பெருங்களூருவில் பிஸிபேளாபாத், தக்காளி பாத் ஆகியவற்றுக்கு அடுத்தபடியாக பலரும் ருசிக்க கூடிய உணவு வாங்கி பாத். இதை செய்வதற்கு வாங்கி பாத் பவுடர் இருந்தால் போது கால் மணி நேரத்தில் தயாரித்துவிடலாம். வாங்கி பாத் என்றால் வேறொன்றுமில்லை கத்திரிக்காய், மசாலா பொருட்கள், வாங்கி பாத் பவுடர் கொண்டு தயாரிக்ககூடிய கத்திரிக்காய் சாதம் ஆகும். இதை வடகம், ஊறுகாய், துவையல் உடன் வைத்து சாப்பிட மிக ருசியாக இருக்கும். வாங்கி பாத் பவுடரை நாம் வீட்டிலேயே தயாரித்து மாதக்கணக்கில் பயன்படுத்தலாம். இந்த பதிவின் தொடக்கம் முதல் இறுதிவரை துல்லியமாக கவனித்து வாங்கி பாத் தயாரித்தால் மட்டுமே முழு ருசி கிடைக்கும்.
வாங்கி பாத் செய்யத் தேவையானவை
- கத்திரிக்காய்
- வர மிளகாய்
- கடுவேப்பிலை
- கடுகு
- வேர்க்கடலை
- கடலை பருப்பு
- உளுத்தம் பருப்பு
- நல்லெண்ணெய்
- சீரகம்
- மிளகு
- இலவங்கப்பட்டை
- கிராம்பு
- ஏலக்காய்
- புளி
- பெருங்காயம்
- மஞ்சள் தூள்
- உப்பு
- நெய்
வாங்கி பாத் செய்முறை
- பேனில் எண்ணெய் ஊற்றாமல் மிதமான சூட்டில் நான்கு ஸ்பூன் கடலை பருப்பு, இரண்டு ஸ்பூன் உளுந்து பருப்பு போட்டு நிறம் மாறும் வரை வறுக்கவும்.
- இதன் பிறகு நான்கு ஸ்பூன் தனியா, ஒரு ஸ்பூன் சீரகம், ஒரு ஸ்பூன் மிளகு, சின்ன இலவங்கப்பட்டை, நான்கு கிராம்பு, இரண்டு ஏலக்காய் சேர்த்து வறுக்கவும்.
- இறுதியாக எட்டு வர மிளகாய், அரை எலுமிச்சை சைஸில் புளி, அரை ஸ்பூன் வெந்தயம் போட்டு ஐந்து நிமிடங்களுக்கு வறுத்திடுங்கள்.
- இதன் பிறகு சூடு ஆறியவுடன் மிக்ஸியில் போட்டு பவுடராக அரைக்கவும். கொஞ்சம் பெருங்காயமும் சேர்த்திடுங்கள்.
- இதனிடையே 300 கிராம் கத்திரிக்காயை எளிதில் வதங்ககூடிய சைஸில் வெட்டி தண்ணீரில் போடுங்கள்.
- சாப்பாட்டுக்கு பயன்படுத்தும் அரிசியை அரை கிலோ அளவிற்கு வேக வைத்து தனியாக வைக்கவும்.
- பேனில் மூன்று ஸ்பூன் நல்எண்ணெய் ஊற்றி தலா ஒரு ஸ்பூன் கடலை பருப்பு மற்றும் உளுந்து பருப்பு, கொஞ்சமாக கடுகு போடுங்கள்.
- கடுகு வெடித்தவுடன் தேவையான அளவு வேர்க்கடலை சேர்க்கவும்.
- பருப்புகளின் நிறம் மாறியவுடன் இரண்டு சிவப்பு மிளகாய் போட்டு கொஞ்சமாக பெருங்காயத் தூள் சேருங்கள்.
- இப்போது 300 கிராம் கத்திரிக்கய் போட்டு கால் டீஸ்பூன் மஞ்சள் தூள் சேர்த்து, மிக்ஸியில் அரைத்த நான்கு ஸ்பூன் வாங்கி பாத் பவுடர் போட்டு கலந்துவிடவும்.
- தேவையான அளவு உப்பு சேர்த்து அரை டம்ளர் தண்ணீர் ஊற்றி கத்திரிக்காயை வேக விடுங்கள்.
- 10 நிமிடங்கள் கழித்து தீயை குறைத்து வேகவைத்த சாதம் சேர்த்து பேனில் ஒரு நிமிடத்திற்கு கிளறிவிட்டு கறிவேப்பிலை போடுங்கள்.
- விருப்பம் இருந்தால் ஒரு ஸ்பூன் நெய் ஊற்றவும். சூப்பரான லஞ்ச் பாக்ஸ் வாங்கி பாத் ரெசிபி ரெடி.
இதுபோன்ற கட்டுரைகளுக்கு ஹெர் ஜிந்தகியுடன் தொடர்ந்து இணைந்திருங்கள்.
Take charge of your wellness journey—download the HerZindagi app for daily updates on fitness, beauty, and a healthy lifestyle!
Comments
எல்லா கருத்துகளும் (0)
Join the conversation