அன்னையர் தினம் : அம்மா என்றழைக்காத உயிர் இல்லையே... வணங்காது உயர்வில்லையே

அன்னையர் தினம் 2025

அன்னையர் தினம் முக்கியத்துவம்

அன்னையர் தினத்தை பற்றி தெரிந்துகொள்ள 1908 ஆம் ஆண்டு கதைகளை புரட்ட வேண்டும். அமெரிக்க ஆர்வலர் அன்னா ஜார்விஸ் தனது தாயின் மனிதாபிமானப் பணிகளால் ஈர்க்கப்பட்டு முதல் முறையாக அன்னையர் தின கொண்டாட்டத்திற்கு ஏற்பாடு செய்தார். 1914 ஆம் ஆண்டில் அமெரிக்க அதிபர் உட்ரோ வில்சன் மே மாதத்தின் இரண்டாவது ஞாயிற்றுக்கிழமையை அன்னையர் தினமாக அதிகாரப்பூர்வமாக அறிவித்தார். அந்த நாள் முதல் அன்னையர் தின கொண்டாட்டம் உலக நாடுகளுக்கு பரவியது.

அன்னையர் தினம் வெறும் கொண்டாட்டமாக கருதக் கூடாது. இந்த நாள் நம் வாழ்க்கையை வடிவமைப்பதிலும் தலைமுறைகளை வளர்ப்பதிலும் தாய்மார்களின் வகிக்கும் முக்கிய பங்கை நினைவூட்டுகிறது. தாயின் தன்னலமற்ற அன்பு, வழிகாட்டுதல் மற்றும் தியாகங்கள் குடும்பங்கள் மற்றும் சமூக கட்டமைப்புக்கு அடித்தளத்தை உருவாக்குகின்றன.

பெற்றெடுத்த தாய்மார்களை மட்டுமல்ல பாட்டி, மாற்றாந்தாய், வளர்ப்பு தாய்மார்கள் மற்றும் பிறரின் வாழ்க்கையில் நேர்மறையான தாக்கத்தை ஏற்படுத்தும் அனைத்து தாய்வழி நபர்களையும் அங்கீகரிக்கும் ஒரு நாளாகும்.

அன்னையர் தினம் கொண்டாடுவது எப்படி?

பல ஆண்டுகளாக அன்னையர் தினத்தில் தாய்மார்களுக்கு பரிசு வழங்குவது, பூக்கள் கொடுப்பது மற்றும் பிடித்தமான இடங்களுக்கு சுற்றுலா அழைத்து செல்வதாக அமைந்திருக்கிறது. வணிக நோக்கத்தை தாண்டி மனதளவில் ஒவ்வொரு பிள்ளையும் தனது தாயின் அன்பை உணர்ந்து இந்த நாளில் அவர்களை குழந்தை போல் பாவித்து அக்கறை காட்ட வேண்டும். அன்னையர் தினத்தில் உங்கள் தாய்க்கு பிடித்தமான விஷயங்களை செய்து இந்த நாளை அவர்களுடைய வாழ்நாளில் மறக்கமுடியாத ஒன்றாக மாற்றிடவும்.

இதுபோன்ற கட்டுரைகளுக்கு ஹெர் ஜிந்தகியுடன் தொடர்ந்து இணைந்திருங்கள்.