Winter Foods for Children: குளிர்காலத்தில் குழந்தைகளின் ஆரோக்கியத்தை பராமரிக்க உதவும் எளிய உணவுகள் இதோ

குளிர்காலம் என்றால் குழந்தைகளுக்கு மிகவும் பிடித்தமானதாக இருக்கும். ஆனால், பெற்றோர்களுக்கு அது சற்றே கவலைக்குரிய காலம். ஏனெனில், இந்தக் காலக்கட்டத்தில் தான் சளி, காய்ச்சல் மற்றும் பல்வேறு வைரஸ் தொற்றுகள் குழந்தைகளை எளிதில் தாக்கும். பெரியவர்களை விடக் குழந்தைகளின் நோய் எதிர்ப்பு மண்டலம் சற்று பலவீனமாக இருப்பது தான் இதற்கு காரணம்.

குளிர்காலத்தில் குழந்தைகளின் ஆரோக்கியத்தை பராமரிக்க உதவும் உணவுகள்:

நாம் உண்ணும் உணவே சிறந்த மருந்தாகும். குளிர்காலத்தில் குழந்தைகளின் உடல் வெப்பநிலையை சீராக வைப்பதற்கும், நோய் எதிர்ப்பு சக்தியை அதிகரிப்பதற்கும் சில குறிப்பிட்ட பருவகால உணவுகளை தேர்ந்தெடுத்துக் கொடுப்பது அவசியம். உங்கள் குழந்தைகளின் டயட்டில் அவசியம் சேர்க்க வேண்டிய 5 முக்கிய குளிர்கால உணவுகள் குறித்து இதில் காண்போம்.

சிட்ரஸ் பழங்கள்:

ஆரஞ்சு, சாத்துக்குடி, எலுமிச்சை மற்றும் திராட்சை போன்றவை வைட்டமின் சி-யின் ஆற்றல் மையம் போன்றது.

முக்கிய பயன்கள்:

• நோய் எதிர்ப்பு சக்தி: வைட்டமின் சி உடலின் நோய் எதிர்ப்பு மண்டலத்தை வலுப்படுத்தி, சளி மற்றும் காய்ச்சலை எதிர்த்து போராட உதவுகிறது.
• சரும பாதுகாப்பு: இது கொலஜன் (Collagen) உற்பத்திக்கு உதவுகிறது. இதனால் குழந்தைகளின் சருமம் வறண்டு போகாமல் ஆரோக்கியமாக இருக்கும்.
• இரும்புச்சத்து: உணவில் உள்ள இரும்புச்சத்தை உடல் உறிந்து கொள்ள சிட்ரஸ் பழங்கள் உதவுகின்றன.

சில குழந்தைகளுக்கு சிட்ரஸ் பழங்கள் ஒவ்வாமையை ஏற்படுத்தலாம். எனவே, ஆரம்பத்தில் குறைந்த அளவில் கொடுத்து பார்க்க வேண்டும். ஏதேனும் ஒவ்வாமை அறிகுறிகள் தென்பட்டால் தவிர்ப்பது நல்லது.

மேலும் படிக்க: Winter Health Tips: குளிர்காலத்தில் உங்கள் உடல் வளர்சிதை மாற்றத்தை மேம்படுத்த உதவும் 6 உணவுகள் இதோ

பருப்பு மற்றும் விதை வகைகள்:

பாதாம், வால்நட், சூரியகாந்தி விதைகள் போன்றவை குளிர்காலத்தில் உடலுக்கு தேவையான வெப்பத்தையும், ஆற்றலையும் தருகின்றன.

