Nesippaya movie review: அதித்தி ஷங்கர் நடிப்பில் நேசிப்பாயா; படம் எப்படி இருக்கு?

நேசிப்பாயா படத்தின் கதை என்ன?

மறைந்த முன்னாள் நடிகர் முரளியின் இரண்டாவது மகன் ஆகாஷ் முரளி இந்த திரைப்படம் மூலம் கதாநாயகனாக தமிழ் சினிமாவில் அறிமுகமாகியுள்ளார். அர்ஜுன் என்ற கதாபாத்திரத்தில் ஆகாஷ் முரளியும் தியா ராமலிங்கம் என்ற கதாபாத்திரத்தில் அதிதி சங்கரும் இந்த திரைப்படத்தில் நடித்துள்ளனர். அர்ஜுன் மற்றும் தியா இவர்களிடையே கல்லூரி பருவத்தில் இருந்து பல கருத்து வேறுபாடுகள் ஏற்பட்டு வருகிறது. கல்லூரி காலத்தில் காதலித்து வந்த இவர்கள் ஒரு கட்டத்தில் பிரேக் அப் செய்து பிரிந்து விடுகிறார்கள்.

இதற்குப் பிறகு கதாநாயகன் தன் முன்னாள் காதலியை காப்பாற்ற உடனடியாக போர்ச்சுகல் நாட்டுக்கு செல்கிறார். போர்ச்சுகலுக்கு சென்ற நம் ஹீரோ அர்ஜுன் ஹீரோயினை மீட்டெடுக்க நடத்திய போராட்டத்தில் வெற்றி பெற்றாரா இல்லையா? அந்த கொலையை உண்மையில் கதாநாயகி தியா தான் செய்தாரா என்பதுதான் இந்த நேசிப்பாயா திரைப்படத்தின் முழு கதை. இந்தத் திரைப்படத்தில் வழக்கறிஞராக நடித்துள்ள கல்கி கோச்சலின் படத்திற்கு மிகப்பெரிய பிளஸ் என்று கூறலாம். படத்தின் டைட்டிலை வைத்து இது ஒரு காதல் திரைப்படமாக இருக்கும் என நினைத்து தியேட்டருக்கு சென்ற ஆடியன்ஸுக்கு இந்த படத்தில் காதல் கொஞ்சம் ஆக்ஷன் கிரைம் அதிகமாகவும் இருப்பதை பார்க்க முடியும். இந்த படத்தில் மற்றொரு பெரிய பிளஸ் யுவன் சங்கர் ராஜாவின் இசை இந்த திரைப்படத்தில் உள்ள பாடல்களும் பின்னணி இசையும் படத்திற்கு பெரிய பலமாக உள்ளது.

பொங்கல் பண்டிகைக்கு குடும்பத்துடன் சென்று தியேட்டரில் கலகலப்பாக பார்க்கும் படமாக இந்த நேசிப்பாயா இருக்குமா என்று கேட்டால் அது டவுட்டு தான். ஆனால் ஒரு காதல் திரைப்படம் இவ்வளவு தரமான மேக்கிங் உடன் பார்ப்பது இளைஞர்களுக்கு ஒரு புது அனுபவமாக கண்டிப்பாக இருக்கும். படத்தில் பல காட்சிகள் எங்கேயோ பார்த்த மாதிரி உணர்வை கொடுத்திருந்தாலும் இந்த திரைப்படத்தின் கிளைமாக்ஸ் காட்சி யூகிக்க முடியாத அளவிற்கு ஒரு பெரிய டிவிஸ்டோடு அமைந்துள்ளது. எனவே இந்த கிளைமாக்ஸ் காட்சிக்காகவே இந்த நேசிப்பாயா திரைப்படத்தை தியேட்டருக்கு சென்று பார்க்கலாம்.

Image source: google