Today's Gold Rate in Chennai 18, 22 and 24 Carat: உச்சம் தொட்ட தங்கம், வெள்ளி விலை; இன்றைய நிலவரம் என்ன?

Today Gold Price: இன்றைய தினம், தங்கம் மற்றும் வெள்ளியின் விலை மீண்டும் உயர்ந்திருக்கிறது. இதனால், சாமானிய மக்கள் கவலை அடைந்துள்ளனர். ஒரு சவரன் தங்கம் விலை ரூ. 1 லட்சத்திற்கும் அதிகமாக பதிவாகி இருப்பது அதிர்ச்சியை ஏற்படுத்தி இருக்கிறது.

இன்றைய தங்கம் விலை நிலவரம்:

தங்கம் என்பது தற்போதைய சூழலில் பொதுமக்களின் பாதுகாப்பான முதலீடு மற்றும் சேமிப்பாக கருதப்படுகிறது. எனினும், தங்கத்தை நகையாக வாங்குபவர்களின் எண்ணிக்கையும் கணிசமான அளவு இருக்கிறது. இந்த சூழலில், தங்கத்தின் விலை நாளுக்கு நாள் அதிகரித்து வருகிறது. குறிப்பாக, கடந்த சில நாட்களில் தங்கம் விலை தொடர்ச்சியாக ஏறுமுகத்தில் உள்ளது. இதனால், தங்க நகை வாங்க வேண்டும் என்ற விருப்பம் கொண்டவர்கள் சிரமம் அடைகின்றனர்.

24 கேரட் தங்கத்தின் விலை:

சென்னையை பொறுத்த வரை, 24 கேரட் தங்கத்தின் விலை இன்று ரூ. 218 அதிகரித்துள்ளது. அதன்படி, நேற்று ரூ. 13,713 என விற்பனை செய்யப்பட்ட ஒரு கிராம் 24 கேரட் தங்கம், இன்று ரூ. 13,931 என விற்பனை ஆகிறது. இதேபோல், 8 கிராம் 24 கேரட் தங்கத்தின் விலை ரூ. 1,11,448 எனவும், 10 கிராம் 24 கேரட் தங்கத்தின் விலை ரூ. 1,39,310 எனவும், 100 கிராம் 24 கேரட் தங்கத்தின் விலை ரூ. 13,93,100 எனவும் விற்பனை ஆகிறது.

மேலும் படிக்க: இனி வெள்ளி நகைகளுக்கு பாலிஷ் போட கடைக்கு செல்ல வேண்டாம்; வீட்டிலேயே நகையை சுத்தம் செய்ய சூப்பர் டிப்ஸ் 

22 கேரட் தங்கத்தின் விலை:

ஆபரண தங்கமான 22 கேரட் தங்கத்தின் விலை இன்று ரூ. 200 அதிகரித்திருக்கிறது. இதன் மூலம், நேற்று ரூ. 12,570 என விற்பனை செய்யப்பட்ட ஒரு கிராம் 22 கேரட் தங்கம், இன்று ரூ. 12,770 என விற்பனை ஆகிறது. அதன்படி, ஒரு சவரன் 22 கேரட் தங்கத்தின் விலை ரூ. 1,02,160 எனவும், 10 கிராம் 22 கேரட் தங்கத்தின் விலை ரூ. 1,27,700 எனவும், 100 கிராம் 22 கேரட் தங்கத்தின் விலை ரூ. 12,77,000 எனவும் விற்பனை செய்யப்படுகிறது.

18 கேரட் தங்கத்தின் விலை:

18 கேரட் தங்கத்தின் விலை நேற்று ரூ. 10,490 என விற்பனை செய்யப்பட்டது. இன்று, ஒரு கிராம் 18 கேரட் தங்கத்தின் விலை ரூ. 160 அதிகரித்து ரூ. 10,650 என நிர்ணயம் செய்யப்படுள்ளது. அந்த வகையில், 8 கிராம் 18 கேரட் தங்கத்தின் விலை ரூ. 85,200 எனவும், 10 கிராம் 18 கேரட் தங்கத்தின் விலை ரூ. 1,06,500 எனவும், 100 கிராம் 18 கேரட் தங்கத்தின் விலை ரூ. 10,65,000 எனவும் விற்பனை ஆகிறது.

மேலும் படிக்க: தங்க நகைகள் எப்போதும் போல புதிதாக தெரியணுமா? இதோ உங்களுக்கான சில ஐடியாக்கள்! 

இன்றைய வெள்ளி விலை நிலவரம்:

தங்கத்தை போன்று வெள்ளியின் விலையும் நாள்தோறும் அதிகரித்து வருகிறது. நேற்றைய தினத்தை விட இன்று வெள்ளி விலை ரூ. 3 உயர்ந்துள்ளது. அந்த வகையில், இன்று ஒரு கிராம் வெள்ளியின் விலை ரூ. 234 என விற்பனை ஆகிறது. வெள்ளியின் விலை இவ்வாறு அதிகரித்திருப்பது பலரை அதிர்ச்சிக்குள்ளாக்கி இருக்கிறது.

தங்கத்தில் முதலீடு செய்தாலும், இன்றளவும் தங்க நகை வாங்க வேண்டும் என்ற விருப்பம் பலரிடம் இருக்கிறது. இதனால், தங்கத்தின் விலை தொடர்ந்து அதிகரிப்பது பலரை கவலை அடையச் செய்துள்ளது.

இந்தக் கட்டுரை உங்களுக்குப் பிடித்திருந்தால், அதைப் பகிரவும் மேலும் இதே போன்ற பிற கட்டுரைகளைப் படிக்க Her Zindagi உடன் இணைந்திருங்கள்.

Image Credit: Freepik