காலையில் வெறும் வயிற்றில் ஊறவைத்த உலர் திராட்சை தண்ணீர் குடிப்பதால் என்னென்ன நன்மைகள் கிடைக்கும்?

மேலும் படிக்க: Uses of cumin water: செரிமானத்தை சீராக்குவதில் இருந்து நச்சுகளை அகற்றுவது வரை; சீரக தண்ணீரின் 6 அற்புத பயன்கள்

ஊறவைத்த உலர் திராட்சை தண்ணீரில் நார்ச்சத்து, இரும்புச்சத்து, பொட்டாசியம் போன்றவை நிறைந்துள்ளன. இதனை காலையில் வெறும் வயிற்றில் குடிப்பதன் மூலம் பல்வேறு ஆரோக்கிய நன்மைகளை பெறலாம்.

ஆற்றலை அதிகரிக்கும்:

ஊறவைத்த உலர் திராட்சை தண்ணீர், அதிக ஊட்டச்சத்துகளை கொண்ட ஒரு சிறந்த ஆற்றல் மையம் போன்றது. இதில் உள்ள குளுக்கோஸ் மற்றும் ஃப்ரக்டோஸ் போன்ற இயற்கை சர்க்கரைகள், உடனடி ஆற்றலை வழங்குகின்றன. இது காலையில் புத்துணர்ச்சியுடன் இருக்க உதவுகிறது. அத்துடன் இதில் உள்ள இரும்புச்சத்து, இரத்த சோகையை எதிர்த்து போராட உதவுகிறது. இது உடலில் ஆக்ஸிஜன் ஓட்டத்தை மேம்படுத்துவதன் மூலம், சோர்வை நீக்கி உடலுக்கு ஆற்றலை வழங்குகிறது.

செரிமானத்தை மேம்படுத்தும்:

ஊறவைத்த உலர் திராட்சையில் அதிக நார்ச்சத்து உள்ளது. இது செரிமான மண்டலத்தை மேம்படுத்தி, மலச்சிக்கல் போன்ற செரிமான பிரச்சனைகளை தீர்க்க உதவுகிறது. காலையில் வெறும் வயிற்றில் இந்த நீரை அருந்துவது, குடல் இயக்கத்தை சீராக்கி, உடலின் மெட்டபாலிசத்தை அதிகரிக்கும். இதனால் உடல் ஆரோக்கியமாகவும், சுறுசுறுப்பாகவும் இருக்கும்.

இரத்த அழுத்தத்தை கட்டுக்குள் வைக்கும்:

உயர் இரத்த அழுத்தம் உள்ளவர்களுக்கு ஊறவைத்த உலர் திராட்சை தண்ணீர் மிகவும் பயனுள்ளதாக இருக்கும். இதில் உள்ள பொட்டாசியம் இரத்த அழுத்தத்தை கட்டுப்படுத்த உதவுகிறது. அத்துடன், இதில் உள்ள நார்ச்சத்து, இரத்த நாளங்களை மென்மையாக்கி இரத்த ஓட்டத்தை சீராக்க உதவுகிறது.

மேலும் படிக்க: குடல் இயக்கத்தை சீராக்கும்; நோய்த் தொற்றுகளில் இருந்து பாதுகாக்கும்; இந்த மழைக்காலத்தில் நீங்கள் சாப்பிட வேண்டிய உணவுகள்

இருதய ஆரோக்கியம்:

இதில் உள்ள பாலிஃபீனால்கள் (Polyphenols), இருதய ஆரோக்கியத்திற்கு மிகவும் முக்கியம். இது இருதய நோய்கள் ஏற்படும் அபாயத்தை குறைக்க உதவுகிறது. மேலும், இது உடலில் உள்ள நச்சுகளை வெளியேற்றி இரத்தத்தை சுத்திகரிக்கவும் உதவுகிறது.

எலும்புகளை வலுப்படுத்தும்:

இதில் இருக்கும் போரான் (Boron) என்ற கனிமம், எலும்பு ஆரோக்கியத்திற்கு அவசியமானது. இது எலும்புகளின் அடர்த்தியை பராமரிக்க உதவுவதுடன், ஆஸ்டியோபோரோசிஸ் (Osteoporosis) போன்ற நோய்கள் ஏற்படும் அபாயத்தை குறைக்கிறது.

ஊறவைத்த உலர் திராட்சை தண்ணீரை தயாரிப்பது எப்படி?

உலர் திராட்சைகளை இரவு முழுவதும் தண்ணீரில் ஊறவைக்க வேண்டும். மறுநாள் காலையில், வெறும் வயிற்றில் இந்த தண்ணீரை குடிக்கலாம். தேவைப்பட்டால், திராட்சையையும் சாப்பிடலாம். இது உடலுக்கு பல்வேறு நன்மைகளை தருகிறது.

இந்தக் கட்டுரை உங்களுக்குப் பிடித்திருந்தால், அதைப் பகிரவும் மேலும் இதே போன்ற பிற கட்டுரைகளைப் படிக்க Her Zindagi உடன் இணைந்திருங்கள்.

Image Credit: Freepik