ருசியான கண்ணூர் கலத்தப்பம் ரெசிபி; குழந்தைகளுக்கு பிடிக்கும்

கலத்தப்பம் செய்ய தேவையானவை

• பச்சரிசி
• சாப்பாட்டு அரிசி
• வெல்லம்
• தண்ணீர்
• நெய்
• ஏலக்காய் தூள்
• சின்ன வெங்காயம்
• தேங்காய்

கலத்தப்பம் செய்முறை

• ஒன்றரை கப் பச்சரியை தண்ணீரில் நன்கு கழுவி பிறகு நான்கு மணி நேரம் தண்ணீரில் ஊறவிடுங்கள். கலத்தப்பம் மாவு தயாரிக்க சாப்பாட்டு அரிசியை வேக வைத்து அரை கப் எடுத்து கொள்ளுங்கள்.
• இப்போது பாத்திரத்தில் 350 கிராம் வெல்லம் எடுத்து அரை கப் தண்ணீர் ஊற்றி கொதிக்கவிட்டு கரைய விடுங்கள்.
• அடுத்ததாக மிக்ஸியில் ஊறவைத்த பச்சிரிசி, வேகவைத்த சாப்பாட்டு அரிசி, ஒன்றரை கப் தண்ணீர் சேர்த்து நைஸாக அரைக்கவும்.
• மிக்ஸியில் அரைத்த பிறகு கலத்தப்பம் மாவில் ஒரு டீஸ்பூன் ஏலக்காய் தூள், இரண்டு சிட்டிகை உப்பு, கால் டீஸ்பூன் பேக்கிங் சோடா சேர்க்கவும்.
• அனைத்தையும் விஸ்க் வைத்து அடித்து நன்கு கலக்கவும். வெல்லம் கரைந்த பிறகு அதை வடிகட்டி சூட்டோடு சூடாக மாவில் ஊற்றுங்கள்.
• ஆரம்பத்தில் தண்ணீயாக இருந்த மாவு தற்போது கொஞ்சம் கெட்டியாக தெரியும்.
• குக்கரில் மூன்று ஸ்பூன் நெய் ஊற்றி சூடுபடுத்தி அது உருகிய பிறகு கால் மூடி தேங்காய் மற்றும் வெங்காயத்தை பொடிதாக நறுக்கி போட்டு வறுக்கவும்.
• தேங்காய், வெங்காயத்தை வறுத்த பிறகு கலத்தப்பம் மாவை குக்கரில் ஊற்றி மிதமான சூட்டிற்கு அடுப்பை மாற்றவும்.
• குக்கரை மூடுங்கள். விசில் போட தேவையில்லை. 10-12 நிமிடங்களுக்கு மிதமான சூட்டில் வேகவிடவும்.
• இப்போது குக்கரை திறந்து ஒரு குச்சியை வைத்து குத்திபாருங்கள். மாவு ஒட்டவில்லை என்றால் சுவையான கலத்தப்பம் ரெடி.
• சூடு குறைந்த பிறகு கேக் எடுப்பது போல குக்கரில் இருந்து எடுத்து பீஸ் போட்டு குடும்ப உறுப்பினர்களுக்கு மாலை நேரத்தில் டீ, காஃபியோடு பகிரவும்.
• இனிப்பு இல்லாத கலத்தப்பம் வேண்டுமென்றால் 50 கிராம் வெல்லம் மட்டுமே போடுங்கள்.

இதுபோன்ற கட்டுரைகளுக்கு ஹெர் ஜிந்தகியுடன் தொடர்ந்து இணைந்திருங்கள்.