Neck Pain Yoga : கழுத்து வலியை விரட்டும் யோகாசனங்கள்

பல காரணங்களினால் கழுத்து வலி ஏற்படலாம். அடிக்கடி முன்னோக்கி சாய்ந்து வேலை பார்ப்பது, மோசமான தோரணை, நீண்ட நேரத்திற்கு கழுத்தை அசைக்காமல் வைத்திருக்கும் பழக்கம் போன்ற அன்றாட செயல்பாடுகளால் கழுத்து வலி வரலாம். உடலின் மென்மையான பகுதிகளில் ஒன்றான கழுத்தை கூடுதல் கவனத்துடன் பார்த்துக்கொள்ளுங்கள்.

கழுத்து வலியைப் போக்க யோகா மிகவும் பயனுள்ள மற்றும் சக்திவாய்ந்த அணுகுமுறையாக இருக்கும். எல்லா காலகட்டங்களிலும் இந்திய கலாச்சாரத்தின் ஒரு அங்கமாக யோகா இருந்து வருகிறது. உடற்பயிற்சி மற்றும் தியானம் மூலம் மனமும் உடலும் ஒருங்கிணைக்கப்படுகின்றன. இது உடல் வலிமை, மன வலிமை, நெகிழ்வுத்தன்மை மற்றும் சகிப்புத்தன்மையை அதிகரிக்கிறது. உங்கள் கழுத்து வலியை குறைக்க உதவும் யோகாசனங்கள் பின்வருமாறு

1. சர்பாசனம் (பாம்பு போஸ்)

• முதலில் உங்கள் வயிறு தரையை தொடும்படி படுத்துக் கொள்ளுங்கள்.

• பின்னர் உள்ளங்கைகளை உங்கள் முதுகுக்குப் பின்னால் சேர்த்து இணைக்கவும்.

• இப்போது உங்கள் தலை, மார்பு மற்றும் தோள்பட்டையை உயர்த்தவும்.

• இந்நிலையில் உங்கள் கால்கள் தரையில் இருப்பதை உறுதி செய்து கொள்ளுங்கள்.

• மெதுவாக சுவாசிப்பதில் கவனம் செலுத்தி 8-10 வினாடிகள் வரை இந்த தோரணையில் இருக்கலாம்.

2. திரிகோணாசனம்

• இந்த ஆசனம் செய்ய முதலில் நேராக நிற்கவும்.

• பின் உங்கள் கால்களை முடிந்த அளவுக்கு அகலமாக விரிக்க முயற்சி செய்யவும்.

• இப்போது உங்கள் முதுகை நேராக வைத்து, கைகளை விரித்து வைக்கவும்.

• பின்னர் மெதுவாக வலது பக்கம் சாய்ந்து உங்கள் வலது கையால் கணுக்காலைத் தொடவும். இந்நிலையில் உங்கள் இடது கையை உயர்த்த வேண்டும்.

• இந்த தோரணையில் மூச்சை மெதுவாக உள்ளிழுத்து வெளியேற்றிய பின் இயல்பு நிலைக்கு திரும்பலாம்.

• இதே செயல்முறையை இடது பக்கமும் செய்யவும்.

3. பாலாசனம்

• முதலில் முதுகுத்தண்டை நேராக வைத்து மண்டியிட்டு உட்காரவும்.

• உங்கள் மார்பு தொடைகளை தொடும் வரை முன்னோக்கி சாய்க்கவும்.

• உங்கள் தலை தரையை அடையும் வரை முன்னோக்கி குனிய வேண்டும்.

• உங்கள் உள்ளங்கைகளை தரையை நோக்கியவாறு கீழே வைக்கவும்.

• இந்த நிலையில் 20-25 வினாடிகள் வரை இருக்கலாம். சிறிது ஓய்வு பின் மீண்டும் மூன்று முறை செய்யவும்.

இந்த பதிவும் உதவலாம்: தொங்கும் தொடை கொழுப்பைக் குறைக்க சிறந்த உடற்பயிற்சிகள்

4. காது முதல் தோள் வரை நீட்சி

• முதலில் வசதியாக உட்காரவும்.

• முதுகை நேராக வைத்தபடி, உங்கள் கன்னத்தை மார்புக்கு எதிர்திசையில் தள்ளவும்.

• இவ்வாறு செய்யும் போது ஒரு கையை கொண்டு உங்கள் தலையையும், மறு கையை கொண்டு உங்கள் தோள் பட்டையையும் எதிர் திசைகளில் மெதுவாக தள்ள வேண்டும்.

• உங்கள் தலையை மெதுவாக இயல்பு நிலைக்கு கொண்டுவந்து சுற்றவும்.

• இதே செயல்முறையை பின்பற்றி எதிர்திசையிலும் செய்ய வேண்டும்.

இந்த பதிவும் உதவலாம்: இரவு உணவுக்குப் பிறகு நடைப்பயிற்சி செய்வதில் இவ்வளவு நன்மைகளா

இந்த தகவல் உங்களுக்கு நிச்சயம் பயனுள்ளதாக இருந்திருக்குமென நம்புகிறோம். இந்த பதிவு பிறருக்கும் பயன்பெற இதனை பகிரலாமே. மேலும் லைக் செய்யவும், பதிவு குறித்த உங்கள் கருத்தினை கமெண்ட் செய்யவும். ஹெர்ஷிந்தகி தமிழ் பக்கத்தில் இணைவதன் மூலமாக தொடர்ந்து பயனுள்ள பதிவை காணலாம்.

image source:freepik