கர்ப்ப காலத்தில் பெண்கள் சீரான மற்றும் ஆரோக்கியமான உணவுகளை சாப்பிட வேண்டும் என மகப்பேறு மருத்துவர்கள் கூறுவார்கள். இதன்படி சாப்பிடலாம் என்று நினைத்தாலும் பல நேரங்களில் கர்ப்பிணிகளுக்கு உடல் ஒத்துழைப்பதில்லை. முதல் மூன்று மாதங்களுக்கு வாந்தி அதிகமாக இருக்கும். இதனால் சாப்பிடுவதற்குக் கூட பெரும் சிரமத்தைச் சந்திப்பார்கள். 5 மாத காலத்திற்குப் பிறகு சாப்பிட வேண்டும் என்ற எண்ணம் ஏற்படும். இந்த நேரத்தில் என்ன சாப்பிடலாம்? என்ற குழப்பம் நிச்சயம் கர்ப்பிணிகளுக்கு இருக்கும். உடலுக்கு ஆற்றலை அளிக்கும் உணவுகள் என்னென்ன சாப்பிட வேண்டும்? என்பது குறித்த முழு விபரங்கள் இங்கே.
கர்ப்பிணிகள் சாப்பிட வேண்டிய உணவுகள்:
- கர்ப்ப காலத்தில் பெண்கள் கட்டாயம் 2 முதல் 3 லிட்டர் அளவிற்கு தண்ணீர் குடிக்க வேண்டும்.எந்தளவிற்கு தண்ணீர் அதிகம் குடிக்கிறீர்களோ? அந்தளவிற்கு உடல் ஆரோக்கியத்துடன் இருக்கும். போதுமான அளவிற்கு தண்ணீர் இருந்தால் மட்டுமே கருவைச் சுற்றியுள்ள பாதுகாப்பு திரவத்தை பராமிக்க உதவுகிறது. மேலும் செரிமான அமைப்பு சீராக இருக்கும்.
- கர்ப்ப காலத்தில் கருவில் உள்ள குழந்தைகளுக்கு கால்சியமும், வைட்டமின்களும் அதிகளவில் தேவைப்படும். எனவே தினமும் குறைந்தது காலை மற்றும் இரவு நேரங்களில் ஒரு கிளாஸ் பால் கட்டாயம் குடிக்க வேண்டும்.
- வைட்டமின் பி6, ஏ, சி மற்றும் கே மற்றும் ஆக்ஸிஜனேற்றிகள் நிறைந்த பச்சைக் காய்கறிகள் மற்றும் பயறு வகைகளைக் கட்டாயம் உட்கொள்ள வேண்டும். இந்த உணவுகள் ஹீமோகுளோபின் அளவை அதிகரிப்பதோடு, எலும்புகள் ஆரோக்கியமாக இருக்கவும் உதவுகிறது.
மேலும் படிக்க:கர்ப்பிணிகளுக்கு அதிகரிக்கும் மன அழுத்தம்: சமாளிக்கும் வழிமுறைகள்
- உலர் பழங்கள்: கருவில் வளரக்கூடிய குழந்தைகளுக்கு மற்றும் கர்ப்பிணிகளுக்கு துத்தநாகம், பொட்டாசியம், கால்சியம், மற்றும் நார்ச்சத்துக்கள் தேவைப்படும் என்பதால் பாதாம், பிஸ்தா, வால்நட் போன்ற உலர் பழங்களைக் கட்டாயம் உட்கொள்ள வேண்டும் .
- இதே போன்று புரதம் நிறைந்த முட்டை, பருப்பு வகைகள், ஒமேகா 3 சத்துக்கள் கொண்ட மீன்கள் , சர்க்கரை வள்ளிக்கிழங்கு போன்றவற்றைக் கட்டாயம் உணவில் சேர்த்துக் கொள்ள வேண்டும்.
- காலை உணவாக காய்கறிகளுடன் கூடிய ரவா உப்புமா, வேகவைத்த முட்டை, காய்கறி ஆம்லெட், உளுந்தக் களி, கேப்பை களி போன்றவற்றைக் காலை உணவாக எடுத்துக் கொள்ளலாம்.
- இதே போன்று மதிய உணவாக சாதம், புரோட்டின் நிறைந்த காய்கறிகள், சிக்கன், மட்டன், மீன் போன்ற உணவுகளை உட்கொள்ள வேண்டும். இரவில் எளிதில் செரிமானமாகும் உணவுகளை உட்கொள்ள வேண்டும்.
- இவ்வாறு ஆரோக்கியம் நிறைந்த உணவுகளைச் சாப்பிட்டால் மட்டுமே கர்ப்ப காலத்தில் உடல் ஆரோக்கியத்துடனும், கருவில் உள்ள குழந்தைகள் நல்ல வளர்ச்சியுடன் இருப்பதற்கு பேருதவியாக அமையும்.
Take charge of your wellness journey—download the HerZindagi app for daily updates on fitness, beauty, and a healthy lifestyle!
Comments
எல்லா கருத்துகளும் (0)
Join the conversation