ஆந்திரா பண்டிகை ஸ்பெஷல் பேப்பர் ஸ்வீட் பூதரெகுலு ரெசிபி

ஆந்திராவில் பண்டிகை காலங்களில் தயாரிக்கப்படும் பிரபலமான இனிப்புகளில் பூதரெகுலுவும் ஒன்று. இதன் பூர்வீகம் ஆத்ரேயபுரம். பூதரெகுலு பேப்பர் ஸ்வீட் என்றும் அழைக்கப்படுகிறது. பார்ப்பதற்கு பேப்பர் போலவும் சாப்பிடுவதற்கு மிருதுவாகவும் இருக்கும். கொழுக்கட்டை போல உள்ளே வைப்பதற்கு பூரணம் தயாரிக்க வேண்டும். இதை வாயில் வைத்த உடனேயே கரைந்துவிடும். மிகவும் சுவையான இந்த பூதரெகுலு எனும் பேப்பர் ஸ்வீட் செய்முறையை பார்க்கலாம்.

பேப்பர் ஸ்வீட் செய்யத் தேவையானவை

• பச்சரிசி
• தண்ணீர்
• எண்ணெய்
• நெய்
• நாட்டு சர்க்கரை
• பாதாம்
• பிஸ்தா
• முந்திரி
• வால்நட்

பேப்பர் ஸ்வீட் செய்முறை

• பூதரெகுலு செய்வதற்கு முதலில் ரைஸ் பேப்பர் தயாரிக்க வேண்டும். அரை கப் பச்சரிசியை தண்ணீரில் இரண்டு - மூன்று முறை நன்கு கழுவி ஐந்து மணி நேரம் தண்ணீரில் ஊற வைக்கவும்.
• பச்சரிசி தண்ணீரில் நன்கு ஊறினால் மட்டுமே அரைக்கும் போது மென்மையாக இருக்கும். பச்சரிசியை மிக்ஸி ஜாருக்கு மாற்றி தண்ணீர் சேர்க்காமல் அரைக்க தொடங்குங்கள்.
• அதன் பிறகு கொஞ்சம் கொஞ்சமாக தண்ணீர் சேர்த்து அரைக்கவும். ஃபில்டர் வைத்து வடிகட்டவும். மாவு கெட்டியாகவோ நொய் போலவோ இருக்க கூடாது.
• மிக்ஸி ஜாரில் மீண்டும் அரை கப் அளவிற்கு தண்ணீர் சேர்த்து மீண்டும் வடிகட்டவும். இந்த மாவின் பதம் தேங்காய் பால் பதத்திற்கு இருக்கும்.
• நான் ஸ்டிக் தவாவில் கொஞ்சமாக எண்ணெய் தொட்டு தடவவும்.
• இப்போது ஒரு சிறிய பஞ்சு துணியை மாவில் இரண்டு முறை மூழ்கி எடுக்கவும். தவாவை மிதமான சூட்டில் வைத்து வலது புறமாகவும் இடது புறமாகவும் பெயின்ட் அடிப்பது போல தேய்க்கவும்.
• நாம் மாவை சரியாக அரைத்திருந்தால் மெல்லிசாக வரும். மாவு கெட்டியாக இருந்தால் பேப்பர் ஸ்வீட் சரியாக வராது. மாவு நன்றாக வெந்தவுடன் அடுப்பில் இருந்து தானாக பிரிந்து விடும்.
• ஒரு பூதரெகுலு செய்வதற்கு மூன்று பேப்பர் தேவைப்படும். ஸ்டஃப்பிங் செய்வதற்கு தேவையான அளவு பாதாம், பிஸ்தா, வால்நட், முந்திரி எடுத்து கொரகொரவென அரைக்கவும்.
• அடுத்ததாக பேப்பரில் கொரகொரவென அரைத்த பொருட்களையும், உருக்கிய நெய், நாட்டு சர்க்கரை பவுடர், ஏலக்காய் தூள் சேர்த்து ஸ்டஃப்பிங் செய்யவும்.
• இதை பப்ஸ் போல மடிக்கலாம் அல்லது ரோல் செய்து சாப்பிட்டால் வாயில் வைத்த உடனேயே கரைந்துவிடும்.
• சிரமமின்றி மிக எளிதாக ஒரு மணி நேரத்தில் செய்யக் கூடிய பூதரெகுலுவை குழந்தைகளுக்கு கொடுங்கள். விரும்பி சாப்பிடுவார்கள்.

இதுபோன்ற கட்டுரைகளுக்கு ஹெர் ஜிந்தகியுடன் தொடர்ந்து இணைந்திருங்கள். ஹெர் ஜிந்தகியை முகநூலில் பின்தொடர இந்த Her Zindagi Tamil லிங்க்கை கிளிக் செய்யவும்.