மைதா மாவு இருந்தால் 90ஸ் கிட்ஸ், குழந்தைகளுக்கு பிடித்த கலகலா செஞ்சு கொடுங்க

கலகலா செய்ய தேவையானவை

• மைதா மாவு
• நெய்
• சர்க்கரை
• சமையல் சோடா
• உப்பு
• கடலெண்ணெய்
• தண்ணீர்

கலகலா செய்முறை

• ஒரு பவுடலில் அரை கப் சர்க்கரை எடுத்து அதில் கால் கப் தண்ணீர் ஊற்றி கரைக்கவும். சர்க்கரை கரைவதற்கு விஸ்க் வைத்து இரண்டு நிமிடங்களுக்கு கலக்கவும்.
• தண்ணீரில் சர்க்கரை கரைந்த பிறகு கால் கப் நெய், அரை ஸ்பூன் உப்பு போட்டு மீண்டும் விஸ்க் வைத்து கலக்குங்கள்.
• அடுத்ததாக ஒரு சிட்டிகை சமையல் சோடா, இரண்டு கப் மைதா மாவு சேருங்கள்.
• சப்பாத்தி மாவு பிசைவது போல் இதை கைகளால் மாவு பிசையவும். தண்ணீர் தேவைப்பட்டால் கொஞ்சம் கொஞ்சமாக ஊற்றி மாவு பிசைந்திடுங்கள்.
• ஒரு மணி நேரத்திற்கு மாவை தனியாக அப்படியே விட்டுவிடுங்கள். மாவை நன்கு வெட்டி மூன்றாக பிரித்து கொள்ளுங்கள்.
• ஒரு பகுதி மாவில் மூன்று சப்பாத்தி சைஸில் உருட்டி தேய்க்கவும். இதே போல மீதமுள்ள மாவையும் தேய்க்கவும்.
• இப்போது சதுர வடிவில் கத்தி வைத்து மாவை வெட்டுங்கள். ஓரங்களில் மீதமாகும் மாவை அடுத்த மாவுடன் சேர்க்கவும்.
• கடாயில் கடலெண்ணெய் ஊற்றி சூடானதும் அடுப்பை மிதமான சூட்டிற்கு மாற்றி கொஞ்சம் சதுர வடிவில் வெட்டிய துண்டுகளை உள்ளே போட்டு வறுத்து எடுக்கவும்.
• பட்டர் பிஸ்கட் நிறத்தில் வருவதற்கு சற்று முன்பாக எண்ணெயில் இருந்து எடுத்துவிடவும்.
• சூடு குறைந்தவுடன் எடுத்து சாப்பிடுங்கள். குழந்தைகளுக்கு இந்த கலகலா எனும் மைதா பிஸ்கட் நிச்சயம் பிடிக்கும்.

மேலும் படிங்ககுஸ் குஸ் ரெசிபி : 10 நிமிடத்தில் செய்யக் கூடிய எளிதான காலை உணவு

இதுபோன்ற கட்டுரைகளுக்கு ஹெர் ஜிந்தகியுடன் தொடர்ந்து இணைந்திருங்கள்.