளில் பாசம், அங்குசம், கரும்புத் துண்டு, ஒடிந்த தந்தம், மோதகம், விளாம்பழம் போன்றவற்றை கையில் ஏந்தியிருப்பார். இவரை நினைத்து வழிபட்டால் அனைத்தும் விரைவில் கிடைக்கும் என்ற நம்பிக்கை உள்ளது.

வீர கணபதியான்:

10 அல்லது 16 கரங்களைக் கொண்டு காட்சியளக்கும் வீர கணபதி சிவந்த திருமேனியுடன் பக்தர்களுக்கு அருள்பாலிக்கிறார். எந்த துன்பங்கள் வந்தால் தங்களது கையில் உள்ள வேதாளம், வேல் வில் , சக்கரம், கத்தி, கேடகம் சம்மட்டி, நாகம், மழு, கொடி போன்ற 16 பொருள்களை கையில் ஏந்தியிருக்கும் இந்த கணபதியை மன முருகி வேண்டுபவர்களுக்கு வேண்டிய வரம் கிடைக்கும்.

மேலும் படிக்க:சதுர்த்தி நாளில் விநாயகருக்கு விருந்து படைக்க இந்த ரெசிபிகளை ட்ரை பண்ணுங்க

இதே போன்று ஹேரம்ப கணபதி, உச்சிஷ்ட கணபதி, ஹேம கணபதி, தும்ரகேது, விநாயக், கணேஷர், லம்போதர், விக்னேஷ் போன்ற பல பெயர்களைக் கொண்டிருப்பவர் தான் முதன்மைக் கடவுளான விநாயகர். இந்த விநாயகர் சதுர்த்தி நாளில் வீடுகளில் அல்லது கோயில்களுக்குச் சென்று வழிபட்டு விநாயகரை அருளைப் பெற்றுக்கொள்ளுங்கள். உங்கள் அனைவருக்கும் விநாயகர் சதுர்த்தி தின வாழ்த்துக்கள்.

Image credit - Pexels