மண்சட்டியில் நெத்திலி மீன் குழம்பு செய்முறை; வாசனை மூக்கை துளைக்கும்

நெத்திலி மீன் குழம்பு செய்முறை

• மண் சட்டியில் செய்யும் போது நெத்திலி மீன் குழம்பின் ருசி கூடுதலாக இருக்கும். மூன்று ஸ்பூன் நல்லெண்ணெய் ஊற்றி சூடானதும் கால் டீஸ்பூன் கடுகு போடுங்கள்.
• கடுகு வெடித்தவுடன் அரை டீஸ்பூன் சீரகம், அரை டீஸ்பூன் வெந்தயம், அரை டீஸ்பூன் மிளகு சேர்த்து 30 விநாடிகளுக்கு வறுக்கவும்.
• அடுத்ததாக மூன்று பல் பூண்டு இடித்து போடுங்கள். பத்து சின்ன வெங்காயம் சேர்க்கவும். சின்ன வெங்காயம் இல்லையெனில் இரண்டு பெரிய வெங்காயத்தை பொடிதாக நறுக்கி போடவும்.
• வெங்காயம் வதங்குவதற்கு கொஞ்சமாக உப்பு சேர்க்கவும். இப்போது கால் டீஸ்பூன் மஞ்சள் தூள், இரண்டு டீஸ்பூன் மிளகாய் தூள், மூன்று டீஸ்பூன் மல்லித் தூள் போடவும்.
• இப்போது ஒரு தக்காளியை பொடிதாக நறுக்கி சேருங்கள். கால் டம்ளர் தண்ணீர் ஊற்றி கொதிக்க விடுங்கள். தக்காளியின் பச்சை வாசனை போன பிறகு அடுப்பை ஆஃப் செய்யவும்.
• இதனுடன் அரை கப் தேங்காய் துருவல் சேர்த்து மீன் குழம்பிற்கான மசாலா பேஸ்ட் தயாரிக்கவும். குழம்பு கெட்டியாக வேண்டும் என்றால் தேங்காய் துருவல் சேருங்கள் அல்லது தவிர்த்துவிடலாம்.
• மண் சட்டியில் மூன்று ஸ்பூன் நல்லெண்ணெய் ஊற்றி சூடானதும் அரைத்த மசாலாவை போட்டு இரண்டு பச்சை மிளகாய் நறுக்கி போடவும். இதோடு கால் கப் மாங்காய் சேர்க்கவும்.
• கோலி குண்டு சைஸில் புளி எடுத்து அதை தண்ணீரில் கரைத்து ஊற்றவும்.
• நீங்கள் விரும்பினால் இதில் ஒரு முருங்கைக்காய் போடலாம். ஒன்றரை டம்ளர் ஊற்றி தேவையான அளவு உப்பு போட்டு 5 நிமிடங்களுக்கு கொதிக்கவிடுங்கள்.
• கொதி வந்ததும் தண்ணீரில் நன்கு கழுவிய அரை கிலோ நெத்திலி மீன்களை போடவும்.

12 நிமிடங்களுக்கு குறைந்த தீயில் சூடுபடுத்தவும். நெத்திலி மீன் குழம்பு ரெடி...