மத்தி மீனும் அதன் வியக்கத்தகு ஆரோக்கிய நன்மைகளும்

மத்தி மீன்களில் உள்ள ஆரோக்கிய நன்மைகள்:

மற்ற மீன்களை விட மத்தி மீன்களில் அதிகப்படியான புரத சத்துக்கள் மற்றும் ஒமேகா 3 கொழுப்பு அமிலங்கள் உள்ளது. மத்தி மீன்களை வாரத்திற்கு ஒருமுறை சாப்பிடும் போது இதில் உள்ள ஊட்டச்சத்துக்கள் உடலின் இன்சுலின் எதிர்ப்பை குறைத்து சர்க்கரை நோய் பாதிப்பைக் கட்டுக்குள் வைத்திருக்க உதவுகிறது.

இதய ஆரோக்கியத்திற்கு மத்தி மீன்கள்:

நமது உடலில் அளவுக்கு அதிகமாக கொழுப்புகள் உடலில் படியும் போது இரத்த ஓட்டம் சீராக இருக்காது. இதயத்திற்குச் செல்லக்கூடிய இரத்த ஓட்டம் தடைப்படும் போது மாரடைப்பு போன்ற பாதிப்புகளை ஏற்படுத்தும். இந்த பாதிப்பைத் தவிர்க்க மருந்து மாத்திரைகள் சாப்பிடுவது ஒருபுறம் இருந்தாலும், மத்தி மீன்கள் நல்ல தேர்வாக அமையும். இதில் உள்ள ஒமேகா 3 கொழுப்பு அமிலங்கள் உடலில் தங்கியுள்ள கெட்ட கொழுப்புகளைக் கரைக்க உதவுகிறது.

மன அழுத்தத்தைக் காக்கும் மத்தி மீன்கள்:

மன அழுத்தம் என்பது பணிக்குச் செல்பவர்களுக்கு மட்டுமல்ல அனைத்துத் தரப்பினருக்கும் ஏற்படும் பொதுவான பிரச்சனைகளில் ஒன்று. இதை சரிசெய்வதற்கு ஒமேகா 3 அமிலங்கள் கொண்ட மத்தி மீன்களை உணவில் சேர்த்துக் கொள்ளலாம். இதே போன்று நினைவாற்றல் இழப்பு, டிமென்ஷியா போன்ற பாதிப்புகளைச் சரி செய்யவும் உதவியாக உள்ளது.

Image credit - Freepik