வேலைக்குச் செல்லும் பெண்கள் புத்துணர்ச்சியுடன் இருக்க பருக வேண்டிய பானங்கள்!

வரகொத்தமல்லி தண்ணீர்:

நாம் தினமும் சாப்பிடக்கூடிய உணவுகள் நச்சுகளாக அப்படியே உடலில் படிந்திருக்கும். செரிமான அமைப்பு சீராக செயல்படவில்லையென்றால் சோர்வான உணர்வைப் பெற நேரிடும். இவற்றைத் தவிர்க்க வரகொத்தமல்லி தண்ணீரைப் பருகுவது நல்லது. ஒரு டம்ளரில் 1 தேக்கரண்டி அளவு வர கொத்தமல்லிகளை எடுத்து தண்ணீர் ஊற்றி இரவு முழுவதும் ஊற வைக்க வேண்டும். மறுநாள் காலையில் வெறும் வயிற்றில் பருகும் போது உடலில் வளர்சிதை மாற்றத்தை சீராக்கி தேவையில்லாத நச்சுக்களை வெளியேற்ற உதவுகிறது.

சியா விதை தண்ணீர்:

நார்ச்சத்துக்கள் அதிகம் கொண்ட சியா விதைகளை இரவு முழுவதும் ஊற வைத்து காலையில் வெறும் வயிற்றில் பருக வேண்டும். இவ்வாறு செய்யும் போது மலச்சிக்கல் பிரச்சனை சீராவதோடு செரிமான அமைப்புகளும் சீராக செயல்பட உதவுகிறது. இவற்றை இரவு முழுவதும் ஊற வைக்க முடியவில்லையென்றால் காலையில் அரை மணி நேரத்திற்கு மட்டும் ஊற வைத்து இந்த தண்ணீரைப் பருகலாம்.

மேலும் படிக்க:இல்லத்தரசிகளே.,தினமும் 15 நிமிடம் நாற்காலியில் உட்கார்ந்து கொண்டே இந்த பயிற்சிகளை செய்யுங்கள்

இதோடு மட்டுமின்றி இலவங்கப்பட்டை ஊற வைத்த தண்ணீர், கருப்பு திராட்சை ஊற வைத்த தண்ணீர், சீரகம் ஊற வைத்த தண்ணீர் போன்றவற்றைத் தினமும் பருகலாம். வெறும் வயிற்றில் வெதுவெதுப்பான தண்ணீரில் கலந்து குடிப்பது நல்லது. ஒருவேளை உங்களுக்கு குடல் சம்பந்தப்பட்ட பிரச்சனைகள் இருந்தால் இந்த பானங்களைத் தவிர்ப்பது நல்லது. இன்சுலின் அல்லது தைராய்டு பிரச்சனைக்கு மருந்து உட்கொள்பவர்கள், கர்ப்பிணிகள் மற்றும் பாலூட்டும் தாய்மார்கள் மேற்கூறிய பானங்களைப் பருகக்கூடாது என்பதை நினைவில் வைத்துக் கொள்ளுங்கள்.

Image credit - Freepik