Caramel Custard Recipe: சுவையான கேரமல் கஸ்டர்ட் புட்டிங் செய்வது எப்படி?

உலகம் முழுவதும் பிரபலமான ஒரு இனிப்பு வகை இந்த கேரமல் கஸ்டர்ட். இது கேரமல் கிரீம், கேரமல் புட்டிங் என்று பல பெயர்களில் அழைக்கப்படும் ஒரு பிரெஞ்சு வகை உணவு. குழந்தைகள் முதல் பெரியவர்கள் வரை அனைவரும் இந்த கேரமல் கஸ்டர்ட் புட்டிங்கை விரும்பி சாப்பிடுவார்கள். வெறும் பால் சர்க்கரை முட்டை வெண்ணிலா எசன்ஸ் போன்ற பொருட்களை பயன்படுத்தி வீட்டில் எளிதாக கேரமல் கஸ்டர்ட் செய்யலாம். அந்த வரிசையில் வீட்டில் எளிய முறையில் கேரமல் கஸ்டர்ட் செய்வது எப்படி என்று இந்த கட்டுரையில் பார்க்கலாம்.

கேரமல் கஸ்டர்ட் செய்ய தேவையான பொருட்கள்:

• 300 மில்லி லிட்டர் பால்
• மூன்று முட்டை
• அரை கப் சர்க்கரை
• அரை டேபிள்ஸ்பூன் வெண்ணிலா எசன்ஸ்

சுவையான கேரமல் கஸ்டர்ட் செய்வது எப்படி?

முதலில் தேவையான அளவு பாலை எடுத்து ஒரு பாத்திரத்தில் கால் கப் சர்க்கரை சேர்த்து நன்கு காய்ச்சி ஆற வைத்துக் கொள்ளுங்கள். பிறகு அதில் மூன்று முட்டையை உடைத்து ஊற்றி நன்கு கிளற வேண்டும். முட்டையை இந்த பாலில் நன்றாக கலக்கி விட வேண்டும். இதற்குப் பிறகு அரை டேபிள்ஸ்பூன் வெண்ணிலா எசன்ஸ் சேர்த்து நன்கு கலக்க வேண்டும். இதனைத் தொடர்ந்து ஒரு சிறிய கடாயில் கால் கப் சர்க்கரை சேர்த்து தண்ணீர் சேர்க்காமல் கிளறிக் கொண்டே இருந்தால் சர்க்கரை கரைய துவங்கும். இந்த சர்க்கரை கரைந்து கெட்டியான பாகுபதத்திற்கு கேரமல் போல உருவாகும். சுமார் இரண்டு அல்லது மூன்று நிமிடங்கள் இதை கிளறிக் கொண்டே இருந்தால் கேரமல் தயார். இப்போது இந்த கேரமலை வேறொரு பாத்திரத்தில் ஊற்றி பரப்பி விடுங்கள்.

மேலும் படிக்க: சுவையான வாழைப்பழ அல்வா செய்வது எப்படி?

பிறகு அதே பாத்திரத்தில் நாம் கலக்கி வைத்த முட்டையும் பாலையும் சேர்த்து ஊற்றி வைக்க வேண்டும். அடுத்ததாக ஒரு குக்கர் எடுத்து அதற்கு உள்ளே ஒரு ஸ்டாண்ட் வைத்து பாலும் கேரமலும் சேர்த்து வைத்த பாத்திரத்தை அதில் வைக்க வேண்டும். உங்கள் வீட்டில் மைக்ரோவேவ் ஓவன் இருந்தால் அதில் எளிதாக இந்த கேரமல் கஸ்டர்ட் புட்டிங் செய்யலாம். ஓவன் இல்லாத பட்சத்தில் இதுபோல குக்கரில் ஒரு ஸ்டாண்ட் வைத்து வேகவிடலாம். இப்போது இந்த குக்கரை குறைந்தது 30 நிமிடம் மிதமான சூட்டில் வேகவிட்டு எடுத்தால் சுவையான கேரமல் கஸ்டர்ட் புட்டிங் ரெடி.

Image source: google