முக்கிய பயன்கள்:

• இவற்றில் வைட்டமின் ஈ, ஒமேகா-3 கொழுப்பு அமிலங்கள் மற்றும் ஆன்டி-ஆக்ஸிடன்ட்கள் நிறைந்துள்ளன.
• இவை நோய் எதிர்ப்பு மண்டலத்தை பராமரிப்பதோடு, உடலில் ஏற்படும் வீக்கத்தை குறைக்கும் பண்புகளையும் கொண்டுள்ளன.
• கடைகளில் விற்கும் சிப்ஸ்க்கு பதிலாக இவற்றை சிற்றுண்டிகளாக குழந்தைகளுக்கு அளிக்கலாம்.

சர்க்கரைவள்ளிக் கிழங்கு:

குளிர்காலத்தில் பரவலாக கிடைக்கும் சர்க்கரைவள்ளிக் கிழங்கு, சுவை மற்றும் ஆரோக்கியம் இரண்டிலும் சிறந்தது. இது இயற்கையாகவே இனிப்பாக இருப்பதால் குழந்தைகள் விரும்பி சாப்பிடுவார்கள்.

முக்கிய பயன்கள்:

• இதில் வைட்டமின் ஏ, சி மற்றும் நார்ச்சத்து நிறைந்துள்ளது.
• இதில் உள்ள பீட்டா கரோட்டின் (Beta-carotene) குளிர்கால காய்ச்சலிலிருந்து குழந்தைகளை பாதுகாக்கிறது.
• இது குடல் ஆரோக்கியத்தை மேம்படுத்துவதோடு எளிதில் செரிமானம் ஆகக்கூடியது.

மேலும் படிக்க: Winter diet: குளிர்காலத்தின் போது உங்கள் நோய் எதிர்ப்பு சக்தியை அதிகரிக்க உதவும் 5 உணவுகள்

காய்கறிகள்:

காய்கறிகள் மற்றும் கீரை வகைகள் போன்றவை குளிர்காலத்தில் அவசியம் சேர்க்கப்பட வேண்டியவை. இவற்றில் குழந்தைகளின் ஆரோக்கியத்திற்கு தேவையான ஏராளமான சத்துகள் நிறைந்துள்ளன.

முக்கிய பயன்கள்:

• இவற்றில் வைட்டமின்கள், தாதுக்கள், பொட்டாசியம் மற்றும் கால்சியம் நிறைந்துள்ளன.
• குறிப்பாக, ஆன்டி-ஆக்ஸிடன்ட்கள் அதிகம் இருப்பதால், இது குழந்தைகளின் நோய் எதிர்ப்பு சக்தியை பன்மடங்கு உயர்த்துகிறது.
• காய்கறிகளை சூப் (Soup) செய்து கொடுக்கலாம். இது குளிருக்கு இதமாக இருக்கும்.

காளான்:

குளிர்காலத்தில் சூரிய ஒளி குறைவாக இருப்பதால், குழந்தைகளுக்கு வைட்டமின் டி பற்றாக்குறை ஏற்பட வாய்ப்புள்ளது. இதை சரிசெய்ய காளான் சிறந்த தேர்வாகும்.

• காளான் வைட்டமின் டி மற்றும் பிற அத்தியாவசிய ஊட்டச்சத்துகளின் களஞ்சியம் போன்றது.
• குழந்தைகளுக்கு பிடித்த பாஸ்தா அல்லது நூடுல்ஸில் காளானை சேர்த்துக் கொடுக்கலாம்.

குளிர்காலம் குழந்தைகளை முடக்கிப் போடாமல் இருக்க, இந்த ஆரோக்கியமான உணவுகளை அவர்களின் தினசரி டயட்டில் சேர்ப்பது பெற்றோரின் கடமையாகும். இதன் மூலம் அவர்களுடைய நோய் எதிர்ப்பு சக்தியை அதிகரிக்கலாம்.

இந்தக் கட்டுரை உங்களுக்குப் பிடித்திருந்தால், அதைப் பகிரவும் மேலும் இதே போன்ற பிற கட்டுரைகளைப் படிக்க Her Zindagi உடன் இணைந்திருங்கள்.

Image Credit: Freepik