பீட்ரூட் முதல் பெர்ரி பழங்கள் வரை; கல்லீரல் ஆரோக்கியத்தை மேம்படுத்த உதவும் உணவுகள்

நாம் உண்ணும் உணவில் இருந்து நச்சுகளை நீக்கி, சத்துகளை உடலுக்கு கடத்தும் ஒரு வடிகட்டி போல கல்லீரல் செயல்படுகிறது. நமது கல்லீரல் ஆரோக்கியமாக இருந்தால் தான் ஒட்டுமொத்த உடல் ஆரோக்கியமும் சீராக இருக்கும். 

கல்லீரலின் செயல்பாட்டை மேம்படுத்தவும், அதிலுள்ள நச்சுகளை இயற்கையாக நீக்கவும் உதவும் சில அற்புதமான உணவுகள் குறித்து இந்தக் கட்டுரையில் பார்க்கலாம்.

பீட்ரூட்:

பீட்ரூட்டை உட்கொள்ளும் போது, கல்லீரல் அழுத்தத்தின் முக்கிய அங்கங்களான அலனைன் அமினோட்ரான்ஸ்ஃபெரேஸ் மற்றும் அஸ்பார்டேட் அமினோட்ரான்ஸ்ஃபெரேஸ் போன்ற நொதிகளை குறைக்க உதவுகிறது. மேலும், இது ஃபேட்டி லிவர் பாதிப்பை கட்டுப்படுத்தி, கல்லீரலின் ஆரோக்கியமான செயல்பாட்டை ஊக்குவிக்கிறது.

மேலும் படிக்க: கல்லீரல் ஆரோக்கியத்தை மேம்படுத்த என்ன செய்ய வேண்டும்? அவசியம் பின்பற்ற வேண்டிய 5 குறிப்புகள்

எலுமிச்சை:

வைட்டமின் சி நிறைந்த உணவுகள் கல்லீரலுக்கு மிகவும் நல்லது. எலுமிச்சையில் உள்ள வைட்டமின் சி, அன்டிஆக்சிடென்ட்ஸ் ஆகியவை கல்லீரலை தூண்டி செரிமானத்திற்கு உதவுகின்றன. தினமும் காலையில் வெதுவெதுப்பான நீரில் எலுமிச்சை சாறு கலந்து குடிப்பது கல்லீரலை சுத்தப்படுத்த உதவும்.

கிரீன் டீ:

கிரீன் டீ, கல்லீரலுக்கு பாதுகாப்பு அளிக்கும் ஒரு பானமாகும். இதில் நிறைந்துள்ள கேடசின்கள் (Catechins) எனப்படும் வேதிப்பொருட்கள் கல்லீரல் செயல்பாட்டை மேம்படுத்தவும், கல்லீரலில் கொழுப்பு சேர்வதை குறைக்கவும் துணைபுரிகின்றன.

மேலும் படிக்க: Fatty liver: கல்லீரல் பாதிப்புக்கு இதுதான் முக்கிய காரணம்: நீங்கள் தவிர்க்க வேண்டிய உணவுகளின் பட்டியல் இதோ

வால்நட்கள்:

தினமும் சில வால்நட்களை சாப்பிடுவது கல்லீரல் நோய்களை தடுக்க உதவும். வால்நட்களில் அமினோ அமிலங்களும், ஒமேகா-3 கொழுப்பு அமிலங்களும் உள்ளன. இவை அம்மோனியாவை நீக்க உதவுவதோடு, இரத்தத்தில் ஆக்ஸிஜன் ஓட்டத்தை மேம்படுத்தவும் உதவுகின்றன.

பூண்டு:

பூண்டு ஒரு தனித்துவமான வாசனை கொண்டிருந்தாலும், இது நச்சுகளை நீக்கும் செயல்பாட்டில் ஈடுபட்டுள்ள கல்லீரல் நொதிகளை செயல்படுத்துவதாக அறியப்படுகிறது. மேலும், இயற்கையாக சுத்தப்படுத்தக் கூடிய ஆற்றல் கொண்ட செலினியம் இதில் காணப்படுகிறது.

ப்ரோக்கோலி:

கல்லீரல் செயல்பாட்டை மேம்படுத்துவதில் ப்ரோக்கோலி சிறந்த பலன்களை கொண்டுள்ளதாக ஆய்வுகள் தெரிவிக்கின்றன. உங்கள் அன்றாட உணவில் ப்ரோக்கோலியை சேர்த்துக்கொள்வது ஆரோக்கியமான கல்லீரலுக்கு ஒரு நல்ல வழியாகும்.

வெங்காயம்:

வெங்காயம் உங்கள் கல்லீரலுக்கு பாதுகாப்பு அளிக்கிறது. இதில் குவெர்செடின் (Quercetin) எனப்படும் அன்டிஆக்சிடென்ட் நிறைந்துள்ளது. இதனால் கல்லீரல் செயல்பாடு மேம்படுத்தப்படுகிறது. இது ஆக்ஸிஜனேற்ற அழுத்தத்தை எதிர்த்து போராடவும் உதவுகின்றன.

பெர்ரி பழங்கள்:

ப்ளூபெர்ரி மற்றும் கிரான்பெர்ரி போன்ற பெர்ரி பழங்களில் ஆந்தோசயனின்கள் (Anthocyanins) போன்ற அன்டிஆக்சிடென்ட் நிரம்பியுள்ளன. இவை கல்லீரலில் ஏற்படும் ஆக்ஸிஜனேற்ற அழுத்தத்தை குறைத்து, கல்லீரல் சேதத்தை தடுக்க உதவுகின்றன. ப்ளூபெர்ரிகள், கல்லீரல் அழற்சியை குறைத்து, நச்சு நீக்கும் செயல்முறைகளை மேம்படுத்தும் ஆற்றல் கொண்டவை.

இந்தக் கட்டுரை உங்களுக்குப் பிடித்திருந்தால், அதைப் பகிரவும் மேலும் இதே போன்ற பிற கட்டுரைகளைப் படிக்க Her Zindagi உடன் இணைந்திருங்கள்.

Image Credit: Freepik