Foods for Liver Health: குளிர்காலத்தில் கல்லீரலில் இருந்து நச்சுகளை இயற்கையாக வெளியேற்ற உதவும் 5 உணவுகள் இதோ

குளிர்காலத்தின் போது நம் உணவுப் பழக்கம் சற்று மாறுபடும். சூடான பஜ்ஜி, போண்டா மற்றும் எண்ணெய் பலகாரங்களை விரும்பி சாப்பிடும் காலம் இது. அதே சமயம், குளிர்காலத்தில் நமது செரிமான மண்டலத்தின் வேகம் சற்று குறைவாக இருக்கும். இதனால் நாம் உண்ணும் உணவில் உள்ள நச்சுகள் மற்றும் கழிவுகள் முழுமையாக வெளியேறாமல் உடலில் தேங்கும் வாய்ப்புகள் அதிகம். குறிப்பாக, உடலின் மிக முக்கியமான உறுப்பான கல்லீரல் இதனால் பெரிதும் பாதிக்கப்படுகிறது.

கல்லீரலில் இருந்து நச்சுகளை இயற்கையாக வெளியேற்ற உதவும் உணவுகள்:

கல்லீரல் என்பது நம் உடலை சீராக சுத்திகரிப்பு செய்ய உதவுகிறது. நாம் உண்ணும் உணவு மூலம் உடலுக்குள் நுழையும் நச்சுகளை வடிகட்டி வெளியேற்றுவது இதன் முக்கிய பணியாகும். குளிர்காலத்தில் அதிகப்படியான கலோரி நிறைந்த உணவுகளை உண்பது கல்லீரலுக்கு கூடுதல் சுமையை அளிக்கும். எனவே, இந்த சீசனில் கல்லீரலை ஆரோக்கியமாக வைத்துக் கொள்ளவும், நச்சுகளை இயற்கையாக வெளியேற்றவும் சில உணவுகளை தினமும் சேர்த்துக் கொள்வது அவசியம். கல்லீரலை பாதுகாக்கும் 5 உணவுகள் குறித்து இதில் விரிவாக காண்போம்.

நச்சுகளை நீக்க உதவும் எலுமிச்சை:

கல்லீரலை சுத்தம் செய்வதில் சிட்ரஸ் பழங்களுக்கு தனி இடமுண்டு. அதிலும் கல்லீரல் ஆரோக்கியத்தை மேம்படுத்துவதில் எலுமிச்சையின் பங்கு மிக முக்கியமானது.

• வைட்டமின் சி: எலுமிச்சையில் வைட்டமின் சி நிறைந்துள்ளதால், இது உடலில் உள்ள நச்சுகளை தண்ணீர் மூலம் வெளியேற்ற உதவுகிறது.
• செரிமானம்: எலுமிச்சையில் உள்ள ஆன்டி-ஆக்ஸிடன்ட்கள் கல்லீரலின் செயல்பாட்டை தூண்டி செரிமானத்தை எளிதாக்குகிறது.

தினமும் காலையில் வெறும் வயிற்றில் ஒரு கிளாஸ் வெதுவெதுப்பான நீரில் எலுமிச்சை சாறு கலந்து குடிப்பது கல்லீரலுக்கு புத்துணர்ச்சி அளிக்கும். இது பித்தத்தை சமநிலைப்படுத்தவும் உதவும்.

மேலும் படிக்க: Winter Health Tips: குளிர்காலத்தில் உங்கள் உடல் வளர்சிதை மாற்றத்தை மேம்படுத்த உதவும் 6 உணவுகள் இதோ 

கிரீன் டீயின் நன்மைகள்:

சாதாரண பால் டீ அல்லது காபிக்கு மாற்றாக கிரீன் டீ குடிப்பது கல்லீரல் ஆரோக்கியத்திற்கு மிகவும் நல்லது.

• கேட்சின்கள்: கிரீன் டீயில் தாவர அடிப்படையிலான ஆன்டி-ஆக்ஸிடன்ட்களான கேட்சின்கள் அதிகளவில் உள்ளன. இவை கல்லீரலின் செயல்பாட்டை மேம்படுத்த உதவுவதாக பல ஆய்வுகள் கூறுகின்றன.
• கொழுப்பு குறைப்பு: கல்லீரலில் தேவையற்ற கொழுப்பு சேர்வதைத் தடுக்கவும் (Fatty Liver), உடல் எடையைக் குறைக்கவும் கிரீன் டீ உதவுகிறது.

ஒரு நாளைக்கு 2 கப் கிரீன் டீ குடிப்பது நல்லது. இதில் சர்க்கரை சேர்க்காமல் குடிப்பது கூடுதல் பலன் தரும்.

