ஹேர் ஸ்ட்ரெயிட்டனிங் செய்யும் போது முடி கொட்டுகிறதா?

ஹேர் ஸ்ட்ரெயிட்டனிங் மெஷின் முடியை நேராக்க பயன்படுகிறது. இன்றைய தலைமுறையினர் இதை அதிகம் பயன்படுத்துகின்றனர். இந்த மெஷினில் உருவாகும் வெப்பம் முடியை நேராக்குகிறது. இருப்பினும், இது முடியை மிகவும் பாதிக்கிறது என்பதே உண்மை. தலைமுடி சிறிது நேரத்திற்குள் வறண்டு போகவும் வாய்ப்புள்ளது. ஆனால் நீங்கள் நினைத்தால் இந்த பிரச்சனையை குறைக்கலாம். நீங்கள் ஹேர் ஸ்ட்ரெயிட்டனிங் மூலம் முடியை நேராக்குவதற்கு முன் சிலவற்றை முடியில் தடவ வேண்டும். இது முடி உதிர்தலை தடுக்கும். இன்று இந்த பதிவில் ஹேர் ஸ்ட்ரெயிட்டனிங் செய்யும் போது கடைப்பிடிக்க வேண்டிய விஷயங்கள் பற்றி விரிவாக பார்க்கலாம்.

ஹேர் சீரம் தடவுதல்

தலைமுடியை நேராக்க ஸ்ட்ரெயிட்டனிங் மெஷினை பயன்படுத்துகிறீர்களா? இது முடியை மிகவும் மோசமாக வறண்டு போக செய்யும். இதை சரிசெய்ய ஸ்ட்ரெயிட்டனிங் செய்வதற்கு முன்பு முடியில் சீரம் தடவ வேண்டும். சீரம் முடிக்கு மிகவும் நன்மை பயக்கும். அதனால் இதை உங்கள் முடி பராமரிப்பு வழக்கத்தில் கண்டிப்பாக சேர்த்துக்கொள்ளுங்கள்.

செய்ய வேண்டியவை

• முதலில் உங்கள் தலைமுடியை சீராக வாரிக் கொள்ள வேண்டும்.

• இப்போது கையில் சில துளி சீரம் சொட்டுகளை ஊற்ற வேண்டும்.

• அதை தேய்த்து தலைமுடி முழுவதும் பூச வேண்டும்.

• இதை செய்த பின்பு தலைமுடியை ஸ்ட்ரைட்டனிங் மெஷின் மூலம் ஸ்ட்ரைட்டனிங் செய்ய வேண்டும்.

• இவ்வாறு செய்வதால் உங்கள் முடி வெப்ப பாதிப்பில் இருந்து பாதுகாக்கப்படும்.

தலைமுடியில் சீரம் தடவுவததால் ஏற்படும் நன்மைகள்

• பொலிவு இல்லாத கூந்தலுக்கு பளபளப்பைக் கொண்டுவர ஹேர் சீரம் பயன்படுகிறது.

• தலைமுடி அதிகமாக உதிர்ந்தால் நீங்கள் சீரம் பயன்படுத்தலாம்.

• சீரம் தடவிய பின் தலைமுடியில் சிக்கு ஏற்படாது.

• முடியின் இயற்கை தோற்றத்தை மேம்படுத்தவும் நீங்கள் ஹேர் சீரம் பயன்படுத்தலாம்.

இந்த பதிவும் உதவலாம்: ஹேர் எக்ஸ்டென்ஷன் குறித்து அறிய வேண்டிய தகவல்கள் இதோ!!!

கற்றாழை ஜெல் பயன்படுத்துதல்

கற்றாழை ஜெல்லின் நன்மைகளை நாம் அனைவரும் அறிவோம். இது சருமம் முதல் முடி வரை அனைத்து பிரச்சனைகளை குறைக்கவும் பயன்படுகிறது. கற்றாழை ஜெல்லின் உதவியுடன் ஸ்ட்ரெயிட்டனிங் மெஷினால் ஏற்படும் சேதத்திலிருந்து உங்கள் தலைமுடியை பாதுகாக்கலாம்.

செய்ய வேண்டியவை

• எப்போதும் ஃப்ரஷான கற்றாழை ஜெல்லை பயன்படுத்த முயற்சி செய்யுங்கள்.

• சிறிதளவு அதாவது 1- 2 சொட்டு கற்றாழை ஜெல்லை எடுத்துக் கொள்ளுங்கள்.

• அதை தலைமுடியில் தடவிய பின்பு ஹேர் ஸ்ட்ரெயிட்டனிங் செய்யுங்கள்.

இந்த பதிவும் உதவலாம்: ஹேர்டை பயன்படுத்தாமல் உங்கள் வெள்ளை முடியை கருப்பாக்குவது எப்படி?

முடியில் கற்றாழையை தடவுவதால் ஏற்படும் நன்மைகள்

• முடியை வலுப்படுத்த கற்றாழை பயன்படுத்தலாம்.

• உங்களுக்கு உச்சந்தலையில் அரிப்பு உள்ளதா? இதற்கு ஷாம்பு எதுவும் தேவையில்லை, மாறாக கற்றாழையை இதற்கு பயன்படுத்துவது மிகவும் நல்லது.

• உங்களுக்கு எண்ணெய் பசையுள்ள முடி இருந்தால், இந்த பிரச்சனையை குறைக்க கற்றாழை ஜெல்லை பயன்படுத்தவும்.

இந்த விஷயங்களை கவனத்தில் கொள்ளவும்

• ஸ்ட்ரெயிட்டனிங் மெஷின் மூலம் முடியை நேராக்குவதற்கு பதிலாக, இயற்கையான முறையில் முடியை நேராக்க முயற்சி செய்யுங்கள். இதற்கு நீங்கள் வீட்டில் தயாரிக்கப்பட்ட ஹேர் மாஸ்க்களை பயன்படுத்தலாம்.

• முடி சேதமடைவதை தடுக்க முடி பராமரிப்பு வழக்கத்தை பின்பற்ற வேண்டும். எண்ணெய், ஷாம்பு மற்றும் ஹேர் மாஸ்க் ஆகியவை இதில் அடங்கும்.

• முடிக்கு இயற்கையான பொருட்களைப் பயன்படுத்துங்கள், இதன் மூலம் முடி எப்போதும் நன்றாக வலுவுடன் இருக்கும்.

இந்த பதிவு உங்களுக்கு பிடிக்கும் என நம்புகிறோம். மேலும் இதுபோன்ற பதிவுகளை படிக்க விரும்பினால் கமெண்டில் தெரியப்படுத்துங்கள். ஹெர்ஷிந்தகி தமிழ் பக்கத்தில் இணைவதன் மூலமாக தொடர்ந்து பயனுள்ள பதிவை காணலாம். ஹெர்ஷிந்தகி தமிழ் பக்கத்தில் இணைவதன் மூலமாக தொடர்ந்து பயனுள்ள பதிவை காணலாம்.

Images Credit: freepik