Cucumber Seeds Benefits : வெள்ளரி விதைகள் சாப்பிடுவது இவ்வளவு நல்லதா!

நீர்ச்சத்து நிறைந்த வெள்ளரிக்காய் உடலுக்கு வழங்கும் நன்மைகள் ஏராளம். வெயிட் லாஸ் தொடங்கி சரும பராமரிப்பு வரை பல தேவைகளுக்கு வெள்ளரிக்காயை பல்வேறு வகைகளில் பயன்படுத்தலாம். வெள்ளரிக்காய் மட்டுமில்லை அதில் இருக்கும் விதைகளும் உடலுக்கு மிகவும் ஏற்றது. அந்த வகையில் இந்த பதிவில் உடல் எடையை குறைக்க வெள்ளரிக்காய் விதைகளை எப்படி பயன்படுத்த வேண்டும்? என்பதை இந்த பதிவில் பார்ப்போம்.

உடல் எடையை இயற்கையாகவே குறைக்க வெள்ளரி விதைகள் கைக்கொடுக்கிறது. வெள்ளரி விதைகளில் நார்ச்சத்து நிறைந்துள்ளது, செரிமானத்திற்கு உதவுகிறது. இதில் குறைந்த கலோரிகள் இருப்பதால் தாரளமாக உடல் எடையை குறைக்க வெள்ளரி விதைகளை உட்கொள்ளலாம். வெறுமையாக சாப்பிடுவதை காட்டிலும் இந்த வழிகளில் வெள்ளரி விதைகளை உட்கொண்டால் முழு பயனை பெறலாம்.

காலையில் ஸ்மூத்தியில் சேர்த்து குடிக்கலாம்

காலையில் ஸ்மூத்தி குடிக்கும் போது அதில் வெள்ளரி விதைகளை சேர்க்கலாம். அல்லது வெள்ளரி விதைகளை பொடியாக அரைத்து, பவுடராகவும் ஸ்மூத்தியில் சேர்த்து குடிக்கலாம்.

சாலட்

காலை உணவில் எடுத்து கொள்ளும் சாலட்டில் வெள்ளரி விதைகளை சேர்த்து கொள்ளலாம். அதே போல் வெள்ளரி விதைகளை நீண்ட காலம் சேமித்து வைத்து உட்கொள்வதை தவிர்க்கவும்.

வெள்ளரி விதை நீர்

முதல் நாள் இரவே 1 டம்ளர் நீரில் ஒருகைபிடி அளவு வெள்ளரி விதைகளை ஊற வைக்கவும். பின்பு காலை வெறும் வயிற்றில் அந்த நீரை அப்படியே குடிக்கவும்.

வெள்ளரி விதை டீ

வழக்கமாக குடிக்கும் க்ரீன் டீ அல்லது பிளாக் டீயில் வெள்ளரி விதைகளை சேர்த்து குடிக்கலாம். அல்லது வெந்நீரில் வெள்ளரி விதைகளை சேர்த்து அப்படியே குடிக்கலாம். உடல் எடையை குறைக்க வெள்ளரி விதைகளை இந்த முறைகளில் எடுத்து கொள்ளவும்.

வெள்ளரி விதையில் இருக்கும் நன்மைகள்

• வெள்ளரிக்காய் மிகவும் குறைந்த கலோரி காய்கறிகளில் ஒன்றாகும். அதில் இருக்கும் விதைகள் உடல் எடையை குறைக்க உதவுகின்றன.
• வெள்ளரி விதையில் நார்ச்சத்து மற்றும் வைட்டமின் கே, வைட்டமின் சி, பொட்டாசியம், பாந்தோதெனிக் அமிலம் மற்றும் தாமிரம்,பைட்டோ போன்ற ஊட்டச்சத்துக்கள் உள்ளன.
• வெள்ளரி விதையில் கர்ப்ப காலத்தில் பெண்களுக்கு தேவையான தாதுக்கள் உள்ளன.
• தைராய்டு பிரச்சனை உள்ள பெண்கள் கண்டிப்பாக வெள்ளரி விதைகளை சாப்பிட வேண்டும்.
• இவற்றில் ஆன்டி-ஆக்ஸிடன்ட்கள் அதிகம் இருப்பதால், சரும பிரச்சனைகளுக்கு நல்லது.
• வெள்ளரி விதைகள் கந்தகத்தின் மூலமாகும். கந்தகத்தின் நல்ல அளவு முடி உதிர்வைக் குறைக்க உதவுகிறது.

குறிப்பு: சைனஸ் பிரச்சனை இருப்பவர்கள் மருத்துவரிடம் அனுமதி பெற்ற பின்பு வெள்ளரி விதைகளை சாப்பிடவும்.

இந்த தகவல் உங்களுக்கு நிச்சயம் பயனுள்ளதாக இருந்திருக்குமென நம்புகிறோம். இந்த பதிவு பிறருக்கும் பயன்பெற இதனை பகிரலாமே. மேலும் லைக் செய்யவும். ஹெர்ஷிந்தகி தமிழ் பக்கத்தில் இணைவதன் மூலமாக தொடர்ந்து பயனுள்ள பதிவை காணலாம்.

Images Credit: freepik