Happy Birthday Keerthy Suresh : பஞ்சு மிட்டாய ரெண்டா திருடி கன்னத்தை செஞ்சுக்கிட்ட! ஹேப்பி பர்த்டே கீர்த்தி சுரேஷ்..

டிகை கீர்த்தி சுரேஷ் மலையாளத்தில் குழந்தை நட்சத்திரமாக பல படங்களில் நடித்திருக்கிறார். 2015 ஆம் ஆண்டு வெளியான இது என்ன மாயம் என்ற படம் மூலம் தமிழ் சினிமாவில் அறிமுகமானார். இந்த படத்தில் விக்ரம் பிரபுவிற்கு ஜோடியாக நடித்திருந்தார். அதைத்தொடர்ந்து ரஜினிமுருகன், தொடரி, ரெமோ, பைரவா ஆகிய படங்களில் கதாநாயகியாக நடித்தார். கீர்த்தி சுரேஷிற்கு தமிழில் ஏராளமான ரசிகர்கள் உருவாகினார்கள்.

பின்பு தெலுங்கிலும் தொடர்ந்து படங்கள் நடித்து வந்தார்.2018 ஆம் ஆண்டு தெலுங்கில் வெளியான ‘மகாநடி’ திரைப்படம் கீர்த்தி சுரேஷிற்கு சிறந்த நடிகைக்கான தேசிய விருதை பெற்று தந்தது. இந்த திரைப்படம் நடிகை சாவித்ரியின் வாழ்க்கை வரலாற்றை மையமாக கொண்டு எடுக்கப்பட்டது. இந்த திரைப்படத்திற்கு பிறகு சண்டக்கோழி 2, சர்கார் ஆகிய படங்களில் நடித்து வந்தார்.

அதன் பின்பு உடல் எடையை குறைக்கும் முயற்சியில் இறங்கினார். 20 கிலோ வரை உடல் எடையை குறைத்து மிகவும் ஒல்லியானார். தான் ஒல்லியான புகைப்படத்தை இன்ஸ்டாகிராமில் பதிவிட்டிருந்தார். இதற்கு பல விமர்சனங்கள் எழுந்தது. அதையெல்லாம் கீர்த்தி சுரேஷ் பொருட்படுத்தவில்லை. 2021 ஆம் ஆண்டு ரஜினி நடிப்பில் வெளியான அண்ணாத்தே படத்தில் மிகவும் ஒல்லியான தோற்றத்தில் கீர்த்தி சுரேஷ் இருப்பார்.அதையடுத்து செல்வராகவனுடன் இணைந்து சாணி காயிதம் என்ற படத்தில் நடித்தார். இந்த படம் ரசிகர்கள் மத்தியில் வரவேற்பை பெற்றது. அமேசன் ப்ரைம் ஓடிடியில் இருக்கிறது.

சமீபத்தில் உதயநிதி ஸ்டாலின் நடிப்பில் வெளியான மாமன்னன் படத்தில் கதாநாயகியாக நடித்திருந்தார். கீர்த்தி சுரேஷ் தற்போது சைரன், ரகு தாத்தா, ரிவால்வர் ரீட்டா மற்றும் கண்ணிவெடி ஆகிய படங்களில் நடித்து வருகிறார்.இந்நிலையில் நடிகை கீர்த்தி சுரேஷின் திருமணம் எப்போது என ரசிகர்கள் ஆவலாக கேள்வி எழுப்பி வருகின்றனர். அதற்கு கீர்த்தி சுரேஷ் பல பேட்டிகளில் நெற்றியடி பதிலை கொடுத்துள்ளார்.

இந்நிலையில் கீர்த்தி சுரேஷ் இன்று தனது 31 வது பிறந்தநாளை கொண்டாடுகிறார். இவருக்கு ரசிகர்கள் மற்றும் பிரபலங்கள் வாழ்த்து தெரிவித்து வருகின்றனர்.மேலும் தெறி படத்தின் ஹிந்தி ரீமேக்கில் நடிகை கீர்த்தி சுரேஷ் கதாநாயகியாக நடித்து வருகிறார். இந்த படத்தில் ஹீரோவாக வருண் தவான் நடிக்கிறார்.இந்த படத்தின் மூலம் ஹிந்தியில் அறிமுகமாக இருக்கிறார்.