அடிச்சிக்க முடியாத சுவையில் அப்பள குழம்பு செய்முறை, காய்கறி தேவையில்லை

அப்பள குழம்பு செய்முறை

• கடாயில் 25 மில்லி நல்லெண்ணெய் ஊற்றவும். எண்ணெய் சூடானதும் 5 காய்ந்த மிளகாய் போடுங்கள். இதன் பிறகு ஒரு டீஸ்பூன் கடுகு போடவும்.
• கடுகு வெடித்தவுடன் கால் ஸ்பூன் வெந்தயம், கொஞ்சம் கறிவேப்பிலை, பத்து பல் பூண்டு, 15 சின்ன வெங்காயம் போட்டு வதக்கவும்.
• சின்ன வெங்காயம் நன்கு வதங்கிய பிறகு இரண்டு மீடியம் சைஸ் தக்காளியை நறுக்கி சேர்த்து பச்சை வாசனை போகும் வரை வதக்கவும். ( காய்கறி தவிர்க்க அடுத்து நேரடியாக மஞ்சள் தூள் போடலாம் ).
• அடுத்ததாக கால் ஸ்பூன் மஞ்சள், ஒரு டீஸ்பூன் பெருங்காய தூள், தேவையான அளவு உப்பு, இரண்டு டீஸ்பூன் சாம்பார் தூள், அரை ஸ்பூன் மிளகாய் தூள் சேர்த்து கால் லிட்டர் தண்ணீர் ஊற்றி கொதிக்க விடுங்கள்.
• இரண்டு கொதி வந்த பிறகு எலுமிச்சை சைஸ் புளியை 200 மில்லி தண்ணீரில் கரைத்து கடாயில் ஊற்றி வாசனை போகும் வரை கொதிக்கவிடவும்.
• சுவையை சற்று அதிகரிக்க ஒரு ஸ்பூன் வெல்லம் சேர்க்கவும். மீண்டும் 250 மில்லி தண்ணீர் ஊற்றுங்கள்.
• 8 நிமிடங்களுக்கு நன்கு கொதிக்கட்டும். அடுத்ததாக 5-6 அப்பளங்களை இரண்டாக உடைத்து குழம்பில் போட்டு 2 நிமிடங்களுக்கு மிதமான தீயில் கொதிக்கவிடுங்கள்.
• இறுதியாக ஒரு டீஸ்பூன் வெந்தயத்தை தனியாக வறுத்து மிக்ஸியில் அரைத்து அதில் பாதி ஸ்பூனை இந்த குழம்பில் போட்டு அடுப்பில் இருந்து இறக்கிவிடுங்கள்.

ஒரு மணி நேரத்திற்கு அப்பளங்கள் ஊறட்டும். அதன் பிறகு சாப்பிட்டு பாருங்கள் இந்த குழம்பின் ருசியை வேறு எதோடும் ஒப்பிட முடியாது.