Jailer Box Office : பாக்ஸ் ஆபீஸில் வேட்டையாடும் ஜெயிலர்! உலக அளவில் எவ்வளவு வசூல் தெரியுமா?

ரஜினிகாந்த் நடிப்பில் உருவான ஜெயிலர் திரைப்படம் கடந்த ஆகஸ்ட் 10ஆம் தேதி உலகம் முழுவதும் வெளியானது.இதில் ரஜினிகாந்துடன் கன்னட சூப்பர் ஸ்டார் சிவராஜ் குமார், மலையாள சூப்பர் ஸ்டார் மோகன்லால், பாலிவுட் நடிகர் ஜாக்கி ஷெராப் என ஒட்டு மொத்த ஸ்டார்களும் கவுர தோற்றத்தில் நடித்துள்ளனர். டிக்கெட் முன்பதிவில் தொடங்கி தற்போது பாஸ்க் ஆபீஸ் கலெக்‌ஷன் வரை ஜெயிலர் திரைப்படம் பல்வேறு சாதனைகளை செய்து கொண்டிருக்கிறது. தியேட்டரில் இன்னும் கூட்டம் குறையவில்லை. தமிழ் சினிமா வரலாற்றில் முதன் முறையாக ஜெயிலர் திரைப்படம் செய்த சாதனை குறித்து சன் பிக்சர்ஸ் நிறுவனம் அதிகாரப்பூர்வ அறிவிப்பை வெளியிட்டு இருந்தது.

ஜெயிலர் திரைப்படம் வெளியாகி முதல் வாரத்தில் உலகம் முழுவதும் ரூ.402 கோடி வசூல் செய்தது என அறிவிக்கப்பட்டது. இதில் முதல் நாள் வசூல் மட்டும் 90 கோடியை தாண்டியது. இதுவரை எந்த ஒரு திரைப்படமும் ஒரே வாரத்தில் ரூ.400 கோடி வசூலை தாண்டியதில்லை. முதன்முறையாக ஒரு வாரத்தில் ரூ.402கோடி வசூல் செய்து ஜெயிலர் சாதனை படைத்தது.படத்தின் இசை வெளியீட்டு விழாவில் ஏற்கெனவே தயாரிப்பாளர் கலாநிதி மாறம் வசூல் மன்னன் ரஜினிகாந்த் என புகழாரம் சூட்டியிருந்தார். தற்போதைய நிலவரப்படி, கலாநிதி மாறனின் வார்த்தைகள அனைத்தும் நிஜம் என்பது நிரூபனமாகியுள்ளது.

தமிழ்நாடு மற்றும் கேரளாவில் 2023ஆம் ஆண்டு இதுவரை வெளியான படங்களில் ‘ஜெயிலர்’ அதிகம் வசூலித்துள்ளதாக தகவல் வெளியாகிது.இந்த பிரம்மாண்ட வெற்றிக்கு பிரபலங்கள் தொடங்கி ரசிகர்கள், பலரும் ரஜினிகாந்த் மற்றும் நெல்சனுக்கு தங்களது வாழ்த்துக்களை இணையத்தில் மற்றும் ஃபோன் காலில் தெரிவித்து வருகின்றனர்.இந்நிலையில் ஜெயிலர் திரைப்படம் வெளியாகி 15 நாட்களைக் கடந்த நிலையில் இதுவரை உலக அளவில் படம் ரூ.525 கோடிக்கும் அதிகமான வசூலை குவித்துள்ளதாக தயாரிப்பு நிறுவனமான சன்பிக்சர்ஸ் அதிகாரபூர்வமாக அறிவித்துள்ளது.

சன் பிக்சர்ஸ் தனது இன்ஸ்டாகிராமில் ஸ்பெஷல் போஸ்டருடன் இந்த அறிவிப்பை வெளியிட்டுள்ளது. தமிழ் சினிமா வரலாற்றில் ஜெயிலர் திரைப்படம் செய்து வரும் சாதனைகளை அனைவரையும் உற்று நோக்க வைத்துள்ளது. ‘2.0’ படத்துக்குப் பிறகு ரஜினியின் இரண்டாவது ரூ.500 கோடி க்ளப் லிஸ்டில் தற்போது ஜெயிலர் திரைப்படம் இணைந்துள்ளது. பொன்னியின் செல்வன் 1’ படத்தின் ரூ.500 கோடி வசூலையும், கமலின் ‘விக்ரம்’ படத்தின் ஒட்டுமொத்த வசூலான ரூ.430 கோடியை ஜெயிலர் திரைப்படத்தின் வசூல் தற்போது முறியடித்துள்ளது.

மேலும் லைக் செய்யவும். ஹெர்ஷிந்தகி தமிழ் பக்கத்தில் இணைவதன் மூலமாக தொடர்ந்து பயனுள்ள பதிவை காணலாம்.