Benefits Of Cabbage : முட்டைகோஸ் சாப்பிடுவதால் கிடைக்கும் ஆரோக்கிய நன்மைகள்

முட்டைகோஸ் பல விதமாக பயன்படுத்தப்படும் காய்கறி வகைகளில் ஒன்றாகும். சில சமயம் சமைத்து காய்கறியாகவும், சில சமயம் சாலட்டாகவும் சாப்பிடுவார்கள். நமக்கு விருப்பமான மஞ்சூரியன், நூடுல்ஸ், மோமோஸ் மற்றும் ஃப்ரைடு ரைஸ் போன்ற பலவகையான சுவையான உணவுகளில் இது அதிகம் பயன்படுத்தப்படுகிறது. முட்டை கோஸ் சுவை மிகுந்த காயாகும் மற்றும் பல உணவுகளின் சுவையை அதிகரிக்கும் காயும் கூட. முட்டைக்கோஸ் உங்கள் ஆரோக்கியத்திற்கும் மிகவும் நன்மை பயக்கும் என்பது உங்களுக்குத் தெரியுமா? இதன் ஆரோக்கிய நன்மைகள் பற்றி நாம் இங்கு தெரிந்து கொள்வோம்

• நோய் எதிர்ப்பு சக்தியை பலப்படுத்துகிறது

• செரிமானத்தை மேம்படுத்துகிறது

• மூளையை ஆரோக்கியமாக வைத்திருக்கிறது

• கொலஸ்ட்ரால் அளவைக் கட்டுப்படுத்துகிறது

• வைட்டமின் K அதிகம் உள்ளது

• சருமத்திற்கு நன்மை பயக்கும்

நோய் எதிர்ப்பு சக்தியை பலப்படுத்துகிறது

இப்போதெல்லாம், ஆரோக்கியத்தை நினைத்து மிகவும் எச்சரிக்கையாக இருக்க வேண்டியிருக்கிறது. ஏனென்றால் பல நோய்கள் பரவி நம் ஆரோக்கியத்திற்கு தீங்கு விளைவிக்கும் சூழலில் நாம் இருக்கிறோம். அத்தகைய சூழ்நிலையில், பலமான நோயெதிர்ப்பு மண்டல அமைப்பு மட்டுமே நம்மை நோய்களிலிருந்து பாதுகாக்கும். முட்டைக்கோஸ் நோய்களைத் தடுக்க உதவுகிறது. வைட்டமின் C நிறைந்த முட்டைக்கோஸ் போன்ற உணவுகளை உட்கொள்வது, பலமான நோயெதிர்ப்பு மண்டலத்தை பராமரிக்க ஒரு முக்கியமான ஊட்டச்சத்தாகும்.

செரிமானத்தை மேம்படுத்துகிறது

முட்டைக்கோஸில் கரையாத நார்ச்சத்து நிறைந்துள்ளது, இது குடல் இயக்கத்தை ஊக்குவிப்பதன் மூலமும் செரிமான அமைப்பை ஆரோக்கியமாக வைத்திருக்கிறது. உங்கள் செரிமான ஆரோக்கியத்தை மேம்படுத்த விரும்பினால், நார்ச்சத்து நிறைந்த முட்டைக்கோஸை ஏதேனும் ஒரு வகையில் சமைத்து அன்றாடம் நீங்கள் உண்ணும் உணவில் சேர்த்துக் கொள்ளுங்கள். இதில் உள்ள நார்ச்சத்து மற்றும் நீர்ச்சத்து மலச்சிக்கலைத் தடுக்கவும், ஆரோக்கியமான செரிமான அமைப்பை பராமரிக்கவும் உதவுகிறது.

