குளோரின் கலந்த நீச்சல் குளத்தில் நீச்சலடிக்கும் முன்பு பக்க விளைவுகளை தெரிஞ்சுகோங்க

நீச்சல் குளத்தில் குளோரின் கலப்பது எதனால்?

நீச்சல் குளத்தில் உள்ள பாக்டீரியாக்கள், வைரஸ்கள் மற்றும் நுண்ணுயிரிகளை அளித்து தண்ணீரை சுத்தமாக வைத்திருக்க குளோரின் கிருமி நாசினியாக பயன்படுத்தப்படுகிறது. இந்த முறை குளோரினேஷன் எனப்படுகிறது. என்னதான் நீச்சல் குளத்தில் குளோரின் சேர்ப்பது தண்ணீரில் உள்ள மனிதர்களுக்கு ஆபத்து விளைவிக்கும் நுண்ணுயிரிகளை அகற்றுவதில் மிகவும் பயனுள்ளதாக இருந்தாலும் அந்த நீச்சல் குளத்தை பயன்படுத்துபவர்களுக்கு ஆரோக்கியத்தில் சில பக்க விளைவுகளும் ஏற்படும்.

தலைமுடி பாதிக்கப்படும்

சருமத்தை போன்று தலைமுடியில் உள்ள இயற்கையான எண்ணெய் பசையை நீக்கி வறட்சியை ஏற்படுத்தும். இது தலைமுடியில் எரிச்சல் மற்றும் அரிப்பை ஏற்படுத்தும். குளோரின் உங்கள் தலைமுடியில் உள்ள புரதங்களை உடைத்து, முடி உதிர்வு அபாயத்தை அதிகரிக்கும். மேலும் தலைமுடிக்கு நிறத்தை தரும் மெலனின் என்ற நிறமியை குளோரின் பாதித்து நிறத்தை மங்க செய்யும்.

பற்களில் கறை உண்டாகும்

நமது வாயின் உமிழ்நீரை விட நீச்சல் குளங்களில் உள்ள குளோரின் கலக்கப்பட்ட நீரின் pH அளவு அதிகமாக இருக்கும். இது நம் பற்களுடன் நேரடியாக வினைபுரியும் போது பற்களில் கறை ஏற்பட வாய்ப்புள்ளது. நீங்கள் எப்போதாவது பொது நீச்சல் குளங்களுக்கு சென்றால் பற்களில் கறை ஏற்படாது. ஆனால் அடிக்கடி சென்றால் பற்களில் கறை ஏற்பட வாய்ப்பு அதிகம் இருப்பதாக கூறப்படுகிறது.

நீச்சல் குள குளோரின் தண்ணீரின் விளைவுகளிலிருந்து பாதுகாப்பாக இருக்க நீங்கள் செய்ய வேண்டியது

• பொது நீச்சல் குளத்தில் குளிப்பதற்கு முன் சன்ஸ்கிரீன் பயன்படுத்துங்கள். சன்ஸ்கிரீன் குளோரினால் ஏற்படும் பாதிப்பில் இருந்து உங்கள் சருமத்தை பாதுகாக்கும்.
• குளோரினால் உங்கள் தலைமுடி பாதிக்காமல் இருக்க பொது நீச்சல் குளங்களில் நீந்தும்போது நீச்சல் தொப்பியை அணியுங்கள்.
• நீச்சல் குளத்தில் நீந்துவதற்கு செல்லும் முன்பும் பின்பும் வெதுவெதுப்பான நீரில் குளிக்கவும். இதனால் குளோரினால் ஏற்படும் தாக்கம் குறையும்.
• பொது நீச்சல் குளத்தில் குளித்த பிறகு மாய்ஸ்சுரைசரைப் பயன்படுத்துங்கள். இதனால் உங்கள் சருமத்தை வறண்டு போவதில் இருந்து தடுக்க முடியும்.
• நீச்சல் குளத்தின் குளோரினால் உங்கள் உதடுகள் சேதமடையும் என்பதால் நீந்துவதற்கு முன் லிப் பாம் பயன்படுத்த மறக்காதீர்.