உடல் எடையைக் குறைக்க உதவும் ஓட்ஸ் பீட்ரூட் தோசை ரெசிபி!

உடல் எடையைக் குறைக்க வேண்டும் என்றால் முதலில் உணவுக் கட்டுப்பாடு அவசியம் என்பார்கள். என்ன தான் ஜிம்மிற்குச் சென்றாலும் வாயைக் கட்டுப்பாடோடு வைக்கவில்லையென்றால் உடல் எடையைக் குறைப்பது என்பது மிகுந்த சிரமமான காரியமாகவே அமையும். இதற்காக சாப்பிடக்கூடிய உணவின் அளவைக் குறைக்ககூடாது. அதற்கு மாறாக ஊட்டச்சத்துள்ள உணவுகளை டயட்டில் சேர்த்துக் கொள்வது நல்லது. இந்த வரிசையில் இன்றைக்கு உடல் எடையைக் குறைக்க உதவியாக இருக்கும் ஓட்ஸ் பீட்ரூட் தோசை எப்படி செய்வது? என்பது குறித்த ரெசிபி டிப்ஸ் உங்களுக்காக.

மேலும் படிக்க:ருசியாக சிக்கனை வைத்து மிளகாய் பஜ்ஜி செய்யலாமா? ரெசிபி டிப்ஸ் உங்களுக்காக!

ஓட்ஸ் பீட்ரூட் தோசை:

தேவையான பொருட்கள்:

• ஓட்ஸ் - 100 கிராம்
• பீட்ரூட்- 3
• தயிர் - 1 கப்
• உப்பு - சிறிதளவு
• மசாலா தூள் - சுவைக்கு ஏற்ப
• தக்காளி - 1
• வெங்காயம் - 1
• பச்சை மிளகாய் - 4

செய்முறை:

• ஓட்ஸ் பீட்ரூட் தோசை செய்வதற்கு முதலில் ஓட்ஸை நன்கு வறுத்துக் கொள்ளவும். பின்னர் ரவையுடன் நன்கு கலந்துக் கொள்ளவும்.
• ஒரு பாத்திரத்தில் தண்ணீர் ஊற்றி தோலுரித்த பீட்ரூட்டை வேக வைத்து நன்கு மசித்துக் கொள்ளவும். ப்ளெண்டரில் வைத்து நன்கு அரைத்துக் கொள்ளவும்
• இதனையடுத்து ஒரு பாத்திரத்தில் ஓட்ஸ் தூள், தயிர், உப்பு, மற்றும் மசித்து வைத்துள்ள பீட்ரூட் கலவையை நன்கு கலந்துக் கொள்ளவும். சிறிதளவு தண்ணீர் ஊற்றி மாவு பதத்திற்கு கலந்துக் கொள்ளவேண்டும்.

• பின்னர் வெங்காயம், பச்சை மிளகாய், தக்காளி போன்றவற்றைப் பொடியாக நறுக்கி தனியாக வைத்துக் கொள்ளவும்.
• இறுதியாக தோசைக்கல்லை சூடேற்றி, கலந்து வைத்துள்ள மாவை தோசை போன்று ஊற்றி எடுக்கவும். பின்னர் அதன் மேல் வெங்காயம், பச்சை மிளகாய், தக்காளி போன்றவற்றை லேசாக தூவி இருபுறமும் திருப்பிப் போட்டால் போதும். சுவையான மற்றும் ஆரோக்கியமான ஓட்ஸ் பீட்ரூட் தோசை ரெடி.

ஓட்ஸ் பீட்ருட் தோசை எப்படி உடல் எடையைக் குறைக்கும்?

ஓட்ஸில் பைபர், துத்தநாகம், மெக்னீசியம் போன்ற அத்தியாவசிய ஊட்டச்சத்துக்கள் உள்ளது. மேலும் ஓட்ஸில் கரையக்கூடிய நார்ச்சத்து மற்றும் பீட்டா குளுக்கன் போன்ற சத்துக்கள் உள்ளதால் உடல் எடையைக் கட்டுக்குள் வைப்பதோடு நோய் எதிர்ப்பு சக்தியையும் குறைக்க உதவியாக உள்ளது. இதே போன்று பீட்ரூட்டில் நார்ச்சத்துக்கள் மற்றும் குறைவான அளவு கலோரிகள் உள்ளதால் உடல் எடையைக் குறைக்கும் பண்புகள் உள்ளது. மேலும் உடலின் ஹீமோகுளோபின் அளவையும் சமன் செய்வதோடு உடலுக்கு ஆற்றலை வழங்குகிறது.

மேலும் படிக்க:குழந்தைகளுக்கு பிடித்த சாக்லேட் பணியாரம் செய்வது எப்படி?

அப்புறம் என்ன? இதுபோன்ற பல்வேறு ஊட்டச்சத்துக்கள் உடல் எடையைக் கட்டுக்குள் வைப்பதோடு, குழந்தைகளுக்குத் தேவையான ஆற்றலையும் வழங்கும் என்பதில் எவ்வித மாற்றுக்கருத்தும் இல்லை.

Image source - Google