ஸ்ரீலங்கன் கஹா பாத் செய்வது எப்படி தெரியுமா ? விருந்தாளிகளுக்கு ரொம்ப பிடிக்கும்

கஹா பாத் செய்ய தேவையானவை

• கீரி சம்பா அரிசி
• தேங்காய் பால்
• வெங்காயம்
• பச்சை மிளகாய்
• லெமன்கிராஸ்
• ரம்பை இலை
• கறிவேப்பிலை
• ஏலக்காய்
• கிராம்பு
• மஞ்சள் தூள்
• உப்பு
• நெய்
• நல்லெண்ணெய்

கஹா பாத் செய்முறை

• கீரி சம்பா அரிசி அரை கிலோ எடுத்து அதை தண்ணீரில் இரண்டு முறை நன்கு கழுவவும்.
• கடாயில் மூன்று ஸ்பூன் எண்ணெய், இரண்டு ஸ்பூன் நெய் ஊற்றி சூடானதும் சிறிய துண்டு லெமன்கிராஸ், இரண்டு மூன்று ரம்பை இலை, கொஞ்சம் கறிவேப்பிலை போட்டு ஒரு நிமிடத்திற்கு வறுக்கவும்.
• கஹா பாத் மொத்த செய்முறையும் அடுப்பு குறைவான சூட்டில் இருக்க வேண்டும். இப்போது ஏழு ஏலக்காயை இடித்து சேருங்கள். எட்டு கிராம்பு போடவும். இவை நல்ல வாசனை கொடுக்கும்.
• ஒரு நிமிடத்திற்கு வறுத்த பிறகு இரண்டு பச்சை மிளகாயை பொடிதாக நறுக்கி சேர்க்கவும். அடுத்ததாக ஒரு பெரிய வெங்காயத்தை நறுக்கி போடுங்கள்.
• இதோடு பத்து உலர் திராட்சை சேர்க்கவும். வெங்காயம் வதங்கிய பிறகு கீரி சம்பா அரிசி போட்டு கலந்துவிடுங்கள்.
• இதில் சுமார் 750 மில்லி தேங்காய் பால் ஊற்றவும். முக்கால் ஸ்பூன் மஞ்சள் தூள், ஒரு முழு ஸ்பூன் உப்பு போடுங்கள்.
• மூடி போட்டு மூடி சுமார் 25 நிமிடத்திற்கு அரிசி வேகட்டும். மஞ்சள் சாதம் நன்கு வெந்த பிறகு பொடிதாக நறுக்கி வறுத்த ஒரு வெங்காயம், கொஞ்சம் கறிவேப்பிலையை மேலே தூவுங்கள்.
• சுவையான கஹா பாத் ரெடி. வீட்டிற்கு விருந்தாளிகள் வந்தால் கஹா பாத் செய்து கொடுங்கள்.

இதுபோன்ற கட்டுரைகளுக்கு ஹெர் ஜிந்தகியுடன் தொடர்ந்து இணைந்திருங்கள்.