அருமையான அரைச்சுவிட்ட சாம்பார் ருசிக்க துல்லியமான ரெசிபி; வீட்டு விருந்து

அரைச்சுவிட்ட சாம்பார் செய்முறை

• கடாயில் ஒரு ஸ்பூன் கடலை பருப்பு, ஒரு ஸ்பூன் உளுத்தம் பருப்பு, இரண்டு காய்ந்த மிளகாய், அரை டீஸ்பூன் வெந்தயம், ஒரு ஸ்பூன் வெந்தயம் போட்டு குறைந்த தீயில் இரண்டு நிமிடங்களுக்கு வறுத்தெடுக்கவும்.
• அடுப்பின் சூட்டிலேயே கால் கப் தேங்காய் துருவல் சேர்த்து கலந்துவிடுங்கள். இவை அனைத்தையும் மிக்ஸியில் போட்டு அரை டம்ளர் முதல் முக்கால் டம்ளர் தண்ணீர் ஊற்றி கெட்டியான பேஸ்ட் பக்குவத்திற்கு அரைக்கவும்.
• இப்போது கடாயில் மூன்று ஸ்பூன் நல்லெண்ணெய் ஊற்றி அதில் ஒரு ஸ்பூன் கடுகு, அரை ஸ்பூன் சீரகம் போட்டு தாளிக்கவும்.
• இதன் பிறகு இரண்டு காய்ந்த மிளகாய், 15 சின்ன வெங்காயம், ஒரு பெரிய வெங்காயத்தை நான்காக நறுக்கி போட்டு வதக்க ஆரம்பிக்கவும்.
• வெங்காயம் ஓரளவு வதங்கியவுடன் இரண்டு தக்காளியை எட்டாக நறுக்கி சேர்க்கவும். தக்காளி வதங்கி பச்சை வாடை போனவுடன் அரை டீஸ்பூன் மஞ்சள் தூள், ஒரு ஸ்பூன் மிளகாய் தூள், ஒரு ஸ்பூன் தனியா தூள் போட்டு கலந்துவிடுங்கள்.
• ஒரு கொதி வந்த பிறகு 250 கிராம் அளவிற்கு மொத்தமாக அவரைக்காய், மாங்காய், கேரட், பீன்ஸ், கத்திரிக்காய் சேர்த்து தீயை கொஞ்சம் அதிகப்படுத்தி தண்ணீர் தெளித்து வேக விடவும்.
• அரைத்த மசாலா அனைத்தையும் சேர்த்து ஒரு டம்ளர் தண்ணீர் ஊற்றி இரண்டு நிமிடம் காத்திருங்கள். அதன் பிறகு 50 மில்லி புளி தண்ணீர் போடுங்கள்.
• மீண்டும் இரண்டு நிமிடம் கழித்து நன்றாக வெந்து மசிந்த 100 கிராம் துவரம் பருப்பு, 25 கிராம் பாசிப் பருப்பு சேர்த்து ஒரு டம்ளர் தண்ணீர் ஊற்றி மூடிவிட்டு 5 நிமிடங்களுக்கு மிதமான தீயில் கொதிக்கவிடுங்கள்.

சுவையான அருமையான அரைச்சுவிட்ட சாம்பார் ரெடி.