உளுந்து சாதம் ரெசிபி : இந்த பக்குவத்தில் செஞ்சு சாப்பிட்டு பாருங்க

உளுந்து சாதம் செய்ய தேவையானவை

• கருப்பு உளுந்தம் பருப்பு
• தேங்காய்
• வர மிளகாய்
• பூண்டு
• வெந்தயம்
• உப்பு
• நல்லெண்ணெய்

உளுந்து சாதம் செய்முறை

• முக்கால் கப் உடைத்த கருப்பு உளுந்தம் பருப்பு எடுத்துக் கொள்ளுங்கள். கடாயில் போட்டு மிதமான தீயில் வாசனை வெளிவரும் வரை வறுக்கவும்.
• கொஞ்சமாக சிவந்தால் போதும். வறுப்பதை நிறுத்திவிடுங்கள். அதே பேனில் கால் டீஸ்பூன் வெந்தயம் போட்டு வறுக்கவும்.
• கருப்பு உளுந்து, வெந்தயம், ஒரு கப் சாப்பாட்டு அரிசி ஆகியவற்றை ஒன்றாக சேர்த்து தண்ணீரில் 2-3 முறை நன்கு கழுவவும்.
• குக்கரில் மூன்று கப் தண்ணீர் ஊற்றி கொதிக்கும் வரை காத்திருக்கும். இப்போது அரிசியை வடிகட்டி போட்டு குக்கரை மூடாமல் வேகவிடுங்கள்.
• இப்போது தேவையான அளவு உப்பு, முக்கால் கப் துருவிய தேங்காய் சேர்க்கவும்.
• சாதம் பாதியளவு வெந்ததும் குக்கரை மூடி ஒரு விசில் அல்லது 5 நிமிடம் வரை காத்திருக்கவும்.
• உளுந்து சாதம் நன்றாக வெந்து தயாராகி இருக்கும். மேலே ஒரு ஸ்பூன் நல்லெண்ணெய் ஊற்றி சாப்பிடுங்கள். இதனுடன் சாப்பிட எள் துவையலும் செய்யலாம்.

எள்ளு துவையல் செய்முறை

• பேனில் ஒன்றரை ஸ்பூன் கருப்பு எள்ளு போட்டு வறுக்கவும். எள்ளு வறுத்தவுடன் சிறிது நேரம் ஆறவிடுங்கள்.
• மிக்ஸியில் அரைப்பதற்கு வறுத்த எள்ளு, எட்டு வர மிளகாய், ஒரு பல் பூண்டு, நெல்லிக்காய் சைஸ் புளி, கால் டீஸ்பூன் உப்பு, கால் கப் துருவிய தேங்காய், கொஞ்சமாக தண்ணீர் ஊற்றி அரைக்கவும். எள்ளு துவையல் ரெடி.