பெண்களுக்கு அதிகரிக்கும் மார்பக புற்றுநோய்; வீட்டிலேயே பரிசோதிக்கும் முறை!

எவ்வித சத்தமும் இல்லாமல் பெண்களைப் பாதிக்கும உயிர்கொல்லி நோய்களில் ஒன்றாக உள்ளது மார்பக புற்றுநோய். ஆரம்ப கட்டத்தில் எதுவும் தெரியவில்லையென்றாலும், மார்பு பகுதியில் ஏற்படும் மாற்றங்கள், முலைக்காம்பில் வீக்கம் மற்றும் வலி, மார்பகங்களில் திடீர் வீக்கம் மற்றும் வலி போன்ற அறிகுறிகளை ஆரம்பத்திலேயே கண்டறியவில்லையென்றால் மார்பக புற்றுநோயின் பாதிப்பு அதிகரித்து உயிரைக் கூட கொல்லும். இதற்காக நீங்கள் மருத்துவமனைக்குச் சென்று தான் பரிசோதிக்க வேண்டும் என்பதில்லை. பெண்கள் வீட்டிலேயே சில பரிசோதனைகளை மேற்கொண்டு மார்பக புற்றுநோய் பாதிப்பை ஆரம்பத்திலேயே கண்டறிய முடியும். இதோ என்னென்ன? என்பது குறித்து இங்கே அறிந்துக் கொள்ளலாம் வாருங்கள்.

மேலும் படிக்க: அதிகம் உப்பு உள்ள உணவுகளை சாப்பிடுகிறீர்களா? அதன் விளைவுகளை பாருங்கள்!

மார்பக சுய பரிசோதனை:

• மார்பக புற்றுநோய் குறித்த பரிசோதனை மமோகிராபி மூலம் தெரிந்துக் கொள்ள முடியும். இதை மேற்கொள்வதற்கான நேரம் மற்றும் வாய்ப்பு கிடைக்கவில்லையென்றால் பெண்கள் சுலபமாக வீட்டிலேயே பரிசோதனை மேற்கொள்ளலாம்.
• மார்பக புற்றுநோயின் பாதிப்பு உங்களுக்கு ஏற்பட்டுள்ளதா? என்பதைக் கண்டறிய முதலில் மார்பக வடிவம் மற்றும் அமைப்புகளில் மாற்றம் உள்ளதா? என சோதிக்க வேண்டும். பெண்கள் மாதத்திற்கு ஒருமுறையாது மார்பகத்தின் காம்புகள் உள்நோக்கி உள்ளதா? சுருக்கங்கள் ஏதேனும் உள்ளதா? என்பதை கவனிக்க வேண்டும். 
• இரண்டு மார்பகங்களிலும் சம அளவுடன் உள்ளதா? அல்லது ஏதேனும் மாறுதல்கள் உள்ளதா? என்பதை அவ்வப்போது சோதிக்க வேண்டும்.
• தினமும் குளிக்கும்  போது மார்பகங்களை கையில் அழுத்திப்பார்த்து வலி உள்ளதா? என சோதிக்க வேண்டும். உள்ளங்கையால் மார்பக பகுதி முழுவதும் மசாஜ்  செய்ய வேண்டும். இவ்வாறு செய்யும் போது ஏதேனும் வலி இருந்தால் மருத்துவரை  அணுகுவது நல்லது.
• மார்பக பகுதிகளில் ஏதேனும் கட்டிகள் அல்லது முடிச்சுகள் ஏதேனும் இருக்கிறதா? என்பதைக் கவனிக்க வேண்டும். லேசாக கட்டிகள் எல்லாம் கேன்சர் கட்டி இல்லையென்றாலும், வலி இல்லாமல் இருந்தால் உடனடியாக  மருத்துவமனைக்குச் சென்று பரிசோதிக்க வேண்டும். வலி இருந்தால் கூட வேறு ஏதேனும் பிரச்சனை என்று எடுத்துக் கொள்ளலாம். அதே சமயம் வலி இல்லையென்றால் முதலில் சோதிப்பது நல்லது.

அறிகுறிகள்: 

பொதுவாக மாதவிடாய் சமயத்தில் பெண்களுக்கு மார்பகங்களில்  இறுக்கமும், வலியும் ஏற்படும். இந்த வலி தொடர்ச்சியாக அதிகரித்து வந்தால் புற்றுநோயின் அறிகுறிகளாக எடுத்துக் கொண்டு மருத்துவ பரிசோதனை நல்லது. இதோடு மார்பக புற்றுநோய் பாதிக்கப்பட்ட பெண்களுக்கு உடல் சோர்வு, பசியின்மை, குமட்டல், எடை இழப்பு போன்ற பல்வேறு பக்க விளைவுகள் ஏற்படும். எனவே இதுபோன்ற பாதிப்புகள் இருந்தால் உடனடியாக மருத்துவரை அணுகுவது நல்லது.

பாதிப்பைத் தடுக்க செய்ய வேண்டியது?

இதுபோன்ற அறிகுறிகள் மற்றும் மார்பகத்தில் வலி ஏதேனும் ஏற்பட்டால் உடனடியாக மருத்துவ பரிசோதனை நலலது. குறிப்பாக பெண்கள் 30 வயதைக் கடந்து விட்டாலே மோமோகிராபி என்ற மார்பக புற்றுநோய் குறித்த பரிசோதனையை மேற்கொள்ள வேண்டும் என்பதை நினைவில் வைத்துக் கொள்ளுங்கள்.

Image souece - Google