தக் லைஃப் : தப்பிய கன்னடர்கள், சிக்கிய தமிழர்கள்; வச்சு செய்யும் நெட்டிசன்கள்

தக் லைஃப் - கலாய்க்கும் நெட்டிசன்கள்

காலையில் தக் லைஃப் பற்றி வந்த முதல் பதிவில் ரவி மோகனும், துல்கர் சல்மானும் தப்பி விட்டதாக பதிவிட்டிருந்தனர். ஏனெனில் சிம்பு கதாபாத்திரத்தில் ரவி மோகன் நடிக்கவிருந்தார். அதே போல துல்கர் சல்மானும் மணிரத்னத்தை நம்பாமல் படத்தில் இருந்து நல்வாய்ப்பாக தப்பிவிட்டார் என பதிவிட்டுள்ளனர். தக் லைஃப் பார்த்த பலரும் இந்தியன் 2 படமே பரவாயில்லை என்று மீம்ஸ் பகிர்கின்றனர்.

திரிஷாவுக்கு என்ன ஆச்சு ?

ட்ரெய்லரில் ஏற்கெனவே திரிஷா கமல்ஹாசனின் துனைவியாக நடிப்பதாக காண்பித்திருந்தனர். படத்தை பார்த்த ரசிகர்கள் திரிஷா இப்படத்தில் நடிக்க ஏன் ஒப்புக்கொண்டார். தக் லைஃபில் அவருடைய கதாபாத்திரம் ஏனோ தானோ என எழுதப்பட்டு முக்கியத்துவம் இன்றி காணப்படுவதாக ரசிகர்கள் கூறுகின்றனர். எப்போதும் ஒரு படம் வெளியாகும் போது ரசிகர்கள் ஹீரோவின் மாஸான என்ட்ரி காட்சிகளை செல்போனில் படம்பிடித்து பகிர்வார்கள். படத்தின் Thug Life ஹேஷ்டேக்கில் பலரும் திரிஷாவின் கவர்ச்சி காட்சிகளை பகிர்ந்துள்ளனர். சிலருக்கு சுகர் பேபி, முத்து மழை பாடல்கள் முழுமையாக இடம்பெறவில்லை என்ற வருத்தம் வேறு.

நல்ல வேலையாக கன்னடர்களும், கன்னட திரையரங்க உரிமையாளர்களும் தப்பிக் கொண்டதாக பதிவுகளை பார்க்க முடியுகிறது. உங்களுக்கு வந்தா ரத்தம் ? எங்களுக்கு மட்டும் தக்காளி சட்னியா ? கன்னட சகோதரர்ககேள. எங்களையும் சேர்த்து காப்பாற்றி இருக்கலாமே.

சூப்பர்ஸ்டார் ரஜினியுடன் அடுத்த படத்திற்காக மணிரத்னம் இணையவுள்ளதாக தகவல்கள் தெரிவிக்கின்றன. மாட்டிக்காதீங்க தலைவரே...