பெங்களூரு தொன்னை பிரியாணி ரெசிபி

மேலும் படிங்ககர்நாடகா ஸ்பெஷல் வாங்கி பாத் எனும் கத்திரிக்காய் சாதம் ரெசிபி

தொன்னை பிரியாணி செய்முறை

• 75 கிராம் தயிரில் 200 கிராம் அளவிற்கு வேகவைத்த உருளைக்கிழங்கு, கேரட், பீன்ஸ், பட்டாணி போட்டு ஊறவிடுங்கள்.
• தொன்னை பிரியாணிக்கு மிக முக்கியமான பேஸ்ட் ஒன்று உல்ளது. கடாயில் நான்கு ஸ்பூன் நல்லெண்ணெய் ஊற்றி நான்கு பட்டை, இரண்டு ஏலக்காய், ஆறு கிராம்பு, 20-30 பூண்டு, 30 கிராம் இஞ்சி சேர்த்து வதக்கவும்.
• இவை நன்கு வதங்கியவுடன் ஐந்து பச்சை மிளகாய், இரண்டு பெரிய வெங்காயம் போட்டு வதக்கி நிறம் மாறியவுடன் ஒரு கை புதினா மற்றும் கொத்தமல்லி பிறகு கொஞ்சமாக வெந்தய இலை சேர்த்து அடுப்பை ஆப் செய்யவும்.
• பாத்திரத்தின் சூட்டிலேயே புதினா, கொத்தமல்லி, வெந்தய இலை சுருங்கி விடும்.
• சிறிது நேரம் கழித்து இவற்றை மிக்ஸியில் போட்டு கால் டம்ளர் தண்ணீர் ஊற்றி பேஸ்ட் போல அரைத்திடுங்கள்.
• மிதமான சூட்டில் குக்கரில் 100 எம்.எல் நெய் ஊற்றி மூன்று கிராம்பு, ஒரு பட்டை, இரண்டு ஏலக்காய், இரண்டு காய்ந்த மிளகாய், ஒரு பிரியாணி இலை போட்டு இரண்டு பெரிய வெங்காயத்தை நறுக்கி சேர்க்கவும்.
• வெங்காயம் வதங்கிய பிறகு தயிரில் ஊறிய காய்கறிகளை போடுங்கள்.
• அடுத்ததாக அரை ஸ்பூன் மஞ்சள் தூள், ஒரு டீஸ்பூன் தனியா தூள் மற்றும் கொஞ்சமாக பிரியாணி மசாலா பவுடர் சேர்த்து கலந்து விட்டு தேவையான அளவு உப்பு போடுங்கள்.
• இரண்டு நிமிடங்கள் கழித்து மிக்ஸியில் அரைத்த பேஸ்ட் முழுவதையும் சேர்த்திடுங்கள்.
• அரை கிலோ சீரக சம்பா அரிசிக்கு முக்கால் லிட்டர் கணக்கில் ஊற்றி குக்கரை தோசைக்கல் மீது வைத்து சூடுபடுத்துங்கள்.
• 20 நிமிடங்களில் பிரியாணி தயாராகிவிடும். மேலே ஒரு ஸ்பூன் நெய் ஊற்றி கலந்துவிட்டு தொன்னையில் பரிமாறுங்கள்.

இதுபோன்ற கட்டுரைகளுக்கு ஹெர் ஜிந்தகியுடன் இணைந்திருங்கள்.