ஸ்பெஷல் செட்டிநாடு காடை மிளகு வறுவல் செய்முறை; ருசியோ வேற லெவல்

செட்டிநாடு காடை மிளகு வறுவல் செய்முறை

• தோசைக்கல்லில் 4 ஸ்பூன் தேங்காய் எண்ணெய் ஊற்றி சூடுபடுத்தவும். எண்ணெய் சூடானதும் தலா இரண்டு பட்டை, கிராம்பு, ஏலக்காய் இடித்து போட்டு வறுக்கவும்.
• அடுத்ததாக மூன்று வெங்காயத்தை பொடிதாக நறுக்கி சேர்த்து வதக்கவும். வெங்காயம் கொஞ்சம் வதங்கியவுடன் இரண்டு தக்காளி வெட்டி போடுங்கள்.
• பச்சை வாடை போனதும் மசாலா பொருட்களை ஒவ்வொன்றாகப் போடலாம். ஒரு ஸ்பூன் சீரகம், இரண்டு ஸ்பூன் இஞ்சி-பூண்டு பேஸ்ட், இரண்டு பச்சை மிளகாய், மூன்று காய்ந்த மிளகாய் போடுங்கள்.
• அனைத்தையும் கலந்துவிட்டு கொஞ்சம் வறுத்தபிறகு ஒரு ஸ்பூன் மல்லி தூள், கால் டீஸ்பூன் மஞ்சள் தூள், ஒரு ஸ்பூன் தனியா தூள் சேர்க்கவும்.
• இப்போது தண்ணீரில் கழுவிய ஒவ்வொரு காடையையும் நான்கு பீஸாக வெட்டி போடுங்கள்.
• அரை டம்ளர் தண்ணீர் ஊற்றி தேவையான அளவு உப்பு போட்டு காடையை வேக விடவும். 10 நிமிடங்களுக்கு தோசைக்கல்லை மூடுங்கள்.
• காடை நன்கு வெந்த பிறகே வறுக்க போகிறோம். தோசைக்கல்லில் மூன்று ஸ்பூன் நெய் ஊற்றி, 10 பல் பூண்டு, ஒரு ஸ்பூன் மிளகு தூள் போட்டு கலந்துவிட்டு இரண்டு நிமிடங்களுக்கு அதிகமான தீயில் வறுக்கவும்.
• கொத்தமல்லி போட்டு அடுப்பை ஆஃப் செய்யவும். சூப்பரான செட்டிநாடு காடை மிளகு வறுவல் ரெடி. 30-40 நிமிடங்களில் தயார் செய்துவிடலாம்.

இதுபோன்ற கட்டுரைகளுக்கு ஹெர்ஜிந்தகியுடன் தொடர்ந்து இணைந்திருங்கள்.