நம்மில் பலருக்கும் மதியம் உணவு சாப்பிட்ட பிறகு ஒரு இனிப்பு சாப்பிடும் பழக்கம் இருக்கும். ஒரு சிலருக்கு இரவு நேரங்களிலும் உணவு சாப்பிட்ட பிறகு கண்டிப்பாக ஏதாவது ஒரு ஸ்வீட் சாப்பிட வேண்டும் என்று தோன்றும். குழந்தைகள் முதல் பெரியவர்கள் வரை அனைவரும் விரும்பி சாப்பிடும் வகையில் இருக்கும் ஒரு ஸ்வீட் இந்த மில்க் கேக். பல நேரங்களில் நம் வீட்டிற்கு வரும் விருந்தினர்களை அசத்துவதற்கு கடைகளில் இருந்து வாங்கி கொண்டு வரும் ஸ்வீட்ஸ் கொடுப்பதற்கு பதிலாக, இதுபோல ஸ்வீட் வகைகளை வீட்டிலேயே செய்து கொடுக்கலாம். குறிப்பாக நாம் தினசரி உபயோகிக்கும் உணவு பொருட்களை வைத்து இந்த மில்க் கேக் எளிய முறையில் செய்து விடலாம். சுவையான மில்க் கேக் செய்வது எப்படி என்று இந்த கட்டுரையில் பார்க்கலாம்.
முதலில் ஒரு பெரிய பாத்திரத்தை எடுத்து அதில் ஒரு லிட்டர் பாலை ஊற்றி அடுப்பில் வைத்து கொதிக்க வைக்க வேண்டும். இப்போது பால் கால்வாசியாக குறையும் வரை நன்கு காய்ச்சவும். இந்தப் பால் சுண்ட கொதிக்கும் போது பாத்திரத்தின் முனையில் இருக்கும் பாலை கிளறி விட வேண்டும். இதன் பிறகு சிறிது எலுமிச்சை சாற்றினை பாலில் சேர்க்க வேண்டும். பால் கெட்டியாகும் வரை நன்கு கொதிக்க வைக்க வேண்டும். மேலும் அடிக்கடி மறக்காமல் இந்த பாலை கிளறி விட வேண்டும். இப்போது அரை கப் சர்க்கரை சேர்த்து நன்கு கிளறிக் கொண்டே இருக்க வேண்டும்.
மேலும் படிக்க: அடிக்கிற வெயிலுக்கு குளு குளு மாம்பழ ஐஸ்கிரீம்!
பால் கெட்டியாக ஆரம்பிக்கும் போது அதில் சிறிது நெய் சேர்த்து கிளற வேண்டும். இந்த பால் கலவையானது பாத்திரத்தில் அடி பிடிக்காமல் ஒரு பதத்தில் வரும் வரை நன்கு கிளற வேண்டும். இப்போது இது பாத்திரத்தில் ஒட்டாமல் இருக்கும் போது அடுப்பில் இருந்து இறக்கி விடலாம். பிறகு ஒரு சிறிய கிண்ணத்தில் நெய் தடவி அதில் இந்த பால் கலவையை சேர்த்து பரப்பி சூடாற விடவும். இந்த கிண்ணத்தை ஒரு அலுமினிய தாள் வைத்து சிறிது நேரம் மூடி வைக்கவும். இதனை சில மணி நேரம் கழித்து சிறிய துண்டுகளாக வெட்டி வைத்து கொள்ளுங்கள். அவ்வளவு தான் சுவையான மில் கேக் ரெடி.
Image source: google
உங்களைப்போலவே, உங்கள் சருமமும், உடலும் வித்தியாசமானது. எங்களின் பதிவுகள் மூலமாகவும், சமூக ஊடக சேனல்கள் மூலமாகவும் பகிரப்படுபவை யாவும் நம்பத்தகுந்ததாகவும், நிபுணர்களால் சரிபார்க்கப்பட்டதாகவும் இருப்பதை உறுதி செய்ய அனைத்து நடவடிக்கைகளையும் எடுக்கிறோம். இருப்பினும், எந்தவொரு வீட்டு வைத்தியம், டிப்ஸ் அல்லது ஃபிட்னஸ் டிப்ஸ் போன்றவற்றை முயல்வதற்கு முன்பு மருத்துவரின் ஆலோசனை அவசியம். ஏதேனும் கருத்து தெரிவிப்பதற்கு அல்லது புகார்களுக்கு எங்களை தொடர்புக்கொள்ளவும். compliant_gro@jagrannewmedia.com