மூளையை ஆரோக்கியமாக வைத்திருக்கிறது

நமது மூளை உடலின் மற்ற அனைத்து உறுப்புகளையும் செயல்படத் தூண்டும் உறுப்பு என்பதால், உடலின் சக்தி உறைவிடம் என்று அழைக்கப்படுகிறது. எனவே, முட்டைகோஸ் போன்ற உணவுகளை உண்பதன் மூலம் உங்கள் வாழ்நாள் முழுவதும் உங்கள் மூளையின் ஆரோக்கியத்தை பராமரிக்கலாம். இதில் வைட்டமின் K மற்றும் ஆன்டிஆக்ஸிடன்ட் ஆந்தோசயினின்கள் உள்ளன. அவை மூளை செயல்பாடு மற்றும் ஈடுபாடு ஆகியவற்றை அதிகரிக்க சிறந்தவை.

கொலஸ்ட்ரால் அளவைக் கட்டுப்படுத்தும்

அதிக கொலஸ்ட்ரால் உள்ளவர்களுக்கு இதய நோய் ஏற்படும் அபாயம் அதிகமாக உள்ளது, குறிப்பாக "கெட்ட" எல்டிஎல் கொழுப்பின் அளவு அதிகமாக இருந்தால், அது இதயத்தை பாதிக்கும். முட்டைக்கோஸில் இது போன்ற ஆரோக்கியமற்ற எல்டிஎல் கொழுப்பின் அளவைக் குறைக்கும் இரண்டு பொருட்கள் உள்ளன. முட்டைக்கோஸ் உடலில் உள்ள கொழுப்பின் அளவைக் கட்டுப்படுத்துகிறது.

முட்டைகோஸ் வைட்டமின் K வின் சிறந்த மூலமாகும்

முட்டைக்கோஸ் வைட்டமின் K1 இன் நல்ல மூலமாகும். வைட்டமின் K1 என்பது உடலில் பல முக்கிய பங்குகளை வகிக்கும் ஒரு முக்கிய ஊட்டச்சத்து ஆகும். இரத்த உறைதலுக்கு காரணமான என்சைம்களுக்கு இணையான மூலமாக செயல்படுவதே இதன் முக்கிய செயல்பாடு. வைட்டமின் K இல்லாமல், இரத்தம் சரியாக உறையும் திறனை இழக்கிறது, இதனால் அதிக இரத்தப்போக்கு அபாயத்தை அதிகரிக்கிறது. அதனால்தான் உங்கள் வழக்கமான உணவில் முட்டைக்கோஸை கட்டாயம் சேர்த்துக்கொள்ள வேண்டும்.

இதுவும் உதவலாம் :உடல் எடையை குறைக்க நெல்லிக்காய் சாறு எவ்வாறு உதவுகிறது தெரியுமா?

தோலுக்கு நன்மை பயக்கும்

முட்டைக்கோசால் செய்யப்பட்ட ஃபேஸ் பேக்குகள் ஒருபுறம் குறைபாடற்ற சருமத்தை வழங்கும் அதே வேளையில், முட்டைக்கோஸை உட்கொள்வது சருமத்தின் அழகையும் அதிகரிக்கிறது. இதன் காரணமாக முக சுருக்கங்கள் மற்றும் சருமத்தில் உள்ள மெல்லிய கோடுகள் நீங்கும். முட்டைக்கோஸை உங்கள் வழக்கமான உணவில் சேர்த்துக் கொள்ளுங்கள், ஏனெனில் அதில் ஆன்டிஆக்ஸிடன்ட்கள் உள்ளன, இது உங்கள் சருமத்தின் அழகினை மேம்படுத்துவதில் முக்கிய பங்கு வகிக்கிறது.

உங்களுக்கு வேறு ஏதேனும் உடல்நலக் கோளாறுகள் இருந்தால், அதை உட்கொள்ளும் முன் நிபுணர்களின் ஆலோசனையைப் பெறவும்.

இந்தப் பதிவு உங்களுக்குப் பிடித்திருந்தால் லைக் செய்து, பகிருங்கள். மேலும் இது போன்ற தகவல்களுக்கு, ஹெர்ஷிந்தகி தமிழ் பக்கத்தோடு தொடர்ந்து இணைந்திருங்கள்.

Image Credit : Freepik