கிறிஸ்துமஸ் ஸ்பெஷல்: சுவையான வெண்ணிலா ஸ்பாஞ்ச் கேக் செய்வது எப்படி?

சுவையான வெண்ணிலா ஸ்பாஞ்ச் கேக் செய்ய தேவையான பொருட்கள்:

சுவையான வெண்ணிலா ஸ்பாஞ்ச் கேக் செய்முறை:

முதலில் ஒரு பெரிய சல்லடை எடுத்துக் கொள்ளுங்கள், இப்போது இதை ஒரு பாத்திரத்தில் வைத்து அதில் தேவையான அளவு மைதா, பேக்கிங் பவுடர், பேக்கிங் சோடா கலந்து நன்றாக சலித்து எடுக்க வேண்டும். இப்போது மற்றொரு பாத்திரத்தில் இரண்டு முட்டையை சேர்த்து அதை நன்றாக பீட் செய்ய வேண்டும். இப்போது முட்டையில் லேசாக நுரை வரும்போது நாம் அரைத்து வைத்த சர்க்கரையை சேர்த்து நல்ல கிரீம் பதத்தில் திரும்பவும் பீட் செய்ய வேண்டும். இதற்கு எலக்ட்ரிக் பீட்டர் பயன்படுத்தலாம் அல்லது உங்கள் வசதிக்கேற்ப நார்மல் பீட்டர் கூட பயன்படுத்தலாம். நன்றாக பீட் செய்தவுடன் அந்த கலவையில் 2 டேபிள் ஸ்பூன் வெண்ணிலா எசன்ஸ் சேர்த்து மீண்டும் பீட் செய்யவும்.

இப்போது இதில் தேவையான அளவு பாலும் எண்ணெயும் சேர்த்துக் கொள்ளுங்கள். இதனை ஒன்றாக கலந்த பிறகு நாம் சலித்து வைத்த மைதா மாவு கலவையை சிறிது சிறிதாக சேர்த்து மெதுவாக கலந்து விட வேண்டும். இதனை கலந்து விட கட் அண்ட் போல்ட் மெத்தடில் மெதுவாக கலக்க வேண்டும். இதனைத் தொடர்ந்து ஒரு கேக் பேக்கிங் ட்ரேயில் வெண்ணெய் தடவி தனியாக வைத்து கொள்ளுங்கள். இதற்கு பிறகு அவனை 2 நிமிடம் பிரீஹீட் செய்து கொள்ள வேண்டும். அவன் ப்ரீஹிட் ஆன பிறகு அந்த கேக் ட்ரேயில் இந்த மாவு கலவையை ஊற்றி 160 டிகிரி செல்சியஸ் 30 நிமிடங்கள் பேக் செய்ய வேண்டும்.

30 நிமிடங்கள் கழித்து ஒரு குச்சி வைத்து இதை குத்தி பார்த்தால் மாவு குச்சியில் ஒட்டாமல் வெளி வந்தால் கேக் நன்றாக வெந்து விட்டதாக அர்த்தம். ஒருவேளை கேக் வேகவில்லை என்றால் அதே 160 டிகிரி செல்சியஸில் 5 நிமிடம் அல்லது பத்து நிமிடம் வரை வைத்து பேக் செய்யலாம். இப்போது கேக் வெந்து வந்த பிறகு அதை வெளியே எடுத்து வைத்து சூடு ஆறியதும் உங்கள் விருப்பம் படி எந்த வடிவில் வேணாலும் வெட்டிக் கொள்ளலாம். அவ்வளவுதான் சுவையான வெண்ணிலா ஸ்பாஞ்ச் கேக் தயார். இதை சாப்பிட மிகவும் மிருதுவாக இருக்கும். நாம் கடைகளில் வாங்குவது போலவே சுவையும் மிக அருமையாக இருக்கும். குழந்தைகள் முதல் பெரியவர்கள் வரை இந்த வெண்ணிலா கேக்கை விரும்பி சாப்பிடுவார்கள். இந்த வருட கிறிஸ்துமஸ் பார்ட்டிக்கு இந்த வெண்ணிலா ஸ்பாஞ்ச் கேக்கை வீட்டில் செய்து அசத்துங்கள்.

Image source: freepik