காலையில் வெறும் வயிற்றில் புதினா நீர் குடிப்பதால் கிடைக்கும் ஆரோக்கிய நன்மைகள்

காலையில் புதினா நீர் அருந்துவது உடலுக்கு உடனடி புத்துணர்ச்சியை தரும் என்பது நாம் அறிந்ததே. புதினா ஒரு சுவையான மூலிகை மட்டுமல்ல, அது ஆரோக்கிய நன்மைகளையும் கொண்டுள்ளது. காலையில் வெறும் வயிற்றில் புதினா நீர் குடிப்பதால் கிடைக்கும் முக்கிய நன்மைகள் குறித்து காணலாம்.

செரிமானத்தை மேம்படுத்துகிறது:

புதினா, செரிமான நொதிகளை தூண்டி, உங்கள் குடல் ஆரோக்கியத்தை மேம்படுத்துகிறது. இது செரிமான மண்டலத்தை சீராக இயங்க வைப்பதோடு, மலச்சிக்கல் மற்றும் அஜீரணம் போன்ற பிரச்சனைகளையும் குறைக்கும். இதனால், சாப்பிடும் உணவு எளிதில் செரிமானமாகி, நாள் முழுவதும் வயிறு உப்புசம் இல்லாத உணர்வு கிடைக்கும்.

மேலும் படிக்க: Broccoli benefits in tamil: உங்கள் உணவில் ப்ரோக்கோலியை சேர்க்க வேண்டியதன் அவசியமும் அதன் நன்மைகளும்

வாய் துர்நாற்றத்தை போக்குகிறது:

புதினாவில் உள்ள பாக்டீரியா எதிர்ப்பு பண்புகள், வாய் துர்நாற்றத்தை ஏற்படுத்தும் கிருமிகளை அழிக்கின்றன. காலையில் புதினா நீர் குடிப்பதால், வாய் புத்துணர்ச்சி பெறுவதோடு, நாள் முழுவதும் வாய் துர்நாற்றம் இல்லாமல் இருக்கும். இது இயற்கையான மவுத் வாஷ் போல செயல்படுகிறது.

உடல் எடையை குறைக்க உதவுகிறது:

புதினா, பசியைக் கட்டுப்படுத்தவும், வளர்சிதை மாற்றத்தை மேம்படுத்தவும் உதவுகிறது. இது உடலில் உள்ள தேவையற்ற கொழுப்பை கரைக்கவும், உடல் எடையை குறைக்கவும் வழிவகுக்கிறது. ஆரோக்கியமான உணவு கட்டுப்பாட்டுடன் புதினா நீரை எடுத்துக்கொள்வது நல்ல பலனை தரும்.

மேலும் படிக்க: Kiwi Fruit Benefits in Tamil: ஆரோக்கியத்திற்கு கிவி பழத்தின் அற்புதமான நன்மைகள்

சரும ஆரோக்கியத்தை மேம்படுத்துகிறது:

புதினா ஆன்டிஆக்ஸிடன்ட்கள் நிறைந்தது. இது உடலில் உள்ள நச்சுப் பொருட்களை வெளியேற்றி, சருமத்தை சுத்தமாக வைத்திருக்க உதவுகிறது. புதினா நீர் குடிப்பதன் மூலம், முகப்பரு மற்றும் பிற சரும பிரச்சனைகள் குறையும். இதனால், உங்கள் சருமம் பொலிவு பெறும்.

வயிறு உப்புசத்தை குறைக்கிறது:

புதினா, வயிற்று தசைகளை இலகுவாக்கி, வாயுத் தொல்லையை குறைக்கிறது. இதனால் வயிறு உப்புசம் மற்றும் அசௌகரியம் குறையும். குறிப்பாக, சாப்பிட்ட பிறகு ஏற்படும் வயிறு உப்புசத்தை குறைக்க புதினா நீர் மிகவும் பயனுள்ளதாக இருக்கும்.

இந்த நன்மைகளை பெற, சில புதினா இலைகளை ஒரு கிளாஸ் நீரில் இரவு முழுவதும் ஊறவைத்து, காலையில் வெறும் வயிற்றில் அருந்தலாம்.

இந்தக் கட்டுரை உங்களுக்குப் பிடித்திருந்தால், அதைப் பகிரவும் மேலும் இதே போன்ற பிற கட்டுரைகளைப் படிக்க Her Zindagi உடன் இணைந்திருங்கள்.

Image Credit: Freepik