90's கிட்ஸ்களுக்கு மிகவும் பிடித்த பாதாம் கீர் ரெசிபி

என்ன தான் கோல்டு காபியும், மில்க் ஷேக்கும் குடித்தாலும் பாதாம் கீர், ரோஸ் மில்க், ரஸ்னா போன்ற பாரம்பரிய 90's கிட்ஸ் பானங்களை மறந்து விட முடியாது. பெரிய பெரிய டிரம்களில் ஊற்றி பரிமாறப்படும் இந்த குளிர்ப்பானங்களை வாங்க சில்லறைகள் இருந்தாலே போதுமானது. விலை மலிவாக இருந்தாலும் உடன்பிறந்தவர்களுடன் பகிர்ந்து குடித்த அந்த ஞாபகங்கள் இன்றும் அழகான புன்னகையை மனதில் வர வைக்கின்றன.

மளிகை பொருட்கள் வாங்கும் போது மிச்சம் காசு இருக்கனும் கடவுளே! என்று வேண்டிய நாட்களும் உண்டு. பாதாம் கீர் ஐ அம்மாவுக்கும் சேர்த்து வாங்கி சென்றால் திட்டு வாங்காமல் தப்பித்துக்கொள்ளலாம் என்று திட்டமிட்ட நாட்களும் உண்டு. நீங்களும் உங்கள் குழந்தை பருவ நாட்களின் பாதாம் கீர் ஐ மிஸ் பண்றிங்களா? அப்போ உடனே இந்த ரெசிபியை முயற்சி செய்து பாருங்கள்.

இந்த பதிவும் உதவலாம்: உடல் எடை சட்டுனு குறைய ஓட்ஸ் அடை செய்து சாப்பிடுங்க

தேவையான பொருட்கள்

• பாதாம் -100கிராம்

• பால் - 1 லிட்டர்(4 கப்)

• குங்குமப்பூ - 0.5 கிராம்

• ஏலக்காய் பொடி - ½.டீஸ்பூன்

• சர்க்கரை - 8-10 ஸ்பூன்

• ஜாதிக்காய் பொடி - 1 சிட்டிகை

செய்முறை

• பாதாம் கீர் செய்வதற்கு முதலில் பாதாமை சூடான நீரில் இரண்டு மணி நேரத்திற்கு ஊற வைக்கவும்.

• பின்பு நீரை வடித்து விட்டு பாதாமின் தோலை நீக்கிக் கொள்ளவும்.

• ஒரு மிக்ஸர் ஜாரில் தோல் உரித்த பாதாமுடன் ½ கப் பால் சேர்த்து கொரகொரப்பாக அரைத்துக் கொள்ளவும்.

• இப்போது ஒரு கடாயை சூடாக்கி மீதமுள்ள 3.5 லிட்டர் பால் சேர்த்து கொதிக்க விடவும்.

• பாலுடன் குங்குமப்பூ, ஏலக்காய் பொடி மற்றும் ஜாதிக்காயை துருவி சேர்த்துக் கொள்ளவும்.

• குங்குமப்பூவுடன் சேர்ந்து பால் மஞ்சள் நிறமாக மாறி பொங்கி வரும் சமயத்தில் அரைத்த பாதாம் விழுதை சேர்க்கவும்.

• பாதாம் விழுதை சேர்த்த பின் சமைக்க வேண்டிய அவசியம். இல்லை அடுப்பை அணைத்து பாலை முழுவதும் ஆறவிடவும்.

• சூடு தணிந்தபின் பாதாம் பாலை ஃப்ரிட்ஜில் வைத்து குளிர்ச்சியாக பரிமாறலாம்.

கோடை வெயிலை சமாளிக்க இது போன்ற பானங்களை நீங்களும் உங்கள் வீட்டில் முயற்சி செய்து பாருங்கள். பாதாமின் ஊட்டச்சத்துடன் பாரம்பரிய முறையில் தயாரிக்கப்படும் இந்த பாதாம் கீர் ரெசிபி உங்களுக்கு பிடித்திருக்கும் என நம்புகிறோம்.

இந்த பதிவும் உதவலாம்: இரவு உணவுக்கு நல்லா புசுபுசுனு பஞ்சு மாதிரி ராகி பன் தோசை செய்து அசத்துங்க

இந்த பதிவு பிறருக்கும் பயன்பெற இதனை பகிரலாமே. மேலும் லைக் செய்யவும், பதிவு குறித்த உங்கள் கருத்தினை கமெண்ட் செய்யவும். ஹெர்ஷிந்தகி தமிழ் பக்கத்தில் இணைவதன் மூலமாக தொடர்ந்து பயனுள்ள பதிவை காணலாம்.

image source:freepik