செம்பருத்தி செடி வளர்ப்பது இனி ரொம்ப ஈசி; இந்த டிப்ஸை ஃபாலோ பண்ணுங்க

செம்பருத்தி மிகவும் அழகான மலர்களில் ஒன்றாகும். இதன் சிவப்பு நிறம், மஞ்சள் அரும்புகள், அகலமான இதழ்கள் என பார்ப்பதற்கு ஒரு ஆனந்தத்தை கொடுக்கும். இந்த அழகிய செடியை உங்கள் வீட்டிலேயே, குறிப்பாக பால்கனியில் எளிதாக வளர்ப்பது எப்படி என்று காண்போம்.

செடியை தேர்வு செய்யும் முறை:

செம்பருத்தி வளர்ப்பதில் முதல் படி, விதை அல்லது கிளை (Cuttings) இரண்டில் எதை தேர்ந்தெடுப்பது என்பது தான். விதை மூலம் வளர்ப்பது மனநிறைவை தந்தாலும், அது பூக்க அதிக மாதங்கள் எடுக்கும். ஆனால், ஒரு நல்ல கிளை மூலம் வளர்க்கும் போது, ஏழு மாதங்களுக்குள்ளாகவே பூக்களை நீங்கள் பார்க்கலாம். செம்பருத்தி விதைகளை வாங்கும் போது அதில் பூச்சிகள் அரிக்கவில்லை என்பதை உறுதிப்படுத்திக் கொள்ளுங்கள். இல்லை எனில், உங்கள் பகுதியிலுள்ள ஆரோக்கியமான, நல்ல கணுக்கள் (nodes) மற்றும் பூக்கள் கொண்ட ஒரு செம்பருத்தி செடியில் இருந்து ஒரு பெரிய கிளையை வெட்டி எடுக்கலாம்.

மேலும் படிக்க: மாடித் தோட்டம் வைத்திருப்பவரா நீங்கள்? இந்த காய்கறிகளை இப்போதே விதைத்து குளிர் காலத்தில் அறுவடை செய்யலாம்

விதைகள் முளைக்க 10 முதல் 20 நாட்கள் ஆகலாம். சிறிய தொட்டிகளில் 2 அல்லது 3 விதைகளை மட்டும் நடவு செய்யுங்கள். இதனால் வேர்கள் போதுமான இடத்தை பெற்று, நன்கு பரவி வளரும். கிளை அல்லது விதை எதுவாக இருந்தாலும், தோட்ட மண், தென்னை நார்க் கழிவு மற்றும் சிறிது மண்புழு உரம் (Vermicompost) கலந்த கலவையாக இருப்பது சிறந்தது.

மேலும் படிக்க: மாதுளை வளர்ப்பு: வீட்டிலேயே ஆரோக்கியமான பழங்களை அறுவடை செய்வது எப்படி?

தண்ணீரின் அவசியம்:

செம்பருத்தி ஈரமான மண்ணில் நன்றாக முளைத்து வளரும். ஆனால், மண் அதிக ஈரத்துடன் இல்லை என்பதை உறுதிப்படுத்தி கொள்ளுங்கள். அதிக ஈரம் வேர் அழுகலுக்கு வழிவகுக்கும். செடி முளைக்கும் கட்டத்தில், ஒரு நாளைக்கு ஒன்று அல்லது இரண்டு முறை மண்ணில் தண்ணீரை தெளிக்கவும். இவ்வாறு மண் ஈரப்பதத்துடன் இருப்பதை உறுதிப்படுத்தவும். சுமார் 10 நாட்களில் சிறிய இலைகள் முளைக்கத் தொடங்கும். அவை மேலும் 20 நாட்களுக்குள் வளரும். ஒவ்வொரு நாற்றிலும் குறைந்தது 3 முதல் 5 பெரிய இலைகள் வந்தவுடன், அதை பெரிய தொட்டிக்கு மாற்றும் நேரம் வந்துவிட்டதாக எடுத்துக் கொள்ளலாம்.

சூரிய ஒளி:

முளைக்கும் கட்டத்தில், செடியை நேரடி சூரிய ஒளியில் வைக்க வேண்டாம். பெரிய தொட்டிக்கு மாற்றிய பின், ஆரம்பத்தில் ஒரு மணி நேரம் நேரடி சூரிய ஒளியில் வைத்து, பின்னர் தொட்டியை சற்று நிழலான இடத்தில் வைக்கலாம். இவ்வாறு பராமரித்து வந்தால், விதைகள் மூலம் வளர்ந்த செடியாக இருந்தால் பூப்பதற்கு சுமார் ஒரு ஆண்டு அல்லது அதற்கு மேல் ஆகலாம். ஆனால், ஆரோக்கியமான கிளை மூலம் வளர்த்தால் சுமார் 6 மாதங்களில் பூக்கும்.

இந்தக் கட்டுரை உங்களுக்குப் பிடித்திருந்தால், அதைப் பகிரவும் மேலும் இதே போன்ற பிற கட்டுரைகளைப் படிக்க Her Zindagi உடன் இணைந்திருங்கள்.

Image Credit: Freepik