நம் உணவுப் பழக்கங்களில் தயிர் ஒரு முக்கியமான பங்கு வகிக்கிறது. இது சத்து நிறைந்தது மட்டுமல்லாமல், செரிமானத்திற்கும் உதவுகிறது. ஆனால் இரவில் தயிர் சாப்பிடலாமா? என்ற கேள்வி இங்கு பலருக்கும் உள்ளது. ஒரு சிலருக்கு இரவில் தயிர் சாப்பிடுவது சளி இரும்பல் காய்ச்சல் போன்ற உடல் நல பிரச்சனைகளை ஏற்படுத்தலாம். இந்தக் கட்டுரையில் இரவில் தயிர் சாப்பிடுவதன் நன்மைகள் மற்றும் தீமைகள் பற்றி விரிவாகப் பார்க்கலாம்.
தயிரின் ஊட்டச்சத்து மதிப்பு:
தயிர் புரதம், கால்சியம், புரோபயாடிக் பாக்டீரியா மற்றும் வைட்டமின்கள் நிறைந்தது. இது எலும்புகள் மற்றும் பற்களை வலுப்படுத்துகிறது, இது நோய் எதிர்ப்பு சக்தியை அதிகரிக்கிறது மற்றும் செரிமானத்திற்கு உதவுகிறது.
இரவில் தயிர் சாப்பிடுவதால் கிடைக்கும் நன்மைகள்?
- செரிமானத்திற்கு உதவும்: தயிரில் உள்ள புரோபயாடிக்ஸ் நீங்கள் சாப்பிடும் இரவு உணவை எளிதில் செரிக்க உதவுகின்றன.
- தூக்கம் வருவதற்கு உதவும்: தயிரில் டிரிப்டோஃபான் என்ற அமினோ அமிலம் உள்ளது, இது தூக்கத்தைத் தூண்டுகிறது. எனவே இரவில் தூக்கம் வராமல் தவிக்கும் நபர்கள் தயிர் சாப்பிட்டு தூங்கலாம்.
- வாய்ப்புண்ணைத் தடுக்கும்: தயிர் உங்கள் உடலின் வெப்பத்தைக் குறைத்து, அமிலத்தன்மையை சமநிலைப்படுத்துகிறது.
இரவில் தயிர் சாப்பிடுவதன் தீமைகள்:
- தயிர் பல நண்மைகள் தரும் என்றாலும் ஒரு சிலருக்கு இரவில் தயிர் சாப்பிடுவது பின்வரும் பிரச்சினைகளை ஏற்படுத்தலாம்:
- சளி மற்றும் இருமல்: தயிர் குளிர்ச்சியானது, எனவே சளி, தொண்டை வலி அல்லது இருமல் உள்ளவர்களுக்கு இது தீமையை அதிகரிக்கும்.
- உடல் வலுவிழந்து விடும்: தயிர் செரிக்க சற்று நேரம் எடுத்துக்கொள்ளும், இது இரவில் உடல் சோர்வை ஏற்படுத்தலாம்.
- கொழுப்பு அதிகரிப்பு: கொழுப்பு நிறைந்த தயிர் அதிகமாக சாப்பிடுவது உங்களுக்கு எடை அதிகரிக்கக் காரணமாகலாம்.
யார் இரவில் தயிர் சாப்பிடக்கூடாது?
சளி, இருமல் அல்லது சைனஸ் பிரச்சினை உள்ளவர்கள் இரவில் தயிர் சாப்பிடாமல் இருப்பது நல்லது. தயிர் குளிர்ச்சியானது, எனவே இது சளியை அதிகரிக்கும். காய்ச்சல் அல்லது ஜலதோஷம் உள்ளவர்கள் இரவில் தயிர் சாப்பிடக்கூடாது, இது உடலின் வெப்பத்தைக் குறைப்பதால், காய்ச்சல் குணமாக தாமதமாகலாம். அதே போல செரிமான பிரச்சினைகள் உள்ளவர்கள் இரவில் தயிர் சாப்பிடுவது வயிறு புளிப்பு அல்லது அஜீரணத்தை ஏற்படுத்தலாம். ஆர்த்ரைடிஸ் (மூட்டு வலி) உள்ளவர்கள் இரவில் தயிர் சாப்பிடுவதை தவிர்க்க வேண்டும், தயிர் குளிர்ச்சியானது, இது மூட்டு வலியை அதிகரிக்கும்.
மாற்று வழி என்ன?
- நீங்கள் தயிர் சாப்பிட விரும்பினால், இந்த முறைகளைப் பின்பற்றலாம்:
- தயிரை பகலில் சாப்பிடவும், இது செரிமானத்திற்கு உதவும்.
- உப்பு மற்றும் மிளகு சேர்த்து சாப்பிடவும், இது தயிரின் குளிர் தன்மையைக் குறைக்கும்.
- மோர் அருந்தவும், இது இரவில் இலகுவாக செரிக்கக்கூடியது.
தயிர் ஒரு சத்தான உணவு, ஆனால் அனைவருக்கும் இரவில் சாப்பிடுவது பொருத்தமானது அல்ல. உங்கள் உடல் நிலைக்கு ஏற்ப முடிவு எடுப்பது நல்லது. சளி, இருமல் அல்லது செரிமான பிரச்சினைகள் இருந்தால், இரவில் தயிர் சாப்பிடுவதைத் தவிர்க்கவும். பகலில் தயிரைச் சாப்பிடுவது அதிக நன்மைகளைத் தரும்.
Image source: google
Take charge of your wellness journey—download the HerZindagi app for daily updates on fitness, beauty, and a healthy lifestyle!
Comments
எல்லா கருத்துகளும் (0)
Join the conversation