வால்நட் பயன்கள்:

மூளை ஆரோக்கியத்திற்கு உதவும் என்று நமக்கு தெரிந்த வால்நட், கல்லீரல் ஆரோக்கியத்திற்கும் சிறந்தது.

• அம்மோனியா நீக்கம்: வால்நட்டில் உள்ள அமினோ அமிலம், கல்லீரலில் உள்ள நச்சான அம்மோனியாவை வெளியேற்ற உதவுகிறது.
• ஒமேகா-3: இதில் உள்ள ஒமேகா-3 கொழுப்பு அமிலங்கள் கல்லீரலை சுத்தம் செய்ய உதவுகின்றன. மேலும், இது ரத்தத்தில் ஆக்ஸிஜன் ஓட்டத்தை மேம்படுத்துகிறது.

தினமும் 2 அல்லது 3 வால்நட் பருப்புகளை சிற்றுண்டியாக சாப்பிடலாம். அவற்றை நன்கு மென்று சாப்பிடுவது அவசியம்.

மேலும் படிக்க: Winter diet: குளிர்காலத்தின் போது உங்கள் நோய் எதிர்ப்பு சக்தியை அதிகரிக்க உதவும் 5 உணவுகள்

பூண்டு மூலம் கிடைக்கும் நன்மைகள்:

பூண்டு ஒரு இயற்கை மருத்துவக் களஞ்சியம். இதன் வாசனை சிலருக்கு பிடிக்காமல் இருக்கலாம். ஆனால், இது கல்லீரலுக்கு செய்யும் நன்மை மிகப் பெரியது.

• நொதிகளைத் தூண்டுதல்: பூண்டில் உள்ள சத்துகள் கல்லீரலில் உள்ள என்சைம்களை (Enzymes) செயல்படத் தூண்டுகின்றன. இந்த என்சைம்கள் தான் உடலில் உள்ள நச்சுகளை வெளியேற்ற உதவுகின்றன.
• செலினியம்: இதில் உள்ள அலிசின் (Allicin) மற்றும் செலினியம் (Selenium) ஆகிய இரண்டு இயற்கை வேதிப்பொருட்களும் கல்லீரலை சேதமடையாமல் பாதுகாக்கின்றன. இது ஒரு இயற்கையான கிளன்சர் போல செயல்படுகிறது.

இதற்காக, தினமும் உணவில் பூண்டு சேர்த்துக் கொள்ளலாம் அல்லது காலையில் ஒரு பல் பூண்டை சாப்பிடுவது மிகுந்த பலன் தரும்.

வெங்காயம் தரும் நன்மைகள்:

தினசரி சமையலில் பயன்படுத்தும் வெங்காயம், கல்லீரலை பாதுகாப்பதில் முக்கிய பங்கு வகிக்கிறது.

• குர்செடின் (Quercetin): வெங்காயத்தில் குர்செடின் என்ற வலுவான ஆன்டி-ஆக்ஸிடன்ட் உள்ளது. இது கல்லீரலின் செயல்பாட்டை மேம்படுத்துகிறது.
• ஆக்ஸிஜனேற்ற அழுத்தம்: இது உடலில் ஏற்படும் ஆக்ஸிஜனேற்ற அழுத்தத்தை (Oxidative stress) எதிர்த்து போராடுகிறது. ஆக்ஸிஜனேற்ற அழுத்தம் தான் கல்லீரல் சேதமடைவதற்கு காலப்போக்கில் முக்கிய காரணமாக அமைகிறது.

சின்ன வெங்காயம் அல்லது பெரிய வெங்காயத்தை சாலட் வடிவிலோ அல்லது சமையலிலோ சேர்த்துக் கொள்ளலாம்.

இந்த உணவுகளை உங்கள் குளிர்கால டயட்டில் சேர்த்துக் கொள்வதன் மூலம், கல்லீரலை சுறுசுறுப்பாகவும் ஆரோக்கியமாகவும் வைத்துக் கொள்ளலாம். உணவுகள் மட்டுமின்றி, தினமும் போதிய அளவு தண்ணீர் குடிப்பது மற்றும் சரியான தூக்கம் ஆகியவையும் கல்லீரல் ஆரோக்கியத்திற்கு மிக அவசியமாகும்.

இந்தக் கட்டுரை உங்களுக்குப் பிடித்திருந்தால், அதைப் பகிரவும் மேலும் இதே போன்ற பிற கட்டுரைகளைப் படிக்க Her Zindagi உடன் இணைந்திருங்கள்.

Image Credit: Freepik