பெரும் எதிர்பார்ப்புக்கு மத்தியில் வெளியான ரஜினி நடித்த ஜெயிலர் திரைப்படம் சூப்பர் ஹிட் அடித்துள்ளது. இயக்குனர் நெல்சன் இந்த படத்தை இயக்கியுள்ளார். கோலமாவு கோகிலா, டாக்டர் வெற்றிக்கு பிறகு விஜய் நடித்த பீஸ்ட் படத்தை நெல்சன் இயக்கி இருந்தார். ஆனால் அந்த படம் கலவையான விமர்சனங்களை பெற்றிருந்தது. அதனை தொடர்ந்து சூப்பர் ஸ்டார் ரஜினிகாந்துடன் இணைந்தார் நெல்சன். ஜெயிலர் என பெயர் வைக்கப்பட்ட இந்த படத்தின் ஃபர்ஸ்ட் லுக், முதல் சிங்கிள் என அனைத்தும் ட்ரெண்டிங்கில் இடம்பிடித்தது. இதனால் படம் மீதான எதிர்பார்ப்பும் அதிகமானது.
இந்நிலையில் கடந்த ஆகஸ்ட் 10 ஆம் தேதி ஜெயிலர் படம் வெளியானது. முதல் நாள் முதல் காட்சிக்கு பிறகு பாஸ்டிவ் விமர்சனங்கள் குவிந்தன. ரஜினி ரசிகர்களும் படத்தை புகழ்ந்து தள்ளினர். படத்தில் ரஜினியை செம்ம மாஸாகவும் கிளாஸாகவும் காட்டி இருப்பதாக ரசிகர்கள் கூறியிருந்தனர். படத்திற்கு அனிரூத்தின் இசை மிகப்பெரிய பலம் எனவும் புகழப்பட்டது. அடுத்தடுத்த நாட்கள் தொடர் விடுமுறை என்பதால் ஜெயிலர் படத்தின் டிக்கெட் புக்கிங்கும் ஃபுல்லானது. குழந்தைகள், பெண்கள் என குடும்பங்கள் தியேட்டருக்கு படையெடுக்க தொடங்கினர்.
இன்னும் 2 நாட்கள் விடுமுறை இருக்கிற காரணத்தால் வசூலில் ஜெயிலர் புதிய சாதனை படைக்கும் எனவும் நம்பப்படுகிறது. இந்நிலையில் கடந்த 4 நாட்களில் ஜெயிலர் திரைப்படம் உலகளவில் செய்த வசூல் வேட்டை குறித்த தகவல்கள் வெளியாகியுள்ளன. ஜெயிலர் திரைப்படம் முதல் நாள் ரூ 95.78 கோடி, 2 ஆம் நாள் ரூ 56.24 கோடி, 3 ஆம் நாள் ரூ 68.51 கோடி என உலகளவில் வசூல் செய்து இருப்பதாக திரைப்பட விநியோஸ்தர்கள் அதிகாரப்பூர்வமாக அறிவித்தனர். 4 வது நாள் ஜெயிலர் திரைப்படம் ரூ 82.36 கோடி வசூலித்த நிலையில், இதுவரை மொத்தம் ரூ 302.89 கோடி ஜெயிலர் திரைப்படம் வசூலித்திருப்பது தெரிய வந்துள்ளது.
உலகளவில் 300 கோடியை தாண்டி புதிய சாதனை படைத்திருக்கும் ஜெயிலர் திரைப்படம் 500 கோடியை விரைவில் தாண்டும் எனவும் பொன்னியின் செல்வன், விக்ரம் படங்களின் சாதனையை முறியடிக்கும் எனவும் கூறப்படுகிறது. ‘ஜெயிலர்’ படத்தின் தமிழ்நாடு பாக்ஸ் ஆபிஸ் வசூல் நிலவரம்படி முதல் நாள் 29.46 கோடியாகவும், 2ஆம் நாள் 20.25 கோடியாகவும் இருந்தது. 3வது நாளில் (சனிக்கிழமை) ரூ 26.38 கோடியும், 4வது நாளில் (ஞாயிற்றுக்கிழமை) ரூ 31.04 கோடியும் வசூலித்துள்ளது. இதன் மூலம் தமிழகத்தில் மொத்த பாக்ஸ் ஆபிஸ் வசூல் ரூ.107.13 கோடியாக உயர்ந்துள்ளது.என திரைப்பட விநியோகஸ்தர் மனோபாலா ட்விட்டர் பக்கத்தில் தெரிவித்துள்ளார்.
இந்த தகவல் உங்களுக்கு நிச்சயம் பயனுள்ளதாக இருந்திருக்குமென நம்புகிறோம். மேலும் லைக் செய்யவும். ஹெர்ஷிந்தகி தமிழ் பக்கத்தில் இணைவதன் மூலமாக தொடர்ந்து பயனுள்ள பதிவை காணலாம்.
Take charge of your wellness journey—download the HerZindagi app for daily updates on fitness, beauty, and a healthy lifestyle!
Comments
எல்லா கருத்துகளும் (0)
Join the conversation