நம்மில் பலருக்கும் தினமும் அரிசி சாதம் சாப்பிடவில்லை என்றால் தூக்கமே வராது. என்னதான் வெள்ளை அரிசி நம் உடலுக்கு அதிக அளவு நன்மை அளிக்காவிட்டாலும் அதை சாப்பிடாமல் தவிர்ப்பது சற்று கடினம் தான். இந்த நிலையில் பலரும் வெள்ளை அரிசிக்கு மாற்றாக அரிசி வகைகளை சாப்பிட துவங்கிவிட்டார்கள். நம் உடலுக்கு தேவையான அனைத்து ஊட்டச்சத்துக்களையும் அளிக்க உதவும் சத்தான அரிசி வகைகளில் ஒன்று தான் இந்த கருப்பு அரிசி. இதன் அற்புதமான ஊட்டச்சத்து காரணமாக இது ஒரு சூப்பர் ஃபுட் என்று கூறப்படுகிறது.
நாம் தினசரி பயன்படுத்தும் வழக்கமான பழுப்பு அரிசி உடன் ஒப்பிடும்போது இந்த கருப்பு அரிசியில் இரும்பு சத்து, நார்ச்சத்து மற்றும் புரதம் அதிக அளவு உள்ளது. இதன் அடர் ஊதா நிறத்திற்கு காரணமான ஆக்சிஜனேற்றங்கள் நம் உடலுக்கு நன்மை அளிக்கிறது. மேலும் உடல் எடை குறைக்க விரும்புவோர்களும் சர்க்கரை நோயாளிகளும் இந்த கருப்பு அரிசியை தினசரி உணவில் சேர்த்து சாப்பிட்டு வரலாம். இந்த கருப்பு அரிசி சாப்பிடுவதனால் நம் உடலுக்கு ஏற்படும் ஆரோக்கிய நன்மைகள் குறித்து இந்த கட்டுரையில் பார்க்கலாம்.
உடலுக்கு ஆற்றல் தரும்:
ஒன்பது கிராம் கருப்பு அரிசியில் 100 கிராம் புரதச்சத்து இருப்பதால் இது நம் தினசரி உபயோகிக்கும் பழுப்பு அரிசியை விட அதிக ஊட்டச்சத்துக்களை நமக்கு அளிக்க உதவுகிறது. மேலும் இந்த கருப்பு அரிசியில் 3.5 மில்லி கிராம் இரும்பு சத்தும் அடங்கியுள்ளது. இது நம் உடல் ஆற்றலை அதிகரித்து உடல் முழுவதும் ஆக்சிஜனை கொண்டு செல்ல பெரிதும் உதவுகிறது. அதேப் போல கருப்பு அரிசியில் உள்ள புரதச்சத்து மற்றும் அமினோ அமிலங்கள் நம் உடல் திசுக்களை பராமரிக்கவும் சேதத்தை குணப்படுத்தவும் உதவும்.
மேலும் படிக்க: தினமும் செள செள சாப்பிடுங்க! ஆறு ஆரோக்கிய நன்மைகள் கிடைக்கும்
இதய நோய் அபாயம் குறையும்:
நாம் பயன்படுத்தும் அரிசி வகைகளில் இந்த கருப்பு அரிசியில் தான் அதிக அளவு ஆக்ஸிஜனேற்றங்கள் உள்ளது. இது நம் உடலில் ஃப்ரீ ரேடிகல் சேதத்தால் ஏற்படும் ஆக்சிஜனேற்ற அழுத்தத்தை எதிர்த்து போராட உதவுகிறது. இந்த கருப்பு அரிசியை சாப்பிட்டு வந்தால் அல்சைமர், இதய நோய் மற்றும் புற்று நோய்கள் ஏற்படும் அபாயத்தை குறைக்கலாம். மேலும் கருப்பு அரிசியில் கூடுதல் பிளவனாய்டுகள் மற்றும் கரோட்டின் இருப்பதால் இது அதிக அளவு ஆன்டி ஆக்சிடென்ட்கள் கொண்டுள்ளது.
ஹார்மோன் உற்பத்திக்கு உதவும்:
இந்த கருப்பு அரிசியில் 18 அமினோ அமிலங்கள் காணப்படுகிறது. இது நம் உடலில் உள்ள செல் உருவாக்கம், தசைகளை உருவாக்குதல் மற்றும் ஹார்மோன் உற்பத்தி போன்ற பல செயல்பாடுகளுக்கு பெரிதும் உதவுகிறது. அதேபோல இந்த கருப்பு அரிசியில் உள்ள அமினோ அமிலங்கள் நம் உடலுக்கு தேவையான ஆற்றலை அதிகளவு அளிக்கிறது.
கொலஸ்ட்ரால் குறையும்:
கருப்பு அரிசி நம் இதய ஆரோக்கியத்திற்கு நன்மை அளிக்கிறது என்று மருத்துவ ஆய்வுகள் கூறுகின்றன. இது நம் உடலில் உள்ள கொலஸ்ட்ரால் அளவை குறைப்பதன் மூலம் மாரடைப்பு பக்கவாதம் போன்ற நோய்கள் ஏற்படும் அபாயத்தை குறைக்கின்றது.
கண்பார்வைக்கு நல்லது:
கருப்பு அரிசியில் உள்ள வைட்டமின் ஈ சத்து மற்றும் கரோட்டின் நம் கண் ஆரோக்கியத்திற்கு நல்லது. இந்த ஊட்டச்சத்துக்கள் குறைபாடு தான் குருட்டுத் தன்மைக்கான பொதுவான காரணம் என்று மருத்துவர்கள் கூறுகின்றனர். அதேபோல கருப்பு அரிசியில் உள்ள ஆன்டி ஆக்சிடென்ட்கள் புற ஊதா கதிர்வீச்சில் இருந்து நம் கண்களை பாதுகாக்க உதவுகிறது.
கண்பார்வைக்கு நல்லது:
கருப்பு அரிசியில் உள்ள வைட்டமின் ஈ சத்து மற்றும் கரோட்டின் நம் கண் ஆரோக்கியத்திற்கு நல்லது. இந்த ஊட்டச்சத்துக்கள் குறைபாடு தான் குருட்டுத் தன்மைக்கான பொதுவான காரணம் என்று மருத்துவர்கள் கூறுகின்றனர். அதேபோல கருப்பு அரிசியில் உள்ள ஆன்டி ஆக்சிடென்ட்கள் புற ஊதா கதிர்வீச்சில் இருந்து நம் கண்களை பாதுகாக்க உதவுகிறது.
Image source: google
Take charge of your wellness journey—download the HerZindagi app for daily updates on fitness, beauty, and a healthy lifestyle!
Comments
எல்லா கருத்துகளும் (0)
Join the